Abbadia saria Pello Jauregiri, Euskaraldiaren teorizatzaileari

Euskararen erabilera areagotzeko ezarritako oinarri teorikoa nabarmendu du Gipuzkoako Aldundiak. Azaroaren 27an jasoko du saria
Pello Jauregi, iraileko artxiboko irudi batean.
Pello Jauregi, iraileko artxiboko irudi batean. JON URBE / FOKU Tamaina handiagoan ikusi

Lander Muñagorri Garmendia -

2020ko urriak 27

Bigarren Euskaraldia egiteko atarian, Gipuzkoako Aldundiak saritu egingo du ariketa soziologiko hori egin ahal izateko oinarri teorikoa jarri zuen ikerlaria: Pello Jauregi. «Merezimendu osoz» jasoko du saria, Garbiñe Mendizabal Hizkuntza Berdintasuneko zuzendariak atzo egindako agerraldian azaldu zuenez. Euskararen Egunaren bueltan banatu ohi dute sari hori, eta aurtengoa azaroaren 27an jasoko du Jauregik.

Aldunditik honako arrazoi hauek eman dituzte Jauregi saritzeko: «Euskararen hedapenerako aukera neurtezinak sortu ditu, eta egin dituen gogoeta eta ikerketa horietatik abiatuta, dinamika sozial bat sortzeko gaitasuna izan du; konbinatu egin ditu, gainera, ikerketa teorikoa eta praktika, ulermenaren gaineko ikerketan aritu baita, eta, hori lortzeko, klaseak emateraino iritsi da; bere ikerketarekin, oinarri sendo bat eman dio gizarte ekimenari: ikertu, egin, neurtu eta ebaluatu».

Soziolinguistika Klusterrak martxan jarritako Aldahitz ikerketaren zuzendaria da Jauregi, besteak beste. Hizkuntza ohituretan aldaketak izateko zein aldagaik parte hartzen duten aztertu dute, eta metodologia bat sortu horiek bideratzeko. Eusle metodologia horren erakusle da. Horrek eragina izan zuen Euskaraldiaren oinarri teorikoan, baita Lasarte-Orian (Gipuzkoa) 2016an egindako Baietz 40 egun euskaraz herri erronkak ere, eta horri buruz Jauregik egindako ikerketa oinarri esanguratsua izan zen ariketa sozialerako. Horietan guztietan izan duen parte hartzeagatik sarituko du aldundiak Jauregi.

Mendizabalek nabarmendu zuen, gainera, Euskaraldiak «indar eta ilusio kolektibo berriak» piztu dituela euskaldunen artean. «Euskara biziberritzeko lanean, ziur asko, azken urteotako berririk eta ekarpenik nagusietakoa izan da. Ikusi besterik ez dago lehen aldian herriz herri ekimena dinamizatzeko sortutako batzordeetan herritarrek erakutsitako inplikazioa eta gogoa». Bigarren Euskaraldiaren atarian, ahalegin hori zabala izaten ari da.

Abbadia saria euskararen normalizazioaren aldeko lanetan nabarmendutako pertsona edo elkarteen jarduna saritzeko sortu zen, 1996. urtean. Urtero oroigarria artista gazte batek egiten du, eta Jauregik jasoko duena Xabier Anunzibaik egingo du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Baionako karrikak hutsik, atzo, etxeratze agindua dela eta. ©GUILLAUME FAUVEAU

«Lanean ari bazara, argiki izorratua zara»

Joana Ibargarai Leritza

Jean Castex Frantziako lehen ministroak ostegunean iragarri bezala, Ipar Euskal Herrian etxeratze agindua 18:00etatik 06:00ak artekoa da orain, eta atzo izan zen neurria aplikatu beharreko lehen eguna.

Joan den urriko argazki bat: jendea Iruñean paseatzen, tartean osasun langile bat. ©Iñigo Uriz / Foku

Positiboen kopuruak mila kasuren langa gainditu du Hegoaldean

Berria

Eusko Jaurlaritzak eta Nafarroako Gobernuak 1.030 positibo atzeman zituzten. Araban eta Bizkaian egin dute gora kutsatuen zifrek

Koronabirusaren kontrako txertoa. ©Guillaume Fauveau

Urkulluk dio «onartezina» dela txerto gutxiago jaso izana

Berria

Indurainek esan du Nafarroak «erreserba estrategikoa» duela datorren astean txertaketarekin segitu ahal izateko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.