Zineginen zazpigarrena, abian

Gaur hasiko da euskal zinemaren Zinegin jaialdia; Hazparnen iragateaz gain, Urruñara, Bardozera eta Donapaleura zabalduko dute, lehen aldiz. Igandera arte, hamar bat film proiektatuko dituzte.

Nora Arbelbide Lete -

2018ko azaroak 22

Bere erritmoan, estreinaldi kontuetatik doi bat urrun, euskal filmak Lapurdin ikusteko aukera emanen dute aurten ere Zinegin jaialdikoek, zazpigarrenez, gaur hasi eta igande arte. Aldiz, orain arte Hazparneko zinema gelan zen iragaten jaialdia, baina, aurten, Urruñako, Bardozeko eta Donapaleuko zinema geletara ere zabalduko da, Hazparneko zinema gela obretan izanik, ezin baitute lekua erabili. Hazparne ez dute utziko, halere, eta trinketean izanen dira zenbait emanaldi. Beste berezitasuna da Euskaraldiarekin bat eginen duela jaialdiak. Garai berberetan eta helburu berekin izanik, elkarren berri emateko aukera ikusi dute Zineginekoek.

Gero, jaialdia estreinaldietatik kanpo dela erratea ere ez da arras egia, Jainkoak ez dit barkatzen bertan estreinatuko baitute, larunbatean, eta baita Margolaria ere (Oier Aranzabal), igandean, Donapaleun. Kontua da funtsa ez duela hori Zineginek. Euskal filmak eskuragaitz ez daitezen segi. Horri aurre egiteko dute sortua festibala duela zazpi urte. Geroztik, saiakera batzuk garatuz joan dira, dela Gabarra banatzailearena, dela, berrikiago, Gastibeltza ekoizle eta banatzailearen proiektua. Baina oraindik bada zer egin. Horra, hortaz, aurtengo zerrenda. Fikzioei dagokienez, Gure oroitzapenak (askoren artean), Oreina (Koldo Almandoz), Basque Selfie (Joaquin Calderon), Handia (Jon Garaño, Aitor Arregi) filmak dituzte ekarriko. Haurrentzat, Barriola San Adriango azeria (Juanba Berasategi) emango dute, Bardozen, larunbatean.

Dokumentaletan, Jainkoak ez dit barkatzen eta Margolaria-z gain, Neskatoak (Jon Abril), Mai da Bai (eta ezetzik ez dago) (Imanol Eppherre, Eider Ballina Mondragon, Ann Baskaran). Laburrek ere beren tartea izanen dute.

Gaualdi bereziak ere prestatuak dituzte aurten. Paxkal Irigoienek Eliraleren Artha ikusgarriarentzat egin soinu banda entzutera emanen dute Urruñan, bihar gauean. Eta etzi bertso-margo gaualdia dute pentsatua Adur Larrea marrazkilariarekin eta Alaia Martin eta Maddalen Arzallus bertsolariekin, Hazparnen.

Informazio gehiago nahi izanez gero, jo webgune honetara: zinegin-festibala.eu

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

Bizkaiko zahar etxe bateko egoiliarrak artxiboko irudian. ©Marisol Ramirez/FOKU

Hemezortzi kasu atzeman dituzte Zamudioko zahar etxe batean

Berria

Donostiako eta Bilboko bi zahar etxeetan ere positiboak izan dira.

San Mames zelaia hutsik, Athleticen eta Leganesen arteko partidan, uztailaren 16an. ©Marisol Ramirez / Foku

Beste zazpi positibo euskal taldeen artean

Berria

Athleticen sei jokalarik eman dute positibo, eta Osasunan, berriz, Jagoba Arrasate entrenatzaileak. Alaveseko hiru jokalariri ere detektatu diete COVID-19 gaitza.

PCR probak egin dizkiete Donostiako Ramuntxo Berri tabernan izandakoei. ©Gorka Rubio / FOKU

Beste 505 positibo izan dira Hego Euskal Herrian

Berria

COVID-19a zuten zazpi pertsona hil dira azken astean Araban, Bizkaian eta Gipuzkoan. Probak egingo dizkiete Nafarroako egoiliar guztiei irailean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna