Alvar de Dios

Alvar de Diosek 2008an abiatu zuen mahastizaintzan eta ardogintzan ibilbidea. Haren hitzetan, oinarria hau da: lurrarekiko errespetua eta maitasuna, naturarekiko konpromisoa eta tradizioarekin berriz elkartzea. Artean, Aitona Donacianoren ehun urteko mahastiaren ardura hartu zuen, El Pego herrian (Zamora, Espainia); hondar kuaternarioa oinarri zuten lurretan landatutako mahastiak dira, alegia, Toro jatorri izena dauden lurretan.

Handik sortu zen Aciano ardo beltza, eta urtebete geroago etorri zen Vagüera zuria, El Maderal (Zamora, Espainia) herriko mahasti txikitxo eta historiko batetik sortua, El Rapadal lursailetik, hain zuzen ere. Lursail horretan hamabi mahats motatik gora daude landatuta, denak zuriak.

Urtebete geroago, eta marka berarekin, baina beste lursail bateko mahastitik, Las Mansas sortu zen, malvasiaz eginiko beste ardo zuri bat.

2014an upategi propioa eratu zuen, eta urtebete geroago, Arribes del Duero parajean ere lan egiten hasi zen. Inguru haiek ezezagunagoak ziren ardogintzari zegokionez, baina izugarrizko aukerak eta potentzialtasuna eskaintzen zituzten. Inguru horietakoak dira Camino de los Arrieros, Las Vidres eta Yavallo ardoak. Mahasti ñimiñoetan dute jatorria ardo horiek, ehun urtetik gorakoak, asko eta asko zapaldetan landatutakoak, eta ibai gaineko malkartegietan, arbel zuri eta piritaz osatutako lurretan.

Lehen aipatu dugun El Pego herria Toro jatorri izenean dago, baina haren ezaugarriek eta ematen dituen ardoek ez dute zerikusirik Toro jatorri izena babesten dituen ardoekin, horregatik erabaki zuen Alvar de Diosek bere ardoak sor-marka horretatik kanpo aterako zituela.

Herri horretatik bi ardo ateratzen dira: Tio Uco eta lehen aipatutako Aciano. Lehenengoa hiru partzela desberdinetan jasotako mahatsekin egiten dute, eta mahasti zaharrak zein gazteak nahasten ditu. Bigarrena partzela soil bateko mahatsez egina dago, eta bertako tinta de Toro (tempranilloa) mahatsaren indarra erakutsi nahi du, mahats hori lur hareatsuetan hazten denean eta mahastia zaharra denean.

Ardo zuriak egiteko asmoak El Maderal (Zamora, Espainia) herrira eraman zuen Alvar, eta han Vaguera lursaila aurkitu zuen. 1920an landatutako mahastia, artelatzen artean kokatua, doña blanca mahatsez osatua.

Villadeperan ere egiten du lan Alvarrek. Arribes del Duero jatorri izeneko iparralderen dagoen herria da Villadepera. Han hiru ardo egiten ditu De Diosek: bata herriko hogei bat mikropartzeletako mahatsak nahasiz, eta beste bi ardo partzelarioak: Yavallo eta Las Vidres.

Ekologikoan eta biodinamikaren legeei jarraituz egiten dute lan upategi horretan. Ardo zintzoak, benetakoak, bikainak.