Hamahiruna urteko espetxe zigorra Bilboko talde bortxaketa egin zutenentzat

Hiru gizon dira; sexu erasoa egin zutenean, 20-28 urte artean zituzten; 18 urteko andre bat inguratu zuten hiruren artean. Andreari emandako tratua «laidogarria» izan zen

Erredakzioa -

2019ko maiatzak 29

Bizkaiko Probintzia Auzitegiak atzo plazaratu zuen sententzia: Bilboko Solokoetxe auzoan 2017ko urtarrilean taldeko bortxaketa bat egin zuten hiru gizonek hamahiruna urteko espetxe zigorra bete beharko dute. Hilaren 9an hasi zen epaiketa. Bertan sartzerik ez da egon, baina zabaldu dira, hala ere, auzibideari buruzko hainbat jakingarri: esaterako, erasoaren irudiak ikusi ahal izan direla segurtasun kameren bidez. Biktima 18 urteko andre gazte bat zen erasoa pairatu zuenean. Orain zigortu dituzten gizonetako bik 20 urte zituzten; besteak, 28. Kartzelan egon dira orain arte ere, sententziaren zain. Emakumearen sexu askatasuna urratzea egotzita jarri diete zigorra, eta erasoaren irudiak grabatu eta zabaltzeagatik ere bai. Izan ere, eskuko telefonoarekin grabatu zuten bortxaketa, eta irudiak ezagun bati bidali zizkion akusatuetako batek.

Fiskaltzak 80 urteko kartzela zigorra eskatu zuen hiru gizonentzat. Akusazio partikularrak, ehun urte baino gehiagokoa. Fiskaltzak, zehazki, 26 urte eskatu zituen bi gizonentzat, eta bat gehiago hirugarrenarentzat. Akusazio partikularrak 38-39 urte arteko zigorrak eskatu zituen. Biek kontakizun bera berretsi dute: janaria saltzeko makinak dauden toki batean inguratu, eta bortxatu egin zuten hiru gizonek emakumea. Horretarako, haren nahasmendu egoeraz baliatu ziren, alkohola edanda baitzegoen. Depresioaren kontrako botikak ere hartzen ari zela nabarmendu du sententziak: «Ulertzeko eta kontrolatzeko gaitasuna erabat kaltetua zuen». Defentsek, hala ere, absoluzioa eskatu zuten, bortxaketa hura sexu harreman baimendu bat izan zela argudiatuta. Sententzian, emakumezko gazteak gizonen partetik pairatu zuen tratu «laidogarria» azpimarratu dute.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nekane Murga Jaurlaritzako Osasun sailburua agerraldi batean. ©Javier Etxezarreta/EFE

Murga: «Hau bigarren olatua da»

Olatz Esteban Ezkati

Azken orduetan nabarmen ugaritu dira kasuak Hego Euskal Herrian: 419 positibo atzeman dituzte, atzo baino 108 gehiago.

Bastidan, mahats bilketa, 2018an. ©Jaizki Fontaneda / Foku

Araban ere sasoikako langileei PCRak egingo dizkiete

Berria

Arabako Errioxan, mahats bilketan 2.500 eta 3.000 langile artean ibiltzea espero da eta Jaurlaritzak baieztatu du aukera hori aztertzen ari direla,

Azkaineko (lapurdi) eskolako sartzea, itxialdiaren ondotik. ©Guillaume Fauveau

Bidarteko udalekua itxi dute langile batek positibo eman duela eta

Oihana Teyseyre Koskarat

31 haur izan dira kontaktu zuzenean. Udalekua hetsirik egonen da bi egunez gutxienez.

Aguraingo plaza. ©Aritz Loiola/FOKU

Aguraingo Kokolo eta Donostiako Ramuntxo Berri tabernetan izan direnei proba egitera joateko eskatu die Jaurlaritzak

Berria

Agurainen, uztailaren 29tik abuztuaren 2ra han egon zirenei egin die deia; Donostian, berriz, uztailaren 26tik abuztuaren 3ra egondakoei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna