Hanburgoko NDR Elbphilharmonie, gaur, Kursaalean

Hanburgoko NDR Elbphilharmonie orkestra gaur arituko da Donostiako Kursaalean, 20:00etan, Krzysztof Urbanski zuzendariaren esanetara. Norddeusher Rundfunk, Alemaniako Iparraldeko Irratiaren orkestra da NDR. Bigarren Mundu Gerraren ostean, britainiarren esku gelditu zen irratia, eta haiek agindu zuten orkestra berri bat sortzea. Ordutik, ibilbide luzea izan du taldeak, eta musika germaniarra ez ezik, musika garaikidea ere jotzen dute.

Gaurkoan, Gustav Mahlerren eta Johannes Brahmsen lanekin osatu dute saioa, eta Christian Gerhaher baritonoa izango dute lagun. Operan aritua da Gerhaher, eta Brahmsen piezekin ere argitaratu ditu diskoak.