Txoria askatu du azeriak

Aritz Adurizek erretiroa hartuko du sasoiaren amaieran, 39 urterekin. Distrakzioak uxatu eta «fokua» taldearen ibilbidean jar dadin eman du orain erabakiaren berri
Tamaina handiagoan ikusi

Imanol Magro Eizmendi -

2019ko abuztuak 10

Mikel Laboarekin oroitu zen atzo Aritz Aduriz, donostiarren arteko zilbor hesteak lotuko balitu bezala. «Laboak esan zuen bezala, txoriari alde egiten uzteko garaia da. Horrela, txoria benetan maite delako». Metafora argigarria da, liga bukatzean, erretiroa hartuko duela ezagutarazi berri zuelako. Futbola da Adurizen txori maitea, eta San Mameseko azeriak 2020ko ekainean askatuko du. 39 urte izango ditu orduan, eta kirolari gutxiren esku dagoen «pribilegioa» eskaini dio bere buruari: non eta noiz agur esan erabakitzea.

Ustekabean eman zuen albistearen berri. Nortasun agiriaren zama eta iragan sasoiko komeriak ikusita, pentsa zitekeen azken denboraldia izan zitekeela, baina Adurizek liga hasi aurretik zabaldu nahi izan zuen erabakia, agurraren gaia urte osoko katramila astun bihurtzea eragozteko. «Erabakia orain esatearen arrazoia, kanpoko eta neure buruarekiko distrakzioak saihestea da. Fokua taldearen ibilbidean jarri behar da, eta ahalik eta urterik onena egiten saiatuko gara».

Azken hamarkadan, Athleticen jokalaririk garrantzitsuenetako bat izan denak 21 urteko ibilbide baten ondoren gordeko ditu botak. Iragan sasoian ere izan zitekeela onartu zuen atzoko agerpenean, baina arrazoi ezberdinengatik erabaki duela hau izatea azkena: «Asko pentsatu dudan erabaki da, nire familiarekin harturiko erabaki bat izan da, eta harro nago Athleticen agur esateaz. Gaur goizera arte inork ez zekien».

Zaleek urte osoa dute aurretik aurrelariari agur esanez joateko, eta, horren jakitun, Aduriz aurrera begira jarri zen. «Ez dut iragan minik izango, uste dut entrenamendu bakoitzarekin gozatuko dudala, San Mamesen igaroko dudan egun bakoitzarekin. Oso lasai nago barrutik, eta horrek asko balio du nirekin». Lasai utziko du futbola, esan zuenez, beti bere onena eman duelako, baina iragan sasoian bere gorputzak ez zion lagundu horretan. Belaunetako bat bihurritu zuen, eta hogei partida jokatu zituen bakarrik, aurreko denboraldietako bere ohiko kopurutik urrun.

Denboraldi-aurre honetan, baina, denak ezberdin dirudi. Urteak hor daude, ez dute barkatzen, baina lesioari buelta eman diola dirudi. «Denboraldi-aurreko lana ondo barneratu ahal izan dudala da. Maila fisikoan inolako ustekabekorik ez izatea espero dut. Gorputzak ondo xurgatu du, eta gero eta hobeto sumatzen dut nire burua». Denboraldi-aurrea, gainera, ez da nolanahikoa izan, Adurizek esan zuenez «gogorra» izan zelako. Hark hogeita batgarrena du profesionaletan, badu zerekin alderatu.

Aduriz golaren sinonimoa da San Mamesen, urrunago joan gabe, herenegun sartu zuen azkenekoa, Mirandesen aurkako lagunartekoan. Denboraldi-aurre honetan, baina, zuri-gorriak ez dira fin ibili arlo horretan. Aurrelariak garrantzia kendu nahi izan zion horri: «Garrantzitsuena orain fin egotea da. Sasoi hasieran fin egoten saiatu behar dugu». Adurizek 390 partida jokatu ditu Athleticekin, eta 171 gol sartu ditu elastiko zuri-gorriarekin Lehen Mailan jokaturiko hamar denboraldietan. Seigarrena da gol gehien sartu dituzten Athleticen jokalarien zerrendan, eta zortzira du Jose Iragorri bosgarrena. Athleticekin Espainiako Superkopa bat irabazitakoa da, eta bi aldiz izan da Europa Ligako golegile nagusia (2014-15 eta 2015-16).

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Gizon bat PCR proba egiten, Donostian. ©Gorka Rubio / FOKU

Hogei milioi koronabirus kasu baino gehiago detektatu dituzte mundu osoan

Oihane Puertas Ramirez

COVID-19a 188 herrialdetara iritsi da, eta 736.000 lagun baino gehiago hil ditu.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna