Albistea entzun

Gazte langileei zuzendutako proposamena aurkeztu du GKSk

Iosu Alberdi -

2022ko urriak 8

GKS Gazte Koordinakunde Sozialistak Gazte Langileontzako Proposamen Politikoa aurkeztu zuen atzo, Donostian. Ezinbestekotzat jo dute langileria «modu independentean antolatzea», eta nabarmendu dute prozesu horretan gazteek «paper aktiboa» izan behar dutela. Bost zutabetan banatu dute proposamena: gazteen lan merkatua, bizi ereduaren pobretzea, kultur industria, hezkuntza sistema eta eskubide kolektiboak.

Koordinakundeak uste du kapitalismoa krisi egoeran dagoela, eta langileak horren ondorioak ordaintzen ari direla: «Soldata baxuek, aldi baterako lanek, praktika kontratuek, inflazioak eta abarrek bizi eredu gero eta pobreago batera garamatzate». Hala, «gazteen lan baldintza prekarioak amaitzea» eta «oinarrizko bizi bitartekoak bermatzea» aldarrikatu dute; besteak beste, etxebizitza, garraio eta hezkuntza «kalitatezkoak, doakoak eta unibertsalak» izan daitezen. Horiek, baina, ezingo dira bermatu «langileon kontrolpeko instituzio sozialistarik gabe».

Kultur industriari dagokionez, despolitizazioari aurre egiteko eta indarkeria matxista borrokatzeko beharra nabarmendu dute. Era berean, gazteen kriminalizazioa ere salatu du GKSk, eta «langileriaren eskubide politikoen» defentsa egin du. Hala, aipatutako arazoei aurre egiteko estatu sozialista bat eraikitzearen alde agertu dira. Gaineratu dute proposamena «testuinguru berrietara» egokituz joango direla.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©MARISCAL / EFE

«EAJk 40 urtez egin duen politikan dabil EH Bildu orain»

Xabier Martin

Kupoaren bost urterako akordioa da EAJren legegintzaldiko mugarri nagusietako bat, Sagastizabalen arabera. Nafarroako trafiko eskuduntzari ongietorria egin dio.
Maria Txibite Nafarroako lehendakaria. ©VILLAR LOPEZ / EFE

Foru Hobekuntza: osatu edo berritu

Jon O. Urain

Txibitek uste du ez dela garaia Nafarroako Foru Hobekuntza moldatzeko, hura «garatzeko» baizik. Barkosek dio legea «bete gabe» dagoela eta «itun politiko berri bat» beharrezkoa dela
Tellez, 2008ko ekaineko mobilizazio batean, Managuan. ©Mario Lopez / EFE

Dora Maria Tellezi emango diote Rene Cassin saria

Jon O. Urain

«Giza eskubideen sustapenean, defentsan eta zabalkundean duen konpromisoagatik» sarituko dute.

IAren mobilizazioa, martxoaren 24ko greba zela-ta, Gasteizen. ©Iñigo Uriz / Foku

Mugimendu Sozialistako bi kidek «jazarpen poliziala» salatu dute

Berria

Esan dutenez, «kolaboratzeko» eskaintza egin diete telefonoz zein zuzenean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.