Koronabirusa

Behar den tartea uztea, ezinezkoa

Jendetza ibili da ostiral goizean Donostiako Kontxako hondartzan. Oraingoz, itsasgoran soilik dago han egoteko debekua, eta herritarrek uste dute udan «zaila» izango dela hondartzen edukiera kontrolatzea.
Marea behean, atzo, Kontxako hondartzan (Donostia).
Marea behean, atzo, Kontxako hondartzan (Donostia). ANDONI CANELLADA / FOKU Tamaina handiagoan ikusi

Paulo Ostolaza -

2020ko maiatzak 30

Ez da posible segurtasun distantziak mantentzea. Horregatik, itsasgora baino bi ordu lehenago eta bi ordu geroago, ezingo da hondartzara sartu. Bi metroko segurtasun tartea gordetzeko ere eskatzen dizuegu; zuen laguntza ezinbestekoa da. Eskerrik asko». Donostiako Kontxako hondartzako megafoniaz igortzen ari diren mezua da.

Izan ere, azken egunetan Hego Euskal Herriko hainbat hondartzetan ikusitako irudiak zeresana ematen ari dira. Eusko Jaurlaritzak gomendioak betetzeak duen garrantzia gogoratu zien atzo hondartzak kudeatzen dituzten erakundeei, eta Bizkaiko hondartza batzuetan hasi dira jada debekuak ezartzen.

Donostian, oraingoz, itsasgora denean soilik dago debekatuta hondartzan egotea. Garazik eta Arantxak, ordea, ez dute ikusi oraindik legedi hori aplikatu dutenik. Ostiral goiza da, jende ugari dabil hondartzan, eta handik irteten ari dira bi lagunak. Garazik hartu du hitza: «Aste honetan egunero etorri naiz hondartzara, eta ez dut uste inor bota dutenik; itsasgoran ere ez dute itxi».

16:30ean da itsasbehera, eta 11:30 aldera oraindik ere goian dago itsasoa. Bi lagunek paseatzeko aprobetxatu dute, «uretatik». Hondarretan maskara jantzita ez dute pertsona bakar bat bera ere ikusi.

Etor daitekeena

Arratsaldean egoera «okerragoa» izango dela uste dute, «beti bezala, ostiral goiza izanda asko lanean ari direlako». Asteburuan, zer esanik ez: «Eta hori, Donostian hiru hondartza edukita!», dio Arantxak. Kontxa nola dagoen ikusita, distantziak mantentzea «zaila» dela uste dute.

Iritzi bera du petrilean hankak garbitzen ari den Juan Karlos Gomezek: «Konplikatua iruditzen zait edukiera kontrolatzea; uda ez da iritsi, eta begira nola dagoen hondartza...». Pasaiakoa da, eta gaur bigarren aldiz joan da Kontxara, «paseotxo bat ematera».

«Gertatzen ari denak baino gehiago, gerta daitekeenak» kezkatzen du: «Orain, hemen bizi garenok soilik etortzen gara, baina mugak irekitzen dituztenean...». Argi du ezinezkoa dela behar adinako distantziak mantentzea, kontzientzia handia izan arren: «Erakundeek hartu beharko dute neurriren bat».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Baionako karrikak hutsik, atzo, etxeratze agindua dela eta. ©GUILLAUME FAUVEAU

«Lanean ari bazara, argiki izorratua zara»

Joana Ibargarai Leritza

Jean Castex Frantziako lehen ministroak ostegunean iragarri bezala, Ipar Euskal Herrian etxeratze agindua 18:00etatik 06:00ak artekoa da orain, eta atzo izan zen neurria aplikatu beharreko lehen eguna.

Osasun langile bat antigenoen proba bat egiten. ©Gorka Rubio / Foku

Positibo gutxiago atzeman dituzten arren, tasa %7 da Hegoaldean

Berria

834 pertsonak eman dute positibo COVID-19a detektatzeko proban, bezperan baino ia 200 gutxiagok. Gero eta paziente gehiago daude ZIUetan.

Koronabirusaren kontrako txertoa. ©Guillaume Fauveau

Urkulluk dio «onartezina» dela txerto gutxiago jaso izana

Berria

Indurainek esan du Nafarroak «erreserba estrategikoa» duela datorren astean txertaketarekin segitu ahal izateko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.