Ospakizun kutsuko programazioa taxutu du Donostiako Kursaalak

Azaroan izango den 20. urteurreneko galaz gain, dozena bat kontzertu antolatu dituzte denboraldi berrirako. Hurrengo urteko zenbait ikuskizunetarako sarrerak ere salgai jarri dituzte dagoeneko
Omara Portuondo Donostian ariko da urriaren 30ean.
Omara Portuondo Donostian ariko da urriaren 30ean. JAIZKI FONTANEDA / FOKU Tamaina handiagoan ikusi

Miren Garate -

2019ko irailak 10

20 urte betetzen ditu aurten Donostiako Kursaalak, eta iragarrita zegoen jada azaroaren 28an gala bat izango zela urteurrena ospatzeko, «eraikineko jarduera kulturala ordezkatzen» duten artistekin. Besteak beste, Euskadiko Orkestra Sinfonikoa, Orfeoi Gaztea, Juan Jose Ocon zuzendaria, Lucia Lacarra dantzaria, Elena Sancho Pereg sopranoa, eta Izaro, Mikel Erentxun eta Eñaut Elorrieta abeslariak ariko dira. Ekitaldi hori nabarmentzen da Kursaal Eszenaren denboraldi berriko programazioan, baina beste dozena bat kontzertu ere antolatu dituzte udazkenerako.

Urriaren 19an izango da horietatik aurrena; hain zuzen, Musika Familian programaren barruan, dibertsitate sexualaren gaia landuko du Aske Fundazioak prestatutako komedia musikalak. Iragarritako azkenak, aldiz, 2020ko urtarrilean izango dira, Javier Camarena abeslari lirikoaren errezitala (urtarrilak 23) eta Madrilgo Los Secretos taldearen kontzertua (urtarrilak 31), hain zuzen.

Tartean, Geneva Camerata orkestraren (urriak 27), Hanburgoko NDR Elbphilharmonieren (azaroak 12), Martha Argerichen (azaroak 23) eta Concerto Koln orkestraren (abenduak 14) kontzertuek osatuko dute musika klasikoko eskaintza. Halaber, Omara Portuondo musikaria (urriak 30), Vetusta Morla taldea (azaroak 2) eta Ludovico Einaudi pianista (azaroak 4) ere ariko dira.

Nahiz eta udazkeneko denboraldia oraindik ez den hasi, ondorengoa ere prestatzen ari da Kursaal Eszena, eta zenbait ikuskizun iragarri ditu dagoeneko: Opus Lirica konpainiak Mozarten Don Giovanni taularatuko du otsailaren 21ean eta 22an, eta Amaral taldeak kontzertua emango du martxoaren 12an, Salto al color diskoa aurkezteko. Bi ikuskizun horietarako sarrerak salgai daude dagoeneko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Txagorritxuko erietxean, COVIDaren test serologikoak aztertzen. ©G. RUBIO / FOKU

Eritasunari buruzko lezio berrikusia

Arantxa Iraola

Asko falta da oraino, baina COVID-19aren inguruko ezagutzak egunero ari dira argitzen, osatzen; ondorioz, izurriaren hasieran gaitzaz esan ziren hainbat gauza zahartuta eta atzeratuta geratu dira guztiz. Etengabeko berrikusketa eskatzen du gai honek.

Langile bat, Garesen, piperra biltzen iaz. ©Jesus Diges / efe

Nafarroan, PCR probak egingo dizkiete sasoikako langileei

Joxerra Senar

Abuztutik urrira bitartean, ardorako mahats bilketan edo bestelako barazki eta fruituen uzta bilketarako Nafarroaz kanpotik etorriko diren langileei probak egingo dizkiete, etan positibo emanez gero, konfinamenduan lagunduko die gobernuak.

Basurtun, PCR probak egiten ©Javier Zorrila / efe

300 positibotik gora Hego Euskal Herrian

Berria

Bizkaian eta Araban gorakada nabarmenak izan dira.

Pentsionisten elkarretaratzea Bilboko Justizia Jauregian. ©Aritz Loiola

Pentsiodunek pandemiako testigantzen txosten bat aurkeztuko diote EAEko Fiskaltzari

Maialen Arteaga

Irailaren 7an bilduko dira fiskalarekin pandemiako testigantzak eta datuak biltzen dituen txostena helarazteko

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna