Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Beste preso bat hil da Zaballako espetxean, aurtengo bosgarrena

Salhaketak esan du «patologia larriak» zituen andre bat zela, eta elkarretaratze bat antolatu du
Zaballako espetxean (Araba) 700 preso pasatxo inguru daude.
Zaballako espetxean (Araba) 700 preso pasatxo inguru daude. JAIZKI FONTANEDA / FOKU Tamaina handiagoan ikusi

Ekhi Erremundegi Beloki - Amaia Ramirez de Okariz Kortabarria -

2020ko azaroak 14

Zaballako espetxean (Araba) hildako presoen kopurua handituz doa. Salhaketa elkarteak atzo jakinarazi zuenez, beste preso bat hil zen urriko azken astean. Emakume bat zen hildakoa, eta elkarteak adierazi du «patologia larriak» zituela diagnostikatuak. Haren arabera, espetxetik kanpo egon beharko zukeen, baina egitura soziosanitario bakar batean ere ez zuen lekurik lortu. Ondorioz, ez lortu baldintzapean aske geratzea, eta espetxean zegoen preso. Heriotza hori salatzeko, elkarteak elkarretaratze bat egingo du datorren asteartean, azaroaren 17an, 12:00etan, Gasteizko Andre Maria Zuriaren plazan.

Hain zuzen, dagoeneko bost preso hil dira aurten espetxe horretan. Azkenekoz, urriaren 1ean hil zen preso bat Zaballan. 35 urteko gizonezko bat zen, eta ziega batean aurkitu zuten gorpua. Irailaren 22an ere 32 urteko gizonezko bat hil zen. Uztailaren 17an, berriz, 23 urteko gizonezko bat agertu zen hilik bere ziegan, eta aurretik, apirilaren 7an, espetxe bereko beste preso bat zendu zen ospitalean. Are gehiago, gogoan izan behar da Salhaketak Iruñeko espetxean izandako beste bi heriotzaren berri ere eman zuela orain hilabete. Lehena «martxo-apiril aldera» hil zen, eta bigarrena, abuztuan. Heriotza horiei guztiei urte hasieratik Martutenen (Gipuzkoa) izandako biak eta Baionako bat. Beraz, zehazki, hamar preso hil dira.

Salhaketaren iritziz, «agerikoa» da heriotza horien guztien atzean «etsipen» egoera bat dagoela. Horregatik, Zaballako espetxeko arduradunei galdetu die ea zer egiteko asmoa duten halako egoera ikusita, eta zenbait hausnarketa planteatu dituzte: «Neurriak hartuko al dira aurreikusi eta eragotzi zitezkeen halako gertaera larriak berriz gertatu ez daitezen, ala pasibotasunaren aldeko apustua egin eta uko egingo diete preso dauden pertsonek eskatutako harrera etxeetako baliabideei, osasun arretari eta laguntza psikologikoari? Zer-nolako profesionalen esku daude preso dauden pertsonak?».

Elkartearen aldarrikapenak

Elkarteak heriotza hauek espetxean ezkutatzeko dagoen «politika sistematikoa» salatu du; besteak beste, COVID-19aren izurriteak sortutako egoera oinarri hartuta. Zenbait aldarrikapen egin dituzte: besteak beste, eskatu dute espetxetik kanpoko baliabideak ezar daitezela, presoen askatasuna «errazteko» asmoz. Larriki gaixorik dauden presoak ere gogoan izan dituzte, eta horiek «berehala» askatzea eskatu dute. Horrez gain, beste eskari bat ere egin dute: familiei beharrezkoa den laguntza guztia eman diezaietela justizia administrazioaren funtzionamendu «okerraren» ondorioz sortzen diren erantzukizun zibilak eta penalak eskatu ahal izateko.

Osasun arloa ere izan dute hizpide. Salhaketak gogorarazi du Osakidetzak eta, beraz, Eusko Jaurlaritzak, «erantzukizun osoa» duela Araban, Bizkaian eta Gipuzkoan dauden espetxeetako osasun arazoetan. Beraz, euren eskumenak betetzeko eskatu diete: «Eusko Jaurlaritzari eta Osakidetzari exijitzen diegu presoen farmakologia banaketaren kontrol zehatza egin dezatela, eta soilik Osakidetzaren mendeko osasun langileek egin dezatela».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hiesa: GIB positiboen ahotsa

Hiesaren Aurkako Nazioarteko Eguna da gaur

Paulo Ostolaza - BerriaTB

Aurten bete dira 40 urte lehen kasuak agertu zirenetik. GIB positibo diren bi pertsonari eman nahi izan die hitza BERRIAk: Joseba Errekalderi eta Josu Unanueri. 90eko hamarkadan jakin zuten seropositibo zirela, eta ordutik hona bizi izandakoak kontatu dituzte. BERRIAk sakon landu zuen gaia joan den igandean.

Gasteizen, Armentiako gas putzuak ustiatzeko proiektuan atzera egin behar izan zuen Jaurlaritzak. ©JAIZKI FONTANEDA / FOKU

Interes orokorra eta udal eskumenak aurrez aurre jarriko dituen zuzenketa bidean da

Jone Arruabarrena

Pil-pilean dago legearen inguruko eztabaida, EAJ eta PSEk aurkeztutako zuzenketaren ondoren. Zuzenketa onartuz gero, litekeena da ondorioak izatea udalen eskumenetan

<b>Gotzone Sagardui.</b> Osasun sailburua, atzo, Gobernu Kontseiluaren ostean egin zuten agerraldian. ©J. FONTANEDA / FOKU

Datu «txarrak» direla eta, osasun larrialdia ezarriko du berriz Jaurlaritzak

Berria

Espainiako Auzitegi Gorenak onetsi egin du Araba, Bizkai eta Gipuzkoan osasun ziurtagiria erabiltzea. Ziurtagiria datuak apaltzeko «tresnetako» bat izango dela dio Urkulluk A. Iraola - J. Ordoñez- J. Senar

Ertzain bat bilaketa lanetan, atzo, Karrantza ibaian. ©Ertzaintza

Karrantza ibaian aurkitu dute igandean desagertutako 31 urteko gizona

Berria

Sendiak igandean jarri zuen salaketa, atzo aurkitu zuten Ramales de la Victorian (Espainia), eta Ertzaintzak gaur baieztatu du gorpua desagertuarena dela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.