Albistea entzun

Koronabirusa

Gaurtik arindu egingo dira gaueko aisialdiari ezarritako neurriak Nafarroan

Nafarroako Auzitegi Nagusiak gobernuaren dekretua onetsi du. Ostatuen itxiera, oro har, ordubete atzeratuko da: 02:00 arte. Labik bilera izango du gaur goizean
Txertoa jartzeko gunea, Iruñean, atzo.
Txertoa jartzeko gunea, Iruñean, atzo. IÑIGO URIZ / FOKU Tamaina handiagoan ikusi

Arantxa Iraola -

2021eko irailak 17

Nafarroako Auzitegi Nagusiak ez dio ezetzik esan aste honetan Maria Txibiteren gobernuak koronabirusaren kontrako neurriak arintzeko atera duen foru dekretuari. Izurritearen bilakaera onbidean dela iritzita, ezarriak diren mugak leuntzeko asmoa iragarri zuen Gobernuak, eta auzitegiak bide eman dio asmo horri. Bihar jarriko dira indarrean neurri berriak, eta, gutxienez, hilaren 30era arte iraunen dute. Aldaketek ostalaritzaren eta gaueko aisialdiaren ordutegietan eraginen dute, batik bat: ordubete atzeratuko dute ostatuen itxiera ordua, hau da, 02:00 arte izaten ahalko dira zabalik.

Izanen dira, hala ere, ñabardurak. Lizentzia bereziak dituzten lokalek 03:00 arte ematen ahalko dute zerbitzua; diskotekek eta dantzalekuek, 04:30 arte. Orain arte bezala, debekatua izanen da barran kontsumitzea. Gainera, etxabeen erabilera baimendua da atzera ere. Dena dela, baldintza batzuk bete beharko dituzte: agiri bat helarazi beharko zaie Osasun Departamentuari eta tokian tokiko udalari, erabilera egokia eginen dela adieraziz. Halaber, garraioan baimendua den gehienezko edukiera zabalduko du Nafarroako Gobernuak: %75era handitu nahi dute muga, eta gogorarazi dute ezinbestekoa izanen dela aireztatze egokia bermatzea.

Araban, Bizkaian eta Gipuzkoan ere izurriaren aurkako neurrien arintzea espero da gaur. Labi Babes Zibileko Planaren aholku kontseiluak bilera du gaur goizean, eta, ondoren, Eusko Jaurlaritzako Osasun sailburu Gotzone Sagarduik agerraldia eginen du, zer erabaki den azaltzeko.

Datuak

265. Horiek izan ziren asteazkenean atzemandako COVID-19 kasuak. 215 Osakidetzak detektatu zituen, eta 50 Osasunbideak. Bizkaian atzeman ziren gehienak, 131; Gipuzkoan 64 izan ziren, eta Araban 18. Denera 7.669 test egin zituzten bi osasun sistemek, eta %3,4 izan ziren positiboak. Transmisioa nabarmen ari da behera azken asteotan. Beherako kurba agerikoa da uztailetik hona; uztailaren 30ean, positiboen hamalau eguneko batez bestekoa 1.763 kasukoa zen; orain, 303 kasukoa. 40 paziente ospitaleratu behar izan zituzten atzo infekzioaren ondorioz: denak Osakidetzan. Ospitaleratzeen kurba ere beheraka ari da, baina motelago, eta gorabeherekin. Hilaren hasieran, adibidez, 207 pertsona zeuden Osakidetzan ospitaleratuta; orain, 166. Denera, bi osasun sistemetan 67 eri daude ZIUetan. Nafarroako Gobernuko Osasun kontseilari Santos Indurainek atzo iragarri zuen espero dutela urrian txertatuta egotea herrialdean txertoa har dezaketenen %90.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Maria Txibite lehendakaria eta Ramon Alzorriz PSNko bozeramailea, Nafarroako Parlamentuan. ©JESUS DIGES / EFE

Sindikatu Medikoaren hordagoari men egiteko prest azaldu da Txibite

Ion Orzaiz

Lehendakariak justifikatu du Osasunbideko sendagileei aukera ematea osasun pribatuan ere jardun daitezen: «Profesionalak erakartzeko bidea da». Erabakiaren aurka azaldu dira EH Bildu eta Ezkerra
LAB sindikatuak elkarretaratzea egin zuen atzo, Iruñean. ©JAGOBA MANTEROLA / FOKU

«Pribatuaren interesak babestea» egotzi dio LABek Sindikatu Medikoari

Itsaso Jauregi

Iruñeko elkarretaratzean, sindikatuak adierazi du sendagileen esklusibotasuna kentzea osasun publikoaren kalterako izanen dela
Bilboko etxegabearen heriotza gaitzetsi zuten atzo iluntzean, udaletxe aurrean. ©MONIKA DEL VALLE / FOKU

«Pobreen aurkako gerra» salatu dute, hildako etxegabea oroitzean

Maite Asensio Lozano

Etxebizitza eskubidea bermatzeko exijitu dute Eskubide Sozialen Gutunak eta AZET taldeak
Pertsona batzuk, maskara jantzita, autobusean. ©JUAN CARLOS RUIZ / FOKU

Otsailaren 8tik aurrera maskara ez da beharko Hegoaldeko garraio publikoan

Edurne Begiristain Julen Aperribai

Espainiako Osasun ministroak esan du adierazleak «oso egonkorrak» direlako kenduko dutela. Halere, osasun zentroetan eta farmazietan derrigorrezkoa izango da

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...