Noiz sortua: 2020-05-23 00:30:00

Ospitaletik kartzelara itzuli dute Patxi Ruiz, eta egarri greba utzi du

Herenegun gauean eraman zuten Murtziako Virgen de la Arrixaca erietxera; berak eskatu du ospitalea uzteko. Kartzelako medikuak txosten batean idatzi du egoera larrian dagoela
Autobus bati egindako pintaketa, atzo, Azpeitian.
Autobus bati egindako pintaketa, atzo, Azpeitian. BERRIA Tamaina handiagoan ikusi

Maddi Ane Txoperena Iribarren -

2020ko maiatzak 23

Espainiako Espetxe Erakundeek BERRIAri baieztatu diotenez, auto judizial baten eskariz eraman zuten Patxi Ruiz euskal presoa ospitalera, ortzegun gauean. 23:00ak aldera eraman zuten Murtzia II espetxetik Murtziako (Espainia) Virgen de la Arrixaca erietxera, eta atzo han iragan zuen eguna. Amak bisita egin ahal izan zion arratsaldean. Ospitalean seruma eman zioten, eta egarri greba utzia duela jakinarazi zion amari. Berak eskatuta, iluntzean atera zuten ospitaletik, eta kartzelara itzuli zuten. Bertako erizaindegian sartu dute; koronabirusaren aurkako protokoloa jarraituz, berrogeialdian egon behar du orain.

Efe albiste agentziak atzo epaitegiko iturriak aipatuz jakinarazi zuenez, kartzelako medikuak analisiak egin zizkion ortzegun arratsaldean Ruizi, eta horien emaitzen arabera ondorioztatu zuen «gose grebaren ondorioz» haren egoera fisikoa pixkanaka okertuz joana zela azken egunetan. Presoaren osasuna hobetzeko tratamendua hastea galdegin zuen espetxeko medikuak, «bizia galtzeko arrisku berehalakoa» zuelakoan. Efek epaitegiko iturriak aipatuz erraten duenez, medikuak agiri bat gehitu zion osasun txostenari, zeinak azaltzen baitu Ruizek bere kabuz ospitalera joateari uko egin ziola.

Ruizen sendia eta konfiantzazko medikua Murtziara joan ziren atzo. Maiatzaren 11n abiatu zuen Ruizek gose eta egarri greba, espetxean koronabirusaren krisia kudeatzen ari diren moduagatik hainbat protesta egin eta kartzelari batzuengandik mehatxuak jaso ondoren. Ortzegunean, Ruizen aldarrikapenak biltzen dituen sei puntuko ohar bat kaleratu zuen AEMk: euskal presoak Euskal Herriratzea aipatu zuen «bizirik ateratzeko baldintza» gisa, ohar horretan.

Protesta gehiago

Atzo goizean Itsasu eta Luhuso (Lapurdi) arteko bidea hetsi zuten hainbat ekintzailek, eta su eman zioten bideari. «Patxi Ruiz S.O.S» zioen pankarta atera zuten, eta prentsa ohar baten bidez adierazi zuten euskal presoaren egoera salatu eta «haren borrokarekin» bat egiten zutela. Suhiltzaileek itzali zuten sua. Ipar Euskal Herriko hainbat eragilek Patxi Ruizi elkartasuna adierazteko manifestazio batera deitu dute gaurko, 17:00etan, Baionako herriko etxearen aitzinean.

Pintaketa gehiago egin zituzten atzo, bertzalde, Gipuzkoan. Azpeitian, burua estalitako lagun batzuek pintaketak egin zituzten Lurraldebusen autobus batean, amnistiaren eta Patxi Ruizen alde. Azpeitiko udal taldeak (EH Bildu) «desadostasuna» agertu zuen: «lekuz kanpokoa» eta «guztiz salagarria» iritzi zion: «Azpeitiko udal gobernuak bizikidetzaren eta normalizazio demokratikoaren alde lanean jarraituko du. Herritar guztien giza eskubideak oinarri hartuta. Eskubide urraketa guztiak salatuz, presoen eskubideen aurka egiten ari diren giza eskubide urraketak barne».

Donostian ere egin zituzten pintaketak, EAJren bi batzokiren paretetan. EAJren GBBk salatu egin zuen, eta ezker abertzaleari erran zion gaitzespena behar dutela halako ekintzek. Eneko Andueza Gipuzkoako PSE-EEko idazkari nagusiak ere pintaketak salatu zituen. Ezker abertzaleari eskatu zion «erasoak» gaitzesteko eta «dinamika hori» amaitzeko. Anduezaren arabera, PSE-EEk ez du«inongo dudarik» ekintza horiek «ezker abertzale barnetik» datozela: «Sektore bati edo besteari ez zaio gustatzen EH Bilduk garai berri hauetan hartu duen bidea: Espainian eta Euskadin politika egitea».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 1ean eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan ez da inor hil COVID-19 gaitzaren eraginez. Bost positibo atzeman dituzte PCR probekin, eta 11 gaixo ospitaleratu dituzte. Euskal Herrian 29.309 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Guardia bat pertsona bezero bati tenperatura hartzen, saltoki baten sarreran, Panama Hirian. ©Bienvenido Velasco / EFE

Munduan sei milioi pertsona baino gehiago kutsatu ditu birusak

Berria

375.000 pertsona hil dira COVID-19aren eraginez. Horien artean 105.000, Ameriketako Estatu Batuetan.

Gasteizko Andre Maria Zuriaren plazako tabernetako terrazak, jendez beteta. ©JAIZKI FONTANEDA / FOKU

Hegoaldea, hirugarren fasearen peskizan

Edurne Begiristain

Datozen egunetan ere datuak onak badira, astelehenean hirugarren fasera pasatuko da Hego Euskal Herria. Erkidegoek kudeatuko dute nolakoa izango den alarma egoeratik ateratzeko azken urratsa

Lanbideren bulego bat itxita, maiatzaren hasieran, Bilbon. ©Luis Jauregialtzo / Foku

Ia 3.800 langabe gehiago maiatzean, Hego Euskal Herrian

Edu Lartzanguren

Denera, 182.852 pertsona daude izena emanda lana topatzeko zerbitzuetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna