Albistea entzun

Indarkeria Matxistaren Kontrako Eguna

NBEk dirua eskatu du emakumeen eskubideen aldeko taldeentzat

Guterresek esan du gobernuek %50 handitu behar dutela mugimenduentzako funtsa 2026rako. Emakumeen eta nesken kontrako indarkeria giza eskubideen urraketa «nagusitzat» jo du
Pakistango Lahore hirian atzo egin zuten manifestazio bateko irudi bat.
Pakistango Lahore hirian atzo egin zuten manifestazio bateko irudi bat. RAHAT DAR / EFE Tamaina handiagoan ikusi

Ander Perez Zala -

2022ko azaroak 26

Antonio Guterres NBE Nazio Batuen Erakundearen idazkari nagusiak gobernuei eskatu die diru gehiago emateko emakumeen eskubideen aldeko mugimenduei. Eta, horretarako, data eta kopuru zehatzak ere finkatu ditu: 2026rako funts hori %50 handitzea nahi du.

Indarkeria Matxistaren Kontrako Egunean egin zuen eskari hori NBEren idazkari nagusiak, atzo. Guterresen arabera, «orain da garaia» emakumeen eta nesken kontrako indarkeria amaitzea helburu duten «ekintza eraldatzaileak» egiteko, eta, horregatik, agintariei esan zien beharrezkoa dela «ekintzarako plan nazionalak diseinatu, diruztatu eta inplementatzea».

Horrek zera esan nahi du, NBEren idazkari nagusiak azaldu zuenez: lehenik, gizarte zibileko taldeek eta mugimenduen oinarriek «erabakitze prozesuaren etapa guztietan parte hartzea»; bigarrenik, legeak ezartzea eta horiek errespetaraztea, «bizirik iraun dutenek justiziarako duten eskubidea» bermatuta ikus dezaten; eta, hirugarrenik, «arau patriarkalei erronka jotzen dieten eta misoginia eta indarkeria ukatzen duten» kanpaina publikoak babestea.

«Biztanleriaren erdia jomugan duten diskriminazio, indarkeria eta abusu horiek kostu handia dute. Emakumeen eta nesken parte hartzea mugatzen dute bizitzaren arlo guztietan, beren oinarrizko eskubideak eta askatasunak ukatzen dizkiete eta gure munduak behar duen bidezko suspertze ekonomikoa eta hazkunde jasangarria blokeatzen dituzte», Guterresek atzo salatu zuenez.

Hilketa bat 11 minututik behin

Egun, NBEren datuen arabera, 11 minututik behin emakume bat edo neska bat hiltzen du senide batek edo bikotekideak.

«Eta badakigu beste estres batzuek, COVID-19aren pandemiatik hasi eta nahasketa ekonomikoraino, halabeharrez eragiten dutela abusu fisiko eta hitzezko abusu askoz ere handiagoa izatea», nazioarteko erakundearen idazkari nagusiak azaldu zuenez.

Biktima izan diren emakumeentzako arreta zerbitzua

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Carles Puigdemont (erdian) Luxenburgoko auzitegiaren epaia baloratzen, gaur, Europako Parlamentuan, inguruan Clara Ponsati, Gonzalo Boye, Lluis Puig eta Toni Comin dituela. ©Berria

Erbesteratu katalanek ezingo dituzte Belgikaren argudioak erabili Llarenaren euroaginduak baztertzeko

Gorka Berasategi Otamendi

Europako Batasuneko Justizia Auzitegiak ebatzi duenez, batasuneko estatu kide batek ezin dio uko egin beste kide baten euroagindu bati, frogatu ezean azken horrek sistematikoki urratzen dituela eskubideak.

AEBetako F-16 hegazkin batzuk ariketa militarrak egiten Hego Korean ©EFE

Ukrainara gerra abioiak bidaltzearen aurka agertu da, oro har, Mendebaldea

Igor Susaeta

Auzia mahai gainean dago, baina Mendebaldeak ez du jarrera bateraturik. Macronen arabera, hainbat aldagai hartu beharko lirateke kontuan borrokarako hegazkinak entregatzeko.

Antony Blinken AEBetako Estatu idazkaria eta Benjamin Netanyahu Israelgo lehen ministroa, atzo, Tel Aviven. ©DEBBIE HILL / EFE

«Lasaitasuna berrezartzeko» eskatu die Blinkenek Israeli eta Palestinari

Mikel Elkoroberezibar Beloki

AEBetako Estatu idazkariak Tel Aviven adierazi du AEBek «Israelgo segurtasunarekin» daukaten konpromisoa «hautsezina» dela. Israelgo armadak gutxienez 35 palestinar hil ditu aurten

Zelenski eta Von der Leyen, iazko apirilean, Kieven ©EFE

Ukrainak bi urteko epean sartu nahi du EBn

Igor Susaeta

Erdoganek adierazi duenez, Suediarekin eta Finlandiarekin batera negoziatu beharrean, bakarka negoziatuko du bi herrialde horiek NATO Ipar Atlantikoko Itunaren Erakundeko kide bihurtzeari buruz.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...