Albistea entzun

Dantza giroa Egiako parkean

Glad is the Day jaialdia laugarren urtez egingo dute Donostiako Egia auzoan. Egun osoko egitaraua antolatu dute abuztuaren 5erako, eta bezperatik hasiko dira musika emanaldiak
Glad is the Day jaialdia aurkeztu zuten atzo Le Bukowski, Dabadaba eta Donostia Kulturak.
Glad is the Day jaialdia aurkeztu zuten atzo Le Bukowski, Dabadaba eta Donostia Kulturak. ANDONI CANELLADA / FOKU Tamaina handiagoan ikusi

Andoni Imaz -

2018ko uztailak 19 - Donostia

Donostiako Egia auzoko Kristinaenea —edo Gladys Enea— parke tropikal bilakatuko da abuztuaren 5ean, zuzeneko makina bat emanaldirekin goizean hasi eta iluntzera arte, eta igandea nahi adina luzatzeko aukera eskainiko dute auzoko Le Bukowski eta Dabadaba aretoek. Bezperan ere kontzertuak egingo dituzte bi aretoek.

Orain arte egun bakarrekoa izan den jaialdia bi egunera luzatu dute, nahiz eta igandekoa den egun handia. Bi agertokitan banatuko dute Kristinaenea parkeko egitaraua —agertoki nagusia eta Castillito Stage—, eta, eguerdian hasita, hogei musika talde arituko dira. Aurreko urteetako ereduari jarraitu diote antolatzaileek, eta agertoki nagusirako prestatutako musika eskaintza iazkoaren antzekoa izango da kopuruan, baina parkearen atzealdeko gunea indartu nahi izan dute, Le Bukowskiko Josu Urbietak azaldu duenez, elektronikaren erregistro guztietako talde eta DJekin.

Gaur egun, gero eta toki gehiagotan ageri diren erritmo dantzagarriak izango dira nagusi Glad is the Dayko agertoki nagusian: cumbia, folk eta rock doinuekin osatu dute parkeko etenik gabeko soinu banda. Guztien artean, Peruko Los Mirlos cumbia taldea nabarmendu du Dabadabako Alex Lopezek; azken lau hamarkadetako cumbia erreferenteak dira, cumbia amazoniarraren sortzaileak, mito hutsa. 17:20an hasiko dute emanaldia, eta eguneko jardun gogoangarrietako bat izatea espero dute antolatzaileek.

Agertoki berean arituko dira Koban donostiarren elektro-swing akelarrea eta Esteban & Manuel galiziarren cumbiaz eta autotune-z osatutako berbena. Antolatzaileen aspaldiko lagunak ere gonbidatu dituzte festara: Rukula taldeak Le Bukowskin emandako kontzertu gogoangarria aipatu du Lopezek, baita taldeko Javier Sun lagun zaharra ere. Dabadaba aretoaren agenda mugagabean lekua irabazi dutenak ere badira: esaterako, Melenas eta Mujeres garage taldeak.

Dancehalletik trapera doazen elektronika doinu guztiak bilduko ditu parkearen atzealdeko agertoki txikiak. Askotariko musika jarriko dute hainbat DJk: Atraco Negratak rhythm & bluesa, Sarandongak rapa eta reggaetona eta Atodamadrek tropical bass-a. Gainera, talde batzuk zuzenean ere ariko dira, hala nola Hondarribiko (Gipuzkoa) Gorpuzkingz hip hop eta trap talde zirikatzailea.

Eguneko jarduna amaitzean, Le Bukowski eta Dabadaba aretoetan disko jartzaileak arituko dira gaueko ordu txikietara arte: Landerground eta Etxeko Uzta Le Bukowskin, eta Alvva, Mkol, Frances Be eta Araña Dabadaban.

Egunetik asteburura

Aurreko hiru edizioetan egun bakarreko jaialdia izan da, baina asteburu osoa hartuko du aurtengoan. Hori albiste bada ere, ez du aldaketa handirik eragin egitarauan, larunbat gauerako programatu baitituzte kontzertuak Egiako bi aretoetan. Datozen egunetan iragarriko dute zein taldek joko duen Dabadaban, baina DJ andana ariko da bi guneetan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Denis Martinez eta Olaia Valle dantzariak, Barakaldo antzokian, <em>Esna</em> obraren entsegu batean. ©OSKAR MATXIN EDESA / FOKU

'Esna' ikuskizuna ondu dute Marie de Jongh eta Doos konpainiek

Olatz Enzunza Mallona

Dantza eta antzerkia uztartuko dituen ikuskizun bat ondu dute elkarlanean Marie de Jongh eta Doos konpainiek: 'Esna'. Joko esperimentu gisa definitu dute. Bihar izango da estreinaldia.

 ©Mailo Oiarzabal

Pasio baten fruituak

Mailo Oiarzabal - Gipuzkoako Hitza

Urteetan jasotako eta gordetako bertso grabazioak transkribatzea erabaki zuen Xabier Unanuek duela ia hogei urte. 42.000 bertso baino gehiagoko bilduma osatu, eta Zestoako liburutegiari utzi dio.

Soledad Sevilla erakusketaren aurkezpenean, atzo, <em>Gatza</em> oihalaren aurrean. ©MAIALEN ANDRES / FOKU

Soledad Sevillaren 'Nire paisaia propioa' ikusgai dago Kubo Kutxan

Naroa Torralba Rodriguez

Soledad Sevilla artistaren 'Nire paisaia propioa' ikusgai dago Kubo Kutxan. Ibilbide baten proposamena da. Berak aukeratu ditu obrak eta kokapena

<em>Ketariatik mundura</em> pastoralaren bost partaideak. ©BERRIA

Elkanoren bidaia, pastoral «ttipi» batean, bihar, Iruñean

Uxue Rey Gorraiz

'Ketariatik mundura' «nanopastorala» eginen dute bihar iluntzean Iruñean. Hiru aktore eta bi musikari ariko dira, ordu eta erdiz. Mixel Etxekoparrek idatzi du obra

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.