Albistea entzun

Gabonetan, zinemara

Zinegabonak programa ondu du Zineuskadik Eguberrietarako: haurrentzako euskarazko hamar film emango ditu Euskal Herriko zazpi aretotan. 'Light painting' tailer bat ere egin ahal izango dute gaztetxoek.

Ane Ubegun Goikoetxea -

2019ko abenduak 24

Kanpoan hotz, eta barruan, bero. Negua sasoi aproposa izan ohi da plan goxoez gozatzeko. Gabonetako oporretan, gainera, are gehiago. Horregatik, filmez eta tailerrez osatutako Zinegabonak programa prestatu du Zineuskadik, EITB eta EZAE Euskadiko Zine Aretoen Elkartearekin batera. Euskarazko hamar film ikusi ahalko dira etzitik igandera Bilbon, Donostian, Mungian (Bizkaia), Beasainen (Gipuzkoa), Iruñean eta Urruñan (Lapurdi). Horrez gain, Light painting tailerra egiteko aukera izango dute haurrek. Euro bat balio dute sarrerek.

«Zinegabonak egitasmoaren helburu nagusia da Gabonetan haurrei eta familiei kultur aukera ezberdinak eskaintzea euskaraz, eta gazteenak zinemagintzara gerturatzea», adierazi du Jara Ayucar Zineuskadiko komunikazio arduradunak. Bosgarren edizioa du aurtengoa Zinegabonak programak, eta urtetik urtera handituz joan da ikusle kopurua, aretoak bete arte. Aurten, gainera, beste areto batzuk gehitu dira programara: «Beste areto batzuk sartu dira, Beasaingoa, adibidez. Pozik gaude eskaintza Euskal Herri osora zabaldu delako. Normalean, areto guztiak bete egiten zaizkigu saio guztietan», azaldu du Ayucarrek. Adierazi du «oso erantzun ona» jaso dutelako mantentzen dutela programa: «Familian egoteko garaia dira Gabonak, eta guk eskaintzen dugun programak oso ongi funtzionatzen du».

Argia, joko eta ikasgai

Filmak ikusteaz gain, animazio tailerrak egiteko espazio bihurtuko dira aretoak. Izan ere, Light painting tailer bat egingo dute Donostian, Mungian eta Beasainen. Ayucarrek azaldu du EHU Euskal Herriko Unibertsitateko ikus-entzunezko ikasleek antolatutako tailerrak direla: «Gustatzen zaigu unibertsitatearekin harremana mantentzea eta ikasleak izatea ikasle gaztetxoak motibatuko dituztenak». Gaztetxoek linterna bat eraman beharko dute tailerrera, eta argiarekin jolastuz, hainbat animazio sortuko dituzte. «Oso ikusgarria da, eta haurrek berehala ulertzen dute begiak eta kamerak nola funtzionatzen duten».

Aretoen bidez eman behar da izena, eta 4 eta 12 urte arteko haurrek hartu ahalko dute parte. Heldu batekin joatea gomendatu dute antolatzaileek.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Annamango mendikateko kobazuloan aurkitutako haginaren ikuspegiak. ©F. DEMETER

Laosko hagin bat, denisovarren Asiako migrazioak erakusteko froga

Jakes Goikoetxea

Bigarrenez aurkitu dute Denisovarren fosil bat Siberiako Denisova haitzulotik kanpo. Asiako hego-ekialdean bizi izan zirela frogatuko luke

 ©ETB

«Jatekoarekin maitasuna lor daiteke»

Urtzi Urkizu

ETB1en 'Jateko modukoa' aurkezten du Landak, ostegun gauetan. ETB2n, berriz, 'En kuadrilla', ostiraletan. Aurkezleak azaldu du «alde emozionala» dutela komunean.
David Novoa fisikaria, EHUren Bilboko Ingeniaritza Eskolan. ©MARISOL RAMIREZ / FOKU

Hidrogenoaren koreografia argi hodietan

Jakes Goikoetxea

Zuntz optikoa barrutik hustu, hutsunean hidrogenoa sartu, argi seinaleak bidali, hidrogenoa 'dantzarazi', argiak dantzak sortutako energia bereganatu, eta argiaren frekuentzia aldatu, bere propietateak aldatu gabe: hori lortu du David Novoak. 'Science'-n argitaratu du ikerketa.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Informazio osagarria

Iruzkinak kargatzen...