Noiz sortua: 2020-02-26 00:30:00

Gero eta herrialde gehiagotara ari da hedatzen koronabirusa

Osasunaren Mundu Erakundeak azaldu du Afrika ez beste kontinenteetara iritsi dela Covid-19a, baina baztertu egin du pandemia izendatzea. Europak aztertu egingo du mugak ixtea
Moldavian, Chisinauko aireportuan, mugetako zaindari bat proba egiten bidaiari bati, atzo.
Moldavian, Chisinauko aireportuan, mugetako zaindari bat proba egiten bidaiari bati, atzo. DUMITRU DORU / EFE Tamaina handiagoan ikusi

Aitor Manterola -

2020ko otsailak 26
Covid-19 koronabirusa gero eta herrialde gehiagotara zabaldu da. Osasunaren Mundu Erakundeak atzo azaldu zuenez, Afrika ez beste kontinente guztietan dabil. Hala ere, leundu eta zuzendu egin zituen herenegun Adhanon Ghebreyesus presidenteak zabaldu zuen izua, «pandemia eragitearen arriskua» aipatu baitzuen.

Christian Lindmeier bozeramaileak atzo esandakoaren arabera, baztertu egin dute epidemia bat pandemia izendatzen duen irizpide multzoa, «zeinaren arabera gaixotasunak kontinente guztietara heldu behar baitu horrela deitua izateko». OMEk zehaztu zuenez, koronabirusaren egoerari «nazioarte mailako kezka eragiten duen osasun larrialdia» esan behar zaio, erakundeak urtarrilaren 30ean adierazi legez.

Europan, Italiak du kutsatutako eta hildako gehien: 322 pertsona gaixotu ditu birusak, eta 11 dira hilak. Iparraldekoak ziren kasu guztiak atzo arte, baina hegoaldean ere azaldu da kasu bat: Bergamotik Palermora oporretara joandako emakume batena. Horren aurrean, lasaitasuna zabaldu nahi izan zuen Giuseppe Conte lehen ministroak: «Italia herrialde segurua da bizitzeko, beste asko bainoago agian».

Conteren lasaitasun mezuaren aurrean, kontrakoa adierazten duten egoerak ari dira zabaltzen. Suitzan, Italiarekin muga egiten duen Tesino kantoian, kutsatu bat azaldu da; Austriak eta Kroaziak baieztatu egin zuten aurreneko kasuak dituztela, hiru hain zuzen; hirurak Italia iparraldean egondakoak dira edo leku horretako herritarrak. Lasai ez dabilen bestea Bulgaria Air hegazkin konpainia da, Milanerako eta hiri horretatik ateratzen diren hegaldiak martxoaren 27ra arte bertan behera uztea erabaki zuelako atzo. Katalunian, lehen kutsatua azaldu da: emakume italiar bat, Italian egon zena hil honetan.

Gaixotasuna eta OME bezala dabiltza beste erakunde batzuk ere, etengabe aldatuz iritzia plazaratzeko garaian. Hala, Europako Batzordeko bozeramaile Dana Spinantek azaldu zuen atzo gaitzaren egoera «dinamikoa» dela. Horregatik, ez zuen baztertu Europako Batasuneko mugak ixteko aukera, bezperan batzordeak neurri hori baztertu bazuen ere. Eztabaida baten premiaz ohartarazi zuen: «Herrialdeetako mugak ez daude itxita, baina jarrera proaktiboarekin, eztabaidari ekin nahi diogu estatu kideen artean». Herrialdeen arteko elkarlana ere aipatu zuen: «Horrelako eta bestelako neurrietan koordinatuta aritu nahi dugu, zatiketarik egon ez dadin». Europako araudiak dio mugak itxi daitezkeela osasun mehatxua dagoenean, eta, herrialde batek mugak ixtea erabakiko balu, lau aste lehenago jakinarazi beharko lieke batzordeari eta gainontzeko estatuei. Gaur egingo dute bilera Europako Batzordeko komisarioek. Mugak ixtearen balizko aukeraz Belgikako Gobernuak eman zuen atzo iritzia: «Ez luke zentzurik izango, birusak ez direlako gerarazten mugetan». Badaezpadako neurria hartu duena Europako Legebiltzarra izan da, eskatu baitie Italian eta gaitza gehien zabalduta dagoen herrietan egon diren langileei bi astez etxetik lan egiteko.

Botika bat probatuko dute

Asian, Hego Koreako hego-ekialdeak du Txinaren atzetik kutsatu gehien: 893 lagun daude gaixorik, eta zortzi dira hildakoak. Gobernuan den Alderdi Demokratikoa aztertzen ari da berrogeialdiak indartzea, baina bakartze egoerak ezarri gabe, Txinan Wuhanen egin den bezala. Hubei probintzia horretan, gora egin zuen atzo kutsatuen kopuruak; Txinako beste lekuetan, aldiz, behera. Iranen, hamabost lagun hil dira, eta Osasun ministrordea ere kutsatuen artean dago. Bitartean, AEBetako farmazia enpresa batek txerto esperimental bat bidali dio bertako gobernuari, probak egin ditzan.

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

Gizon bat, Zagreben. ©ANTONIO BAT / EFE

Sakelakoen kokapena jasoko du Madrilek

Berria

Telefonica, Orange eta Vodafone konpainiek euren sareak erabiltzen dituzten sakelakoak non dauden kontrolatuko dute, eta informazioa Madrilgo Gobernuari emango diote. Koronabirusaren aurkako borrokan, populazioaren inguruko mugimenduei buruzko datuak biltzea da asmoa, Madrilen arabera, eta, gaineratu duenez, ikerketak ez ditu “gizabanakoen mugimenduak atzemango”, baizik datu “anonimoak eta multzoka”.

Murga, Urkullu eta Beltran de Heredia, diputazio iraunkorrean telematikoki azalpenak ematen. ©/ Irekia

Oposizioak «gardentasun falta» egotzi dio Urkulluri

Irati Urdalleta Lete

Iñigo Urkullu Jaurlaritzako lehendakariak azalpenak eman ditu Eusko Legebiltzarreko diputazio iraunkorreko bilkuran, EH Bilduk hala eskatuta. Argudiatu du «osasun arduradunen ezagutzan eta unean-unean jasotako informazioan oinarrituta» jokatu dutela.

Donostiako ospitaleko langile batzuk, mobilizazio batean ©Jon Urbe (Foku)

Osasuna bermatzen ez duten enpresak, fiskaltzara

Jokin Sagarzazu

LABek langileen kexak igorriko dizkio, zigor instrukzioko prozesuak ireki ditzala eskatzeko. Ohartarazi du oinarrizko zerbitzu batzuk «kolapsoan» daudela. ELAk, berriz, materiala bermatzeko eskatu dio EAEko Auzitegi Nagusiari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna