Noiz sortua: 2016-04-02 00:30:00

Servini epailearen galdeketak egiteko eskabidea ez du bideratu Espainiak

Frankismoko krimenen kereilan auzipetutakoei galdeketak egin nahi dizkie asteotan; Justizia Ministerioak esan du eskea «aztertzen» ari dela
Frankismo krimenak ikertzen ari da Maria Servini epailea.
Frankismo krimenak ikertzen ari da Maria Servini epailea. JUAN CARLOS HIDALGO / EFE

Eskeine Legorburu -

2016ko apirilak 2

Espainiara bidaiatzekoa zen Maria Servini epaile argentinarra astelehenean, baina atzeratu egin beharko du bidaia. Frankismoaren krimenak ikertzen ari den Argentiako kereilan auzipetuta dauden hemeretzi gizon galdekatzeko eskaera egin zion Servinik martxoaren 9an Espainiako Justizia Ministerioari. Eskaerarik ez du bideratu, ordea, ministerioak, eta, beraz, epaileak ezin du galdeketarik egin. Francoren garaiko gobernuko goi kargudunak eta segurtasun indarretako kideak galdekatu nahi ditu Servinik.

Giza eskubideen aldeko Espainiako APDHE elkarteak eta Argentinako kereila babesten duen CEAQUA koordinakundeak salatu dute Espainiako justizia ez dela betetzen ari Argentinak eta Espainiak 1987an sinatutako hitzarmena. Egiten ari direna «prebarikazio delitu bat» izan litekeela ohartarazi dute, eta, Servinik galdeketak egin ditzan, baimena «lehenbailehen» Auzitegi Nazionalera bidal dezatela galdegin dute.

AI Amnesty Internationalek ere bat egin du abokatuen eskaerarekin. Erakundeko Espainiako zuzendari Esteban Beltranek eskutitz bidez galdegin dio Rafael Catala Justizia ministroari Serviniren eskaerari erantzuteko: «Argentinak krimenak iker ditzan baimena eman behar dute agintariek, ustezko krimen egileak Espainian epaitu behar ez badira, behintzat. Baina halakorik ez da gertatuko, 40 urteren ondoren pausorik ez baita eman».

Justizia Ministerioko iturrien arabera, Servinik egindako eskaria «aztertzen» ari dira, «lankidetza ikuspegi batetik». Argentinako epaitegiak galdegindako eskariari erantzungo diola agindu du ministerioak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Berra adinekoen egoitza. ©JON URBE / FOKU

Ekainaren 8tik egin ahalko dira bisitak Gipuzkoako zahar etxeetan

Berria

Egoiliar bakoitzeko senide bakarra joan ahal izango da bisitan, eta segurtasun neurriak zorroztuko dituzte. Gipuzkoako zahar etxeetan 167 pertsona hil dira izurria hasi zenetik; gaur egun 22 eri daude, bi egoitzatan.

Maiatzaren 11an igaro zen lehen fasera Hegoaldea ©Marisol Ramirez, Foku

Hegoaldea lehen fasera igaro izanaren arrazoiak eman ditu Espainiako Gobernuak

Ainhoa Larretxea Agirre

Espainiako Osasun Ministerioak zehaztu du egoera epidemiologiko «ona» izan dela Nafarroa pasatzeko arrazoia; Osakidetzak pazienteak artatzeko duen «gaitasun handia», berriz, Araba, Bizkaia eta Gipuzkoa igarotzekoa. Maiatzaren 11n aldatu zen lehen fasera Hegoaldea.

Txagorritxu ospitaleko laborategiko irudi bat. ©Gorka Rubio / Foku

Datuen peskizan (eguneko laburpena)

Pello Urzelai

Beste zazpi pertsona gehitu behar dira koronabirusarekin hildakoen zerrendara. Bost EAEn, bi Nafarroan. PCR bidezko 11 positibo berri agertu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna