Albistea entzun

Artisau edariz bustita

Artisau garagardoaren bigarren azoka dute Irunen gaur, musika eta jatekoa lagun. 100 garagardotik gora egongo dira, 21 etxetakoak
Euskal Herriko bederatzi garagardo etxe izango dira azokan, denak ere artisau eran aritzen direnak.
Euskal Herriko bederatzi garagardo etxe izango dira azokan, denak ere artisau eran aritzen direnak. BASK'N BREW BEER FESTIVAL Tamaina handiagoan ikusi

Izaro Zinkunegi Barandiaran -

2018ko martxoak 3

Bask'n Brew Beer Festival garagardo azoka abian da Irungo Ficoban (Gipuzkoa). Atzo ireki zuten, eta bertaratuek 100 artisau garagardotik gora dastatu ahal izango dituzte gaur arte, 21 garagardogileren eskutik. 12:00etan irekiko ditu ateak, gaur, eta bisitariek 02:00ak arte gozatu ahal izango dute jan-edanaz eta zuzeneko musikaz.

Bidassoa Basque Breweryk, Mala Gissonak, Cervecería Boulevardek eta Ficobak antolatu dute Bask'n Brew Beer Festival azoka. Antolatzaileek azaldu dute artisau garagardoaren eskaintza gero eta hobeto ezagutzen duen publikoari zuzenduta dagoela, eta bertara doazenek azokan tarte polit bat igarotzeko aukera izango dutela, gustukoen dituzten garagardoak dastatuz.

«Datak eta ordutegiak aldatu egin ditugu, garagardozaleen gustu eta ohituretara egokitzeko», adierazi dute jaialdiaren aurkezpenean. Aurtengo azokak irudi eta izen berria ditu, «indartzea eta erreferente bihurtzea» baitu helburu. Iaz bezala, jaialdia martxoan izango da aurten ere, baina aurtengoan ostiralean eta larunbatean egingo da.

Egitarau oparoa

Euskal Herriko eta nazioarteko garagardoak egongo dira artisau garagardoaren azokaren bigarren edizioan. Garagardo etxe bakoitzak bere postua izango du, eta haietako kideek egingo diete harrera bisitariei. Eurek erantzungo diete joandakoen galderei eta kezkei. Nazioarteko etxeen kasuan, markaren banatzailea edo inportatzailea arduratuko da.

Honako euskal garagardo etxe hauek izango dute postua: Laugar Rebel Beers eta Basquery bizkaitarrek; Bidassoa Basque Brewery, Mala Gissona, Basqueland Brewing Project, Gross eta Zarautz Beer Company gipuzkoarrek; eta Sesma Brewing eta Naparbier nafarrek. Nazioartekoen artean, berriz, hauek izango dira, besteak beste: Marina (Katalunia), Caleya (Asturias), Ayinger (Alemania), Brewski (Suedia), Mikkeller (Danimarka) eta Clown Shoes (AEB).

Garagardoaz gain, janariaz eta zuzeneko musikaz gozatzeko aukera ere izango da Ficoban. Azokaren ordutegi bera izango duten janarien furgonetak egongo dira. Glutenik gabeko janaria dastatu ahal izango da zenbaitetan.

Musikari dagokionez, berriz, Dead Bronco musika taldeak joko du gaur, 23:00etatik aurrera. Getxoko talde horrek country-punk-rock estiloko musika sortzen du. Aurkeztu berri du bere azken diskoa, Driven by frustration, eta aurkezpen biran dabil.

Bestelako egitaraua ere topatuko dute azokara doazenek. Izan ere, gaur, 13:00etan, The familiy beer erakustaldia egingo dute; garagardoa etxean nola egin azalduko dute. Bestetik, Beñat Elizalde lasartearrak garagardoari buruz eginiko erakusketa bat egongo da ikusgai, eta umeentzako egitaraua ere antolatu dute.

Bask'n Brew Beer Festival

Gaur, 12:00etatik aurrera, Irungo Ficoban (Gipuzkoa).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Edorta Agirre. / ©Gorka Rubio, Foku

«Janari pista galduz gero, nahi duena salduko digu sistemak»

Miren Garate, Gipuzkoako Hitza

Janaren inguruan «gero eta desinteres handiagoa» ikusten du Edorta Agirrek, Amantala ta mantela liburuaren egileak. Dioenez, «zelofanez ontziratutako produktuek» hartu dute lehengaien tokia. «Horiek zer duten? Sinetsi egin behar, ez baitugu kriteriorik».

Sekulako giroa izan zen atzo Ondarroan, eguerditik hasita. ©URTZI URKIZU

'Azule', txingor euritan aurrera

Urtzi Urkizu

Bi urtez derrigorrez eten ostean, Zapato Azule jaia egin dute Ondarroan. Giro aparta izan da kaleetan, Dinamartxakoei ongietorria eman diete eta pentsiodunak omendu dituzte.
 ©ENDIKA PORTILLO / FOKU

«Niretzat, bertsoa terapia da; arazoren bat edukiz gero, bertsotan heltzen diot»

Amaia Ramirez de Okariz Kortabarria

40 urte igaro dira Arabako lehen bertso eskola sortu zutenetik, eta Lopez izan zen sortzaileetako bat. Ordutik, alboan izan du bertsoa, eta, eginiko lana eskertzeko, aurten berari eman diote Arabako bertsolari txapeldunari txapela jartzeko aukera.
Itziar Ituño aktoreak Malen Zubiri politikariarena egiten du <em>Intimidad</em> telesailean. ©DAVID HERRANZ / NETFLIX

'Intimidad', Netflixen gehien ikusi den telesaila, ingelesez bestekoetan

Urtzi Urkizu

Txintxua Filmsen fikzioa 58 herrialdetan sartu da Top10ean. IMDB-ko lehen 50etan kokatu da

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...