Albistea entzun

Koronabirusa

Positiboek gora egin dute Hego Euskal Herrian: 595 kasu izan dira

Jaurlaritzak iragarritako neurriak indarrean sartu dira: hamar lagunen muga «gomendatzen» du; ez debekatu. Abuztuaren 10etik 16ra, positibo eman zuten hamabi pertsona hil ziren

Olatz Esteban Ezkati -

2020ko abuztuak 20

Hego Euskal Herrian igo egin dira kasuak azken orduetan: 595 positibo atzeman dituzte, bezperan baino 223 gehiago. Gorakada orokortua izan da herrialde guztietan, baina Bizkaian atzeman daiteke bereziki: 316 kasuren berri eman dute, atzoko kasuak ia halako bi (185). Araban, Nafarroan, eta Gipuzkoan, kasuen kopurua ia berbera izan da: 86, 85 eta 81, hurrenez hurren. Javier Remirez Nafarroako presidenteordeak adierazi du aurreko egunetan baino kasu gehiago izan direla azken orduetan, baina aste osoko datuak «baikorrak» direla, eta ez dutela osasun larrialdia ezartzeko asmorik. Eusko Jaurlaritzak astelehenean ezarri zuen osasun larrialdia, eta atzo arratsaldean sartu ziren indarrean iragarritako lehen neurriak. Bada ñabardura bat: hamar lagun baino gehiagoko bilkurak «gomendatu» egiten ditu, eta ez debekatu. Terrazetan, aire zabaleko kirol jardueretan eta bisita gidatuetan bakarrik debekatzen dute hamar lagun baino gehiago biltzea.

Horrez gain, atzo emandako datua da abuztuaren 10etik 16ra bitarteko astean birusa zuten hamabi pertsona hil zirela Hegoaldean, horietatik hiru COVID-19aren ondorio zuzenengatik. Ospitaleetan 230 gaixo daude oraintxe; horietatik 26 ZIUetan. Izan ere, 36 ospitaleratze izan dira azken orduetan.

Ezkerraldeko lau udalerritan kasuen igoera nabarmena igarri da. Barakaldon, Portugaleten, Santurtzin eta Sestaon (Bizkaia) 90 kasu detektatu dituzte, bezperan atzemandakoak halako hiru. Portugaleten 28 positibo izan dira; Barakaldon eta Santurtzin, 24; eta Sestaon, 14. Esanguratsua da, era berean, Getxoko (Bizkaia) kutsatu kopurua: 46 azken orduetan, aurreko egunetan atzemandakoak halako bi. Azpeitian (Gipuzkoa), beste bederatzi kasu atzeman dituzte, eta dagoeneko 103 dira ostegunetik detektatutako kutsatzeak. «Fokua erabat kontrolatuta ez badago ere, lokalizatuta dagoela dirudi», azaldu du Nagore Alkorta alkateak. Bestalde, Donostiako Hegalak kiroldegiko ikastaro batean eta Andoaingo (Gipuzkoa) kiroldegian zenbait kasu izan dira. Andoaingo kiroldegia itxi egin dute.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Mintzodromo bat, San Telmo museoan, Donostian. ©GORKA RUBIO / FOKU

Aniztasunerako zubigintza

Iraia Vieira Gil

Euskaraz ez dakitenak erakartzeko jardunaldiak antolatu ditu Euskaltzaleen Topaguneak. Euskarak sortzen dituen barne eta kanpo gatazkak izan dituzte hizpide.
Idurre Eskisabel, atzean Euskalgintzaren Kontseiluaren logoa duela. ©EUSKALGINTZAREN KONTSEILUA

Idurre Eskisabel izango da Kontseiluko idazkari nagusia

Julen Aperribai

Paul Bilbaok hamabi urte eman ditu kargu horretan, eta hura ordezkatuko du Eskisabelek gaur zortzi, Durangon. Euskararen auzia «gizartearen lehentasun» bihurtzea eta aliantzak sendotzea jarri ditu helburu

Indarkeria matxistaren aurkako protesta bat, Iruñean. ©IÑIGO URIZ / FOKU

'Baietz da baietz' legearen aurretiko kondenei eutsiko diete Nafarroan

Ion Orzaiz

Nafarroako Auzitegiak ez du murriztuko zigorra, hura lege berriaren parametroetan sartzen bada. Gipuzkoako Auzitegiak etzi ebatziko du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.