Albistea entzun

Koronabirusa

Autodiagnostikorako testak, salgai

Hegoaldean lehenengoz egongo da testak erosteko aukera. Farmazialariek lehendik maiz eskatua dute neurri hori; oraindik ez dago protokolorik testetan positibo ematen dutenek egin beharreko bidea ebazteko
Autodiagnostiko testak botiketan erosi ahal izango dira.
Autodiagnostiko testak botiketan erosi ahal izango dira. QUIQUE GARCIA / EFE Tamaina handiagoan ikusi

Beñat Mujika Telleria -

2021eko uztailak 21

Espainiako Ministroen Kontseiluak oniritzia eman eta gero, atzo jarri ziren salgai lehenengoz COVID-19aren autodiagnostikoa egiteko testak Hegoaldean. Lagina norberak hartu ahal izango du test horiekin, eta emaitza interpretatu, profesional baten laguntzarik gabe. Farmazialariek behin eta berriz eskatua zuten neurri hori, eta edozein farmaziatan egongo dira eskuragarri. Prezioa hamar eta hamabost euro artekoa izango da.

Errezetarik gabeko bi test mota egongo dira salgai farmazietan: antigeno testak eta antigorputz testak. Antigeno testa infekzioa hartu eta zazpi egunera edo sintomekin hasi eta bost egunera egin behar da, karga birala altuen dagoen egunetan, hain zuzen. Test horretarako lagina sudurretik hartu beharko da, eta pertsonak, une horretan bertan, gorputzean birusaren osagaiak dituen egiaztatzen du. Kontuan izan behar da positibo faltsuak edo negatibo faltsuak atera daitezkeela karga birikoa baxua denean edo sintomarik ez dagoenean. Horregatik, Europako Batasunak gutxienez %97ko espezifikotasuna eta %90eko sentsibilitatea duten testak erabiltzea gomendatzen du.

Autodiagnostikorako antigeno testetan positibo ematen dutenek Osakidetzari jakinarazi beharko diote, nahiz eta oraindik ez dagoen horretarako protokolorik. Beraz, positibo horien berri ematea bakoitzaren ardura izango da, eta administrazioak eskatu du horretan arduraz jokatzeko. Antigorputz autotest serologikoan, berriz, odol lagin txiki bat beharko da testa egiteko. Test mota honek bi gauza erakuts ditzake: birusarekin kontakturik izan den (nahiz eta sintomarik ez izan) edo txertoa hartu ondoren antigorputzak sortu diren. Antigorputz autotest serologikoa egiteko, txertoak ematen duen immuntatea lortu eta gero egitea komeni da, ez txertoa hartu eta berehala. Hor ere emaitza faltsuak atera daitezke, eta, horregatik, Europako Batasunak gutxienez %98ko espezifikotasuna eta %90eko sentsibilitatea duten testak erabiltzea gomendatzen du.

Gipuzkoako Farmazialarien Kolegioko kide Olatz Cuevasen ustez, antigeno testak farmazietan saltzeak asko lagun dezake pandemiaren eboluzioan, baina protokolo baten beharra dagoela azpimarratu du. «Saltzen den test bakoitzari jarraipen bat egin beharko litzaioke; horrela, emaitza positiboa bada, Osakidetza jakinaren gainean egoteko».

Hala ere, test horiek eskuragarri egon arren, gainerako babes neurriak aintzat hartzearen eta txertaketa prozesuarekin irmo jarraitzearen garrantzia ere azpimarratu ditu. «Ikusi baita bi horiek direla neurririk eraginkorrenak».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Zaballako presondegia, artxiboko irudi batean. ©Jaizki Fontaneda, FOKU

Hamalau kasu positibo atzeman dituzte Zaballako kartzelan

Uxue Rey Gorraiz

Kutsatutako guztiak presoak dira, eta aurretik hartua zuten COVID-19aren kontrako txertoa

Etxaratzeko agindua Nafarroan abuztuaren 5era arte luzatzea onartu du justiziak

Etxaratzeko agindua Nafarroan abuztuaren 5era arte luzatzea onartu du justiziak

Arantxa Iraola

Gainerako murrizketak irailaren 2ra arte luzatzea onartu du; hamar pertsonatik gora ezingo dira elkartu, eta jai giroko ekitaldi askok galarazita jarraituko dute

Esako urtegia. ©JESUS DIGES / EFE

Esa: bi hamarkada mamuaren itzalpean

Ion Orzaiz

Hogei urte igaro dira Esako urtegia handitzeko lanak hasi zirenetik. Denbora horretan, lanen aurrekontuaren neurri berean handitu dira segurtasunari buruzko kezkak eta kontrako iritziak. Adituen ustez, lanak amaituta ere, «urtegia ez da inoiz beteko».
Elkarretaratze bat, Gasteizen, eraso transhomofoboen aurka. ©Juanan Ruiz / Foku

Emakume transexual baten kontrako erasoa salatu dute Gasteizen

Berria

Ikusgune Gasteizko LGTBI+fobiaren aurkako Behatokiak salatu duenez, uztailaren 22an eraso fisikoa egin zioten emakume transexual bati, Gasteizen. Lizarran ere eraso homofobo bat salatu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.