Albistea entzun

«Euskadiren nazio auziari» aurre egiteko eskatu du EAJk

Pedro Sanchezi «legegintzaldiaren aukera alferrik galtzea» aurpegiratu dio Aitor Estebanek. EH Bilduk «ez du ezer ospatzeko»

Xabier Martin -

2022ko abenduak 7

Espainiako Konstituzioaren 44. urteurrenarekin batera kargu hartu dio EAJk Espainiako Gobernuko presidente Pedro Sanchezi, «lurralde auziari aurre egiteko aukera galtzen utzi» duelako. EAJko Espainiako Kongresuko bozeramaile Aitor Estebanek «etsigarritzat» jo du PSOE-Unidas Podemos koalizio gobernuaren legealdiaren balantzea, autogobernuari dagokionez. Datorren urteko hauteskundeetarako geratzen dena gehienez urtebete dela eta, Estebanek deitoratu du Sanchezek aukera alferrik galdu duela «nortasun nazionalen auziari aurre egiteko».

2019ko abenduan, Andoni Ortuzar EAJko presidentearen eta Sanchez beraren artean izenpetu zuten inbestidura akordioak jaso zuen «Estatuaren lurralde egitura nortasun nazionaletara egokitzea, kide izatearen sentimenduak aintzat hartuz», Estebanek gogoratu duenez. «Ez da konbentzimendurik egon, ezta borondaterik ere, Euskadi eta Kataluniako nazio auziei heltzeko».

EH Bilduk ez du adierazpenik edota oharrik igorri hedabideetara, Espainiako Konstituzio egunaren karietara. «Abenduak 6 dugu gaur, Espainiako Konstituzioaren eguna. Ez daukagu ezer ospatzeko», esan du koalizio abertzaleak Bilbon Hezkuntzari buruz egin duen konferentzian. «Aitzitik, egun ezin aproposagoa da euskal hezkuntzaren geroari buruz gogoeta egitera elkartzeko».

EAJ, nazio aitortza eske

Jeltzaleek, aldiz, Espainian abenduaren 6ak duen testuinguruaren bultzadaz, «nazio aitortzari» buruz hitz egitea erabaki du. Gogora ekarri dute «borondatea baldin badago, Euskadin aplika daitekeen formula erraza» dela: «nazio aitortza, aldebikotasuna, arbitro neutrala eta erabakitzeko eskubide itundua». Horren ordez, oso bestelako erantzuna eman du Sanchezen gobernuak, 2020ko martxoan hasita izan den pandemiaren agertokian. «Legealdi honetan protagonista nagusi izan da gure autogobernua inbaditu duen lege dekretu andana, COVIDak ekarritako krisia eta Ukrainako gerra aitzakiatzat erabilita», azaldu du Estebanek. Unidas Podemos ere egoera eta erantzun zehatz horren erantzule egin du jeltzaleak.

Oraindik egin gabe dauden erreformei dagokienez, eta Espainiako Gobernuak «hartu ez dituen arriskuei» dagokienez, Estebanek Sekretu Ofizialen Legearen eguneratzeaz hitz egin du, eta gogoratu EAJk sei urte inguru daramatzala eguneratze hori erreklamatzen. Jeltzaleek erreklamatu duten beste aldarazpena da CNIrena, Pegasus espiatzeko sistemarekin zerikusia duen kasuaren ingurukoa. Hori guztia «argitzeko» esan dio Sanchezi.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

11 ekintzaileak, Baionako auzitegi aitzinean ©Guillaume Fauveau

Martxoaren 9an emango dute 11 'bakegileren' aurkako deliberoa

Ekhi Erremundegi Beloki

Hamar auzipeturentzat 950 euroko isuna eskatu du fiskalak, gibelapenarekin. Uztailaren 23ko protestetan errepidea blokeatzea egotzita epaitu dituzte.

Iratxe Sorzabalen zauriak, 2001eko atxiloaldiaren ostean. ©Berria

Iratxe Sorzabalen kontrako zigorra berretsi du Auzitegi Gorenak, torturak ukatuta

Berria

Euskal preso horrek pairatutako torturen berri eman izanak ez du «egiaztatzen» halakorik sufritu zuenik, Gorenaren arabera.

Beatriz Artolazabal Eusko Jaurlaritzako Berdintasun, Justizia eta Gizarte Politiketako sailburua, iazko azaroan, Eusko Legebiltzarrean. ©JAIZKI FONTANEDA / FOKU

Artolazabalek otsailaren 14an utziko du sailburu postua

Mikel Elkoroberezibar Beloki

EAJren Gasteizko alkategaia izango da Artolazabal, eta kanpainaurreari heltzeko utziko du Berdintasun, Justizia eta Gizarte Politiketako sailburu postua. Esan duenez, «oso gustuko» izango luke bere ordezkoa emakume arabar bat izatea.

GKSko kide baten atxiloketa salatzeko mobilizazioa, iazko ekainean ©Bob Edme

GKSko kide bat epaituko dute Pauen

Ekhi Erremundegi Beloki

Asteartean eginen diote epaiketa, Paueko Dei Auzitegian. Margoketak egitea leporatzen diote.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...