Albistea entzun

Abeberriren ibilbide oparoa ohoratu dute

«Hats luzeko» abertzale eta kulturgilea izan dute gogoan. Eragile anitzetako ordezkariak izan dira miarriztarrari egindako omenaldian

Abeberriren omenezko ekitaldia, atzo, Miarritzen.
Abeberriren omenezko ekitaldia, atzo, Miarritzen. GUILLAUME FAUVEAU Tamaina handiagoan ikusi

Oihana Teyseyre Koskarat - Garazi Aduriz -

2022ko abenduak 6 - Miarritze

Miarritzeko (Lapurdi) Santa Eugenia eliza hertsi gelditu zen atzo, Jakes Abeberriri egindako azken agurreko mezan. Mugimendu abertzalearen bultzatzaile eta erreferente nagusietako bat izan da urteetan. Iragan astean zendu zen, azaroaren 29an, 92 urterekin. Enbata aldizkariko kideek eta Abeberriren hurbilekoek antolatu zuten omenaldia: kantu liburuxka aldizkariaren azala balitz bezala egina zuten. Abeberriren argazkia, zuri-beltzean, eta hitz hauek: «Agur eta ohore, Jakes».

Oldarra abesbatzako kideak aritu ziren kantari; Abeberri bera kantari eta lehendakari izan zen. Oraingo lehendakari Marc Mariek gogoan izan zuen abesbatza bultzatu zuen gizonaren gisan. Enbata-ko erredaktore Ellande Duny-Petrek, gisa berean, «Enbataren sortzaile eta bultzatzailea» ohoratu zuen.

Mundu politikoko zein kulturaleko ordezkariak ere bertaratu ziren. Maddalen Iriarte EH Bilduko eleduna, erraterako, honela mintzatu zen: «Abeberri abertzale handi bat izan zen, euskal kulturari eta euskalgintzari bizia eman zizkiona. Azken agurra ezin dugu huts egin, bere Miarritze maitean ohore egiteko».

Militantzia aitatxia

Gisa berean mintzatu zen Nikolas Blain EH Baiko bozeramailea. «Militantziako aitatxi bat galdu dugu. Garai batean, basamortua zeharkatu zuen beste zenbait lagunekin batera, gure ideien plazaratzeko. Abeberrik bururaino iraun du, Batera plataforman, EH Bai-n, eta Enbata aldizkarian. Bururaino, azken asteetako EH Bairen kongresuko testuak lantzeraino».

Kristiane Etxaluz ezker abertzaleko militante historikoak «eredu» gisa oroitu du Abeberri. «Militante ezin hobea zen. Gizon irekia zen, beti prest zena. Kontraesanez betea zen, eta, hain zuzen horregatik zen eredu. Gaiztoa ere izan zitekeen etsaiarekin, baina etxekoekin beti alde, beti ona».

Bizia arteari begira

Politikan ez ezik arte munduan eta kulturan ere eragin «handikoa» izan zela oroitu zuten. Abeberriren bidelagun miarriztar Aña Mari Greniek azpimarratu zuen Abeberrik kulturgintzan «sekulako ekarpena» egin zuela Miarritzeko Herriko Etxeko lehen axuant zelarik. Enbata alderdiaren sortzaile gisa ere gogoan izan zuen; nabarmendu zuen abertzaleen kontrakoek «Enbata zikina» irain gisa baliatu zutela luzaz abertzaleen kontra.

Kepa Akixo Zigor eskultorea Abeberriren hurbileko laguna izan zen urte luzez. «Lagun mina izan da Jakes, eta kultur arloan, artea bizitzeko beharrezkoa zela aitzinera eman zuen lehenetarikoa izan zen Lapurdin».

Jean Mixel Bedaxagar kantari zuberotarrak «elkar gurutzatu» zutenekoa izan zuen gogoan, «elkarrekin bestan, dantzan eta musikan» aritu zirenekoa. «Aspaldidanik izen ezaguna» zuen.

Elizkizunaren ondotik, omenaldi publikoa egin zioten Santa Eugenia plazako kioskoan, itsasoari so. Familiako kideek ikurrinaz jantzi zuten hilkutxa, eta Agur, jauna kantuz hartu zuen publikoak. Ondotik, aurreskua eman zioten dantzariek. Irantzu Idoate Funosas bertsolariak honela kantu zion: «Nahiz gazteek urrun sentitzen dugun/ Jakesen ibilbidea [...]/ zure herria, nirea, gurea behingoz librea/ zuen urratsak izan daitezen borroka adibidea». Patxi Amulet eta Xabi Etxeberri musikariek bururatu zuten omenaldia, Izarren hautsa kantatuz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

11 ekintzaileak, Baionako auzitegi aitzinean ©Guillaume Fauveau

Martxoaren 9an emango dute 11 'bakegileren' aurkako deliberoa

Ekhi Erremundegi Beloki

Hamar auzipeturentzat 950 euroko isuna eskatu du fiskalak, gibelapenarekin. Uztailaren 23ko protestetan errepidea blokeatzea egotzita epaitu dituzte.

Iratxe Sorzabalen zauriak, 2001eko atxiloaldiaren ostean. ©Berria

Iratxe Sorzabalen kontrako zigorra berretsi du Auzitegi Gorenak, torturak ukatuta

Berria

Euskal preso horrek pairatutako torturen berri eman izanak ez du «egiaztatzen» halakorik sufritu zuenik, Gorenaren arabera.

Beatriz Artolazabal Eusko Jaurlaritzako Berdintasun, Justizia eta Gizarte Politiketako sailburua, iazko azaroan, Eusko Legebiltzarrean. ©JAIZKI FONTANEDA / FOKU

Artolazabalek otsailaren 14an utziko du sailburu postua

Mikel Elkoroberezibar Beloki

EAJren Gasteizko alkategaia izango da Artolazabal, eta kanpainaurreari heltzeko utziko du Berdintasun, Justizia eta Gizarte Politiketako sailburu postua. Esan duenez, «oso gustuko» izango luke bere ordezkoa emakume arabar bat izatea.

GKSko kide baten atxiloketa salatzeko mobilizazioa, iazko ekainean ©Bob Edme

GKSko kide bat epaituko dute Pauen

Ekhi Erremundegi Beloki

Asteartean eginen diote epaiketa, Paueko Dei Auzitegian. Margoketak egitea leporatzen diote.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...