Albistea entzun

ARDOXKA

Godelia

Roberto Sarriugarte -

2021eko ekainak 19

Ikasturte honetako azkenengo Ardoxka-n Espainiako Leongo probintziako Bierzo eskualdera joango gara. Azken urteetan merezitako izena lortu du paraje horrek, batez ere mencia mahatsari esker ardo beltzetan, eta godelloari esker zurietan.

Gaur Godelia upategia ezagutuko dugu pixka bat. 2009an sortutakoa da, ardoarekiko eta mahastiarekiko pasioari erantzunez. Esan daiteke proiektua Garca Rodriguez familiak naturari dion maitasunaren ondorioz jaio zela.

Donejakue bidean kokatuta dago, bide frantsesean hain zuzen ere, eta upategiaren atetik igarotzen da. Puntu horretantxe bertan hasten dira bideko azken 200 kilometroak. Galiziara sartzeko azken tartean dago upategia.

Lehen aipatutako mencia eta godello mahatsez gain, doña blanca mahatsa ere lantzen dute. Haien esanetan, «jatorria, sentsibilitatea eta dotorezia» adierazi nahi dituzte ardoekin.

Bierzoko paraje horietako lur mota anitza eta orientazio desberdinak baldintza aproposenak dira ardo bikainak egin ahal izateko.

Iraunkortasunari oso lotuta dago proiektua, eta iraunkortasunari eusteko hainbat zutabe dituzte: Bierzo eskualdearekiko konpromisoa, mahasti zaharrak berreskuratzea, hornitzaileekin elkar harturik lan egitea, mahastizaintza iraunkorra, herbizidak eta tratamendu fitosanitario sistemikoak saihestea, landare-estalkiari eustea, lur biziak ahalbidetzea eta gaixotasunen aurkako ikerketa propioak bultzatzea.

Ingurumena zaintzea ezinbestekoa eta lehentasuna da Bodega y Viñedos Godelia upategiarentzat. Ondorioz, murriztu egin dituzte energia kontsumoa eta eguneroko lanean sortutako zaborrak. Zaborrak berrerabili eta birziklatu egiten dituzte, ahal den neurrian.

Ardoztatze lanetan izugarrizko garrantzia du ardoaren hondar finekin egiten duten lanak, batez ere ardo zurietan. Agian horixe izango da prozesu horretan upategiko ardoek jasotzen duten ezaugarririk nabarmenena.

Prozesu horrek aromen konplexutasuna nabarmentzea dakar, alde batetik, eta ahoan bolumena areagotzea, bestetik, ardoak askoz ere gastronomikoagoak bilakatuz.

Beste alde batetik, battonagea ere aipatuko nuke, hau da, ardoak ontzen ari direnean mugitzea, ligek ardo guztian egin dezaten lana.

Hiru multzotan-edo dauzkate sailkatuta ardoak. Oinarrizkoena Familia Godelia da, hiru ardoz osatua: Godelia Godello, Godelia Rose eta Godelia Mencia. Beste multzo bat Selección deitzen da eta hor aurki ditzakegu Godelia Cuvee, aparduna, Godelia Seleccion Godello eta Godelia Seleccion Mencia. Azken multzoa Pilgrim deitzen da eta hor daude Pilgrim Godello, Pilgrim Mencia eta Pilgrim Mencia Crianza. Beste ardo bi ere badituzte, bereziak, apartekoak, Viernes eta Libamus.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ARITZ LOIOLA / FOKU

«Zifren eta datuen inperialismoaren menpe bizi gara»

Gorka Erostarbe Leunda

Krisi garai erabatekoa; pentsatzeko tarterik ere uzten ez duena. Hartu du denbora hori Iñigo Martinezek, eta egungo inertziak auzitan jarri ditu 'Mandamentu hipermodernoak' lanean.
Pantailak Euskaraz ekimeneko kideak, manifestua aurkezten, gaur Durangon. ©BERRIA

Euskarazko ikus-entzunezkoen aldeko manifestu bat aurkeztu dute

Urtzi Urkizu

Pantailak Euskaraz taldeak plazaratu du testua, ikus-entzunezkoen arloko eta euskalgintzako zenbait eragileren ekarpenekin. Sektore desberdinetako 35 eragilek eman diote atxikimendua manifestuari. Atzo egin zuten agiriaren aurkezpena.

Kataluniako Heura enpresaren haragi tankerako pintxo beganoak jateko aukera dago azokan, Irunen. ©ANDONI CANELLADA / FOKU

Betiko txistorra ematen du ba!

Urtzi Urkizu

Beganismoari ikusgarritasuna ematen dion jaialdia egiten ari dira asteburuan Irunen, Ficoban: Be Veggie. Askotariko produktu eta zerbitzuak daude 70 erakusmahaitan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.