Albistea entzun

Herrera de la Mancha, euskal presorik gabe

Kartzela horretako azken euskal presoa hurbildu egin dute. Bertze hiru hurbilketa iragarri ditu Madrilek. Puerto I ere, laster hutsik
Euskal presoen alde Herrera de la Manchara egindako martxa bat, 2016an.
Euskal presoen alde Herrera de la Manchara egindako martxa bat, 2016an. MARIANO CIEZA MORENO / EFE Tamaina handiagoan ikusi

Maddi Ane Txoperena Iribarren -

2021eko apirilak 10

Tokitan gelditu dira 1980ko hamarkadaren bukaeran eta 1990ekoaren hasieran euskal presoen alde Herrera de la Manchara (Espainia, 640 kilometro) egiten zituzten ibilaldiak, eta ez denboraren joanarengatik soilik: hurbilketa eta Euskal Herriratzeen ondorioz, jada ez dago euskal presorik lehen anitzen bizileku izandako kartzela horretan. Jon Mirena San Pedro Blanco izan da han eduki duten azken euskal presoa, eta, Etxerat-ek atzo jakinarazi zuenez, Dueñaseko kartzelara hurbildu dute egunotan (Espainia, 310 kilometro).

Euskal presoen senideen elkarteak jakinarazi duenez, San Pedroz gain bertze sei euskal preso mugitu dituzte asteon helmugako kartzelara —Espainiako Espetxe Erakundeek lehendik iragarria zuten mugituko zituztela—. Atzo, berriz, bertze hiru euskal preso hurbilduko zituztela iragarri zuen Madrilek: Fernando Elejalde Tapia Puerto I-etik (Espainia, 1.020 kilometro) Mansillara mugituko dute (Espainia, 370 kilometro); Iñigo Vallejo Franco, Dueñasetik Duesora (Espainia, 170 kilometro); eta Garikoitz Etxeberria Goikoetxea, berriz, Sevilla II-tik (Espainia, 990 kilometro) Dueñasera. Elejalde zen Puerto I-eko espetxean zegoen azken euskal presoa, eta, beraz, hura mugituta, laster euskal presorik gabe geldituko da kartzela hori ere. Senide batzuek Cadizera bidaiatu beharko dute oraindik, halere: izan ere, Puerto III espetxean bederatzi euskal preso dauzkate oraino.

Presoen %60, hurbil

Dagoeneko 131 euskal preso daude Euskal Herritik 300 kilometro ingurura edo gutxiagora: hau da, euskal presoen %60 —217 euskal preso dira guztira—.

Etxerat-ek atzo jakinarazi zuenez, bertzalde, hauek dira San Pedroz gain asteon helmugako kartzelara eraman dituztenak: Juan Carlos Subijana Izquierdo, Basaurira (Bizkaia); Josune Arriaga Martinez, Iruñera; Ainhoa Barbarin Iurrebaso, Zaballara (Araba); Iñaki Etxeberria Martin, Duesora; Arkaitz Goikoetxea Basabe, Logroñora (Espainia, 170 kilometro); eta Gorka Palacios Aldai, Estremerara (520 kilometro).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Ione Belarra duela bi aste, Madrilgo hauteskundeetarako kanpainan. ©Victor Lerena / Efe

Belarrak aukera handia du UPko idazkari nagusia izateko

Igor Susaeta

Alderdi moreak Herritarren Batzarrera deitu behar du Pablo Iglesiasen ordezkoa izendatzeko. 'Infolibre' agerkari digitalak plazaratu du albistea, Unidas Podemosen iturriak aipatuz.

Pablo Iglesias, politikari agur esan zion agerraldian, herenegun, Madilen. ©KIKO HUESCA / EFE

Bipartidismoa amaitu zuena

Igor Susaeta

Unidas Podemoseko liderrak politika utziko duela eta, Iglesiasen alderdikide izandakoek haren ibilia goratu dute. «Erantzunak ematea» lortu duela nabarmendu dute Nagua Albak, David Sotok eta Roberto Uriartek

Iglesias, Madrilgo bozetako kanpainako ekitaldi batean. ©David Fernandez / Efe

Piztutakoa itzali aurretik, badoa

Iosu Alberdi

Iglesiasek eta bestek 2014an sortu zuten Podemos, M-15 mugimenduaren abaroan. Sei urtean, presidenteorde izatera iritsi da, baina, jada batzen laguntzen ez duelakoan, agur esan dio politika instituzionalari.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna