Albistea entzun

Xilaba bertso txapelketa Makean abiatuko dute, irailaren 18an

Iazko txapelketa eten zenez, helburu berarekin abiatuko dute aurtengoa: «plaza sustatzea». Hiru bertsolari sailkatuko dira 2022ko Bertsolari Txapelketa Nagusirako
Ortzi Idoate, Xumai Murua, Pettan Prebende eta Aitor Servier bertsolariak, atzo, 2021eko Xilaba aurkezten.
Ortzi Idoate, Xumai Murua, Pettan Prebende eta Aitor Servier bertsolariak, atzo, 2021eko Xilaba aurkezten. G. FAUVEAU Tamaina handiagoan ikusi

Ainize Madariaga -

2021eko irailak 8 - Baiona

«2021eko Xilaba 2020a marratuz egin dugu, ber helburuak eta irudiak atxikiz, pandemiak ez baitzigun horietara iristerat utzi; beraz, aurten berriz hastapenetik abiatzea deliberatu dugu», erran du Xumai Murua Bertsularien Lagunak Elkarteko lehendakariak. Zuberoa, Lapurdi eta Baxenabarreko Xilaba bertsolari txapelketa abiatuko da berriz ere aurten. Iazkoa, abiatu, abiatu bazen ere, pandemiak bete-betean jo eta erditik ebaki zuen, bururatzerat utzi gabe. Horregatik, aurtengoak iazkoari poto egin nahi dio: gorriz marratu du, berriz ere gauza bera gerta ez dakion: «Marrak gauza asko irudikatzen ditu: kexua eta egonezina edo ezinegonaren egonezina», azpimarratu du Ortzi Idoate bertsolariak. COVID-19ak ekarri «plazaren beherakada» horretan «suspertze beharra» sekula baino handiagoa ikusten du Muruak ere.

Iaz 28 bertsolarik parte hartu zuten, baina aurten 24k dute izena eman; izan ere, bortzek izena kendu zuten ikasketengatik kanpora ikastera joan beharra dutelako. Aldiz, berri bat gehitu da: Karlos Aizpurua Etxarte. «Txapelketako bertsolari zaharrena da», erran du Idoatek, irriz.

Hala, irailaren 18ko lehen kanporaketarekin abiatuko da aurtengo Xilaba, Makean.

Xilaba Euskal Herriko bertsolari txapelketa nagusirako ataria da Zuberoa, Lapurdi eta Nafarroa Behereko bertsolariendako. Nagusi hori heldu den urtean da egitekoa; horregatik, aurtengoa ezin da berriz gibelatu, Muruak ohartarazi duenez: «Nahitaez behar genuen antolatu; Euskal Herrikoa heldu den urtean heldu baita. Bazen eman gabe utzitako txapel bat ere, eta hain ongi abiatu zenak merezi zuen bukaera bat. Beraz, baliatu nahi dugu aurtengoa bukaeraraino eramateko, iaz egin ahal izan ez genuena egiteko».

Usteak uste, «dolua» egin behar izan zioten iazko txapelketari, hastapenean iruditu baitzitzaien etenaldi motza izanen zela pandemiak eragindakoa. Koiunturak berak sortu giro berezi horretan txapelketari batzarri ona egin bide zioten alde orotakoek: «Ederra zen ikustea bertsolarien motibazioa, eta entzuleak nola erantzuten zuen. Beraz, pena handia izan zen: min eman digun gertakari bat izan da. Gainera, bagenuen esperantza geldialdi laburra izanen zela».

Horiek hola, Amets Arzallus eta Sustrai Colina zuzenean sartuko dira Euskal Herriko bertso txapelketa nagusira. «Beren tokia irabazia baitzuten, finalean izateagatik». Biez gain, Xilabatik bertze hiru sailkatuko dira.

Saio gutxiago

Udazken honetan, Nafarroa Garaiko eta Bizkaiko bertsolari txapelketak ere egingo direnez, Xilabako antolatzaileek trinkotu egin dute beraiena, saioek ez dezaten elkar jan. Hala, zortzi saio izanen dira hamarren ordez: lau kanporaketa, hiru finalerdi eta finala. Koordinazio horrek ekarriko duenarekin: «Finalerditik finalera salto handia izanen da; hemezortzi bertsolaritik sei atera beharko baitira, konfiantza dugu epaileen lanean», ohartarazi du Idoatek.

Pettan Prebendek lehen aldiz parte hartu zuen bertsolari gisa iaz antolatutako Xilaban, aspalditik ari baita antolakuntza eta gai-jartzaile lanetan. Aurten ere izena eman du berriz txapelketarako: «Ber nahikariarekin abiatzeko prest naiz, beti gose. Aurten, agian, errazagoa izanen da, esperientzia bat baitut. Trebaketa berezirik ez dugu egin; lagunen artean bildu gara kantatzeko, txapelketako ariketak landuz. Gehiagorik ez. Helburua da bertsoa ahal bezain errazki egitea eta goxatzea, urduritasuna saihestuz, ahal bada».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Txaber Altubek irabazi zuen Bizkaiko Bertsolari Txapelketako kanporaketa. ©MONIKA DEL VALLE / FOKU

Soto, Sanjurjo eta Gorosterrazu, Nafarroako finalaurrekoetan

Erredakzioa

Donezteben jokatutako azken kanporaketarekin erabakita gelditu dira finalerdiak. Altube nagusitu da Bizkaian
 ©BERRIA

KOMIKIRA HURBILTZEKO MAPA TXIKIA

Gorka Arrese

Urriaren 3an amaitu ziren Getxoko XIX. Komiki Azoka eta Nafarroako XII. Komikiaren Azoka. Euskarazko argitalpenak aurkezten izan ziren marrazkilariak, gidoilariak eta argitaratzaileak. Litekeena da laster beste jaialdi bat sortzea Gipuzkoan. Inoizko kemen eta ospe handienez dihardute komikigintzan
 ©MARISOL RAMIREZ / FOKU

«Paparra erakusteko moduan dago komikigintza»

Gorka Arrese

Marrazkilaria, gidoilaria eta editorea da Dani Fano (Donostia, 1968). 'Sasi artean Elgeta' albuma argitaratu du berriki, Ekaitz Agirre 'Garluk' margolariarekin eta Koldo Izagirre gidoilariarekin batera. Ikastolen Elkartearen 'Xabiroi' komiki aldizkaria gidatzen du 2005etik hona.
Amets Arzallus ofizio guztietan nabarmendu zen, atzo, Maulen. ©BOB EDME

Amets Arzallus, lehen finalista

Hodei Iruretagoiena

526 puntu eskuratuta, Xilabako finalera pasatu da Maulen jokatutako lehen finalerdian, ariketa guztietan beretik emanda. Maddi Ane Txoperenak egin du bigarren

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna