Europa zaharraren konkistan jarraitzen du CAFek, beste bi kontratu handirekin

Birminghamdik eta Veneziatik jasotako eskaerek 110 milioi euroko balioa dute. Urbos modeloko 21 tranbia bidaliko ditu Ingalaterrara, eta 30 Urbino autobus elektriko Italiara
CAF konpainiaren Urbos tranbia.
CAF konpainiaren Urbos tranbia. CAF

Xabier Martin -

2019ko urriak 8

Inoizko kontraturik handiena lortu zuen Frantzian (700 milioi euro), irailean, eta bide beretik jarraitu du urrian Beasaingo CAF konpainiak, beste bi eskaera ofizial jaso baititu Europa zaharreko merkatuetatik: Ingalaterratik bata eta Italiatik bestea. Alstom eta Siemens nagusi diren erresuman aurrera doa CAF, eta ez bakarrik trenak saltzen, baita autobus elektrikoak ere. Solaris poloniarra garairik egokienean erosi duela ematen du, autobus elektrikoen ekarpena gero eta pisu handiagoa hartzen ari baita Gipuzkoako konpainiaren fakturazioan; sektoreko liderra da Europan ez alferrik. Horiek horrela, CAFek 9.000 milioi eurotik gorako eskaera poltsa dauka, sekula izan duen handiena.

CNMV merkatu arautzaileari atzo jakinarazi zioenez, CAFek 21 tranbia bidaliko ditu Birminghamera, 90 milioi euroren truke; eta Veneziara 30 autobus elektriko, Solaris etxeko Urbino12 modelokoak; Italiako kontratua hamar milioi euroko salmenta da, autobusena ez ezik baterien kargarako azpiegitura ere CAFen esku utzi baitu ACTV SPA Veneziako garraio kudeatzaileak.

Kontratu bi horiek islatzen dute CAFen nabaritzen ari diren joera argi bat: Ingalaterra tren merkatu oparo baino oparoagoa bihurtu da azken urteetan, eta Italiakoa beste hainbeste autobus elektrikoei begira. Duela hilabete gutxi, Milango hiriak 250 Solaris erosteko eskaera egin zuen.

Birminghamgo kontratuak, gainera, eskaera handitzeko aukera dakar sinatutako idatzian. Operadoreak 29 tranbia gehiago eska dezake 2020ko hamarkadan barna. Lehen tranbiak 2021. urteko hondarrean entregatuko ditu Beasaingo konpainiak; edonola ere, ibilgailuen mantentze lanak ere egingo ditu 30 urteko epean, behar diren gai berri guztiak hornituz.

Katenariarik gabe

Ez da CAFek Birminghamen saltzen duen estreinako aldia. 2012. urtean, Urbos modeloko 21 tranbia jarri zituen martxan han, eta 2018. urtean, berriz, tranbia horiek mugitzeko Greentech energia-biltegi sistema erosi zioten CAFi, ion-litio bateriekin, katenariaren sistema gainditzeko. Orain saldu berri dituen Urbos berriek, izan ere, energia biltzeko sistema are berriagoa izango dute, eta ez dute beharko, hortaz, argindar sistema bat trenbidean, katenaria alegia.

Italian egindako salmenta, berriz, balio handikoa izango da kopuru ekonomikotik harago. Venezia turismo hiririk garrantzitsuenetakoa da, eta Solarisen autobusek erronka handia izango dute hainbeste bidaiari behar bezain laster eta ondo garraiatzeko. Eta hiria kutsatu gabe egingo dute. Zerbitzu publikoaren bidez, ingurumenari laguntzeko helburua duten hiri handientzako eredu bihur daiteke Venezia. Lido eta Pellestrina uharteetan emango dute zerbitzua, eta han ibiltzen diren diesel autobusak ordezkatuko dituzte.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

618 kasu atzeman dituzte Hego Euskal Herrian

Berria

Bizkaian behera egin dute kasuek; Araban, Gipuzkoan eta Nafarroan, aldiz, igo egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna