Albistea entzun

Pirinioek batutako aldarria

Suredak eta Gomezek «sinbologiaz betetako» mobilizaziotzat dute burujabetzaren alde uztailaren 2an egingo dutena. Elkarlana nabarmendu dute: «Parean duguna berdina da». Bideoa, albistearen barruan.
Susanna Sureda eta Manu Gomez, Etxarri Aranatzen.
Susanna Sureda eta Manu Gomez, Etxarri Aranatzen. BERRIA TB Tamaina handiagoan ikusi

Lara Madinabeitia - Olatz Artola Apeztegia - BerriaTB

2022ko ekainak 22

Gure Eskuk eta Kataluniako eragile sozial batzuek Pirinioetako Bidea antolatu dute uztailaren 2rako; asmoa da mendikate horretako 300 bat gailur argiztatzea, Kantauri itsasotik Mediterraneora. Egitasmoaren berritasunetako bat da bi herrialdeetako herritarrek bat egingo dutela mobilizazio berean, eta horietako bi dira Manu Gomez burujabetzaren inguruko herri galdeketen sustatzaile izandakoa eta Susanna Sureda Katalunian jaiotako etxarriarra. «Sinbologiaz betetako proiektu bat» izango da uztailaren 2ko egitasmoa, Suredaren esanetan.

Izan ere, tontorrak argiztatzea, gailurretatik argia ematea, «oso sinbolikoa» iruditzen zaio Suredari: «Katalan eta euskal herritar gisa, partekatzen ditut aldarrikapenak. Niretzat, uztailaren 2an Mediterraneoa eta Atlantikoa lotuko ditugula pentsatzea zirraragarria da. Egunotan irudikatzen nituen [Jaurlaritzako lehendakari izandako Jose Antonio] Agirre eta [Kataluniako Generalitateko presidente izandako Lluis] Companys; bere garaian faxismotik ihesi, milaka herrikide bezala». Biek Pirinioak gurutzatu zituzten 1936ko gerran.

Metafora berari heldu dio Gomezek ere: «Orduan itzaletara joaten ziren, eta orain argia ematera goaz». Bi herrialdeek batera egiten duten lehen «ekintza intsumisotzat» du uztailaren 2koa: «Hori da pixka bat bidea: desobedientzia, baina imajinazioa landuta. Desobedientzia puntu bat ere badu. Oso polita iruditzen zait. Parean duguna ikusita, intsumisiorik gabe ezingo dugu aurrera egin. Beharrezkoa da bi herriek batera egitea bide hori».

Hain zuzen, erabakitzeko eskubidearen aldeko bidea partekatzeko egokitasunaz mintzo da Gomez: «Aspaldi entzun nion katalan bati; bakoitzak edukiko duela bere historia baina parean daukaguna berdina dela. Elementu berdina dela gure herriari erabakitzen ukatzen diona, eta, berdina den neurrian, ezinbestekoa da biok batera aurre egitea, nahiz eta gero bakoitzak bere erritmoa eramango duen edo ez». Kataluniako herritarren aldetik «ilusioa» nabari du Suredak, nahiz eta deialdia han «beranduago» zabaldu den: «Kontsigna betikoa da: ez dago atzerabiderik. Indar paregabea daukagu: jendearen indarra. Pizten da behar den aldiro, eta badakigu ez gaudela bakarrik».

Ekintza «ikusgarria»

Mobilizazioaren izaera berritzaileari ere erreparatu dio Gomezek: «Askotan, aktibismoa lotzen dugu hausturarekin eta ez dugu lotzen sortzen ditugun gauza ederrekin. Agian horrek gehiago eragiten du; bat-batean ikusi dugu bakarren bat muturbeltz jarri dela mendi batzuk argiztatuko ditugulako; ekintza ikusgarri bat egin behar dugulako. Oihartzuna izango du, ez da egunero 800 kilometro argiztatzen. Ez da egunero mendilerro bat argiz ikusten».

Mobilizazioan, 115 tontor inguru argiztatzea egokituko zaie euskal herritarrei. Zailtasunaren arabera, berdez eta gorriz sailkatu dituzte gailurrak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©IÑIGO URIZ / FOKU

«Gure erronka da nola lotu nazio proiektua oraingo borrokekin»

Joxerra Senar

Hiru urteko etenaldiaren ostean, Plaza Hutsa egingo du Sortuk Burlatan bihar. Militantziaren bilgune horretan, herrigintzari buruz gogoeta egin eta ildo bat ezarri nahi diete aurretik ezarritako sei eremu estrategikoei.
Dozenaka jende agertu zen atzo Baionako auzitegi aitzinean, auzipetuei sostengua erakustera. ©GUILLAUME FAUVEAU

Martxoaren 9an emango dute 11 'bakegileren' inguruko deliberoa

Ekhi Erremundegi Beloki

Hamar auzipeturentzat 950 euroko isuna eskatu du fiskalak, gibelapenarekin. Uztailaren 23ko protestetan autobidea blokeatzea egotzita epaitu dituzte. Ekintza justifikatu dute guziek

Iratxe Sorzabalen zauriak, 2001eko atxiloaldiaren ostean. ©Berria

Iratxe Sorzabalen kontrako zigorra berretsi du Auzitegi Gorenak, torturak ukatuta

Berria

Euskal preso horrek pairatutako torturen berri eman izanak ez du «egiaztatzen» halakorik sufritu zuenik, Gorenaren arabera.

Beatriz Artolazabal Eusko Jaurlaritzako Berdintasun, Justizia eta Gizarte Politiketako sailburua, iazko azaroan, Eusko Legebiltzarrean. ©JAIZKI FONTANEDA / FOKU

Artolazabalek otsailaren 14an utziko du sailburu postua

Mikel Elkoroberezibar Beloki

EAJren Gasteizko alkategaia izango da Artolazabal, eta kanpainaurreari heltzeko utziko du Berdintasun, Justizia eta Gizarte Politiketako sailburu postua. Esan duenez, «oso gustuko» izango luke bere ordezkoa emakume arabar bat izatea.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...