Albistea entzun

Akusazioak helegitea jarri dio Cabezudoren epaiari

Mario Diez abokatuak hamahiru kasazio errekurtso aurkeztu ditu Espainiako Auzitegi Gorenean Kote Cabezudoren zigorraren aurka
Martxoaren 7tik apirilaren 13ra bitartean epaitu zuten Cabezudo.
Martxoaren 7tik apirilaren 13ra bitartean epaitu zuten Cabezudo. JON URBE / FOKU Tamaina handiagoan ikusi

Edurne Begiristain -

2022ko irailak 11

Kote Cabezudo argazkilariaren kontrako salaketa jarri zuten emakumeen abokatu Mario Diezek errekurtsoa jarri dio Gipuzkoako Probintzia Auzitegiak ezarritako epaiari. Abokatuak sare sozialetan jakinarazi duenez, ostiralean hamahiru kasazio errekurtso aurkeztu zituen Espainiako Auzitegi Gorenaren aurrean, ekainaren 27an Gipuzkoako Auzitegiko 1. Sekzioak Cabezudori ezarritako zigorraren aurka.

Gipuzkoako Auzitegiak 28 urteko eta bi hilabeteko espetxe zigorra jarri zion Kote Cabezudo argazkilariari, bortxaketa delitu bat, sexu abusuen beste bat, haur pornografiako sei eta bi iruzur delitu egitea egotzita. Euskal Autonomia Erkidegoko Auzitegi Nagusiak zehaztu zuen haren espetxealdiak ezingo duela hogei urte baino gehiago iraun, eta betetzat jo zituen Cabezudok behin-behineko espetxealdian egin dituen lau urteak. Beste 217 delitu ere egotzi zizkioten akusazioek, baina horien gaineko absoluzioa eman zuten sententzian. Hori kontuan harturik, zigorrak apalak izan ziren akusazioek egindako eskeekin alderatuta. Fiskalak 250 kartzela urte eskatu zituen; akusazio partikularrak, 2.627.

Ekainean, epaia kaleratu zenean, akusazio partikularreko abokatuek esan zuten «iraingarria» zela eta helegitea jarriko zutela.

Ebazpenean, epaileek haur pornografiatzat jo zuten biktimetako seiren kasua. Horietako lauri dagokienez, haur pornografiako webgune batzuetan hedatu zuela ebatzi zuten, eta beste baten kasuan, irudiak hedatzeko asmoz zeuzkala gordeta. Haur pornografia prestatzeko delitu bat egiteagatik ere zigortu zuten Cabezudo. Biktima helduei dagokienez, berriz, epaileek ebatzi zuten horiei ez zitzaiela «iruzur egin» irudiak eskuratzeko orduan, eta ez zegoela intimitatearen aurkako deliturik ere. Aldiz, frogatutzat jo zuten bi iruzur delitu egin zituela argazkiak eskuratu ondoren.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Ezkerretik eskuinera: Otxandiano, Otegi, Aranburu eta Tobar bileraren osteko agerraldian, atzo, Donostian. ©ANDONI CANELLADA / FOKU

«Konfluentzia» nahi dute EH Bilduk eta LABek, publikoen eta ikastolen «onena» hartuta

Irati Urdalleta Lete

EH Bildu eta LAB hezkuntzaz aritzeko bildu dira. Aitortza egin diete sare publikoari eta ikastolei. Grebak aipatuta, esan dute bat egiten dutela langileen eskaerekin
Alternatibak atzo Gasteizen antolatutako mahai ingurua. ©JAIZKI FONTANEDA / FOKU

«Ez gara arrisku bat: gu gaude arriskuan»

Edurne Begiristain

Alternatibak antolatuta, Espainiako trans legeari buruzko «gezurrak» ezeztatu dituzte mahai inguru batean. Mar Cambrollek esan du transek «subjektu aktiboak» izan behar dutela
Euskarari eta teknologiari buruzko solasaldia, atzo, Donostian. ©MAIALEN ANDRES / FOKU

Puntako teknologia euskaraz

Isabel Jaurena

Hizkuntza gutxituak eta berrikuntza uztartzeari buruz jardun dute Donostian, Gipuzkoako Foru Aldundiak antolatuta. Euskaraz funtzionatzen duten zenbait gailu aurkeztu dituzte
Lodosa Bizirik taldeko kideak, bi kaleren izenak euskaraz jarri eta gero. ©BERRIA

'Ahobizi' izan nahi, eta ezin

Itsaso Jauregi

Aurten ez da egingo Euskaraldia Lodosan, baina Lodosa Bizirik elkartekoek lanean jarraituko dute euskara normalizatzeko asmoz

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...