Albistea entzun

Ekitaldiz beteriko astea antolatu dute Txillardegi gomutan hartzeko

Hamar urte dira Jose Luis Alvarez Enparantza hil zela. Urtarrilaren 15ean omenduko dute
Txillardegiri Donostian egindako omenaldia, iaz.
Txillardegiri Donostian egindako omenaldia, iaz. JUAN CARLOS RUIZ / FOKU Tamaina handiagoan ikusi

Erredakzioa -

2022ko urtarrilak 8 - Donostia

Aurki, urtarrilaren 14an, hamar urte beteko dira Jose Luis Alvarez Enparantza Txillardegi hil zela. Idazlea, hizkuntzalaria, pentsalaria, politikaria eta, beste ezeren gainetik, bere herriarekin konprometitutako intelektuala izan zen Txillardegi, eta, urteurrena baliatuta, hainbat ekitaldi antolatu dituzte Donostian San Telmo museoak, Telesforo Monzon eLabek, Jakin fundazioak, Susa argitaletxeak, Argia-k eta Txillardegi liburutegiak.

Haren heriotzaren urteurreneko ekitaldi nagusia urtarrilaren 15ean egingo dute, 12:00etan, Txillardegi plazan. Baina aurretik izango dira beste zenbait ekitaldi ere. Urtarrilaren 11n, hizkuntza politikari egindako ekarpena aletuko dute mahai inguru batean. Eta 13an liburu bat aurkeztuko dute. 15eko ekitaldiaren ondotik, urtarrilaren 18an, beste bi liburu aurkeztuko dituzte San Telmo museoan.

Ekitaldiz beteriko astea izango da, baina horiek ez dira izango Txillardegiren omenez antolatutako bakarrak, haren heriotzaren urteurrenaren itzala urte osora luzatuko baita. Adibidez, Telesforo Monzon fundazioaren egoitza den Bergarako Olaso Dorrean (Gipuzkoa), Txillardegiri buruzko erakusketa zabalduko da 2022ko udaberrian. EHE Euskal Herrian Euskaraz taldeak ere mintegi berezia antolatuko duela iragarri du. EHEren sortzaileetako bat izan zen Txillardegi.

2019an, Korrikak omenaldia egin zion Txillardegiri. Aurten ere AEK-k antolatutako lasterraldiak Euskal Herria zeharkatuko du, eta, gainera, Donostian amaituko da.Txillardegi Udal Liburutegia Herri Ekimenak aukera baliatuko du bere aldarrikapena plazaratzeko. Gaur egun Donostiako udaleko liburutegi zentrala dena Txillardegi Udal Liburutegia izendatzeko eskatzen du talde horrek.

Txillardegik eragin handia izan zuen Euskal Herriko politikagintzan, hizkuntzalaritzan eta literaturan. ETAren sortzaileetako bat izan zen, ESB alderdiaren, Altsasuko mahaiaren eta Herri Batasunaren sorreran parte hartu zuen, eta Aralarren ere izan zen. 1961ean erbesteratu zen, eta Frantzian eta Suitzan bizi izan zen, Franco hil ostean Euskal Herrira itzuli zen arte.

Euskalduntzea

Etxean ez zioten irakatsi euskara, baina bere kabuz ikasi zuen. Euskara batuaren sorrerarako ere lan garrantzitsua egin zuen, Federico Krutwigekin eta Koldo Mitxelenarekin batera. Euskaltzain urgazlea izan zen 1957tik aurrera, eta Euskaltzaindiko Ahoskera Batzordeko kidea 1993tik aurrera.

Idazle gisa ere lan oparoa egin zuen, eta berrikuntza nabaria ekarri zuen euskal literaturara. Lehen euskal nobela modernotzat hartzen den lana argitaratu zuen 1957an: Leturiaren egunkari ezkutua. Horretaz gain, sei eleberri gehiago argitaratu zituen.

BERRIAk ere bat egingo du Txillardegi gomutan hartzeko ahaleginarekin, haren heriotzaren urteurrenaren karietara. Datorren astean erreportaje sorta bat argitaratuko du, Txillardegik hainbat arlotan egindako ekarpena jorratuko duena, eta haren inguruan antolatutako mahai inguru eta omenaldien berri ere emango du luze eta zabal.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Indarkeria matxistaren aurkako protesta bat, Iruñean. ©IÑIGO URIZ / FOKU

'Baietz da baietz' legearen aurretiko kondenei eutsiko diete Nafarroan

Ion Orzaiz

Nafarroako Auzitegiak ez du murriztuko zigorra, hura lege berriaren parametroetan sartzen bada. Gipuzkoako Auzitegiak etzi ebatziko du
Idurre Eskisabel, atzean Euskalgintzaren Kontseiluaren logoa duela. ©EUSKALGINTZAREN KONTSEILUA

Idurre Eskisabel izango da Kontseiluko idazkari nagusia

Julen Aperribai

Paul Bilbaok hamabi urte eman ditu kargu horretan, eta hura ordezkatuko du Eskisabelek gaur zortzi, Durangon. Euskararen auzia «gizartearen lehentasun» bihurtzea eta aliantzak sendotzea jarri ditu helburu
Mintzodromo bat, San Telmo museoan, Donostian. ©GORKA RUBIO / FOKU

Aniztasunerako zubigintza

Iraia Vieira Gil

Euskaraz ez dakitenak erakartzeko jardunaldiak antolatu ditu Euskaltzaleen Topaguneak. Euskarak sortzen dituen barne eta kanpo gatazkak izan dituzte hizpide.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Informazio osagarria

Iruzkinak kargatzen...