Albistea entzun

LGTBI Komunitatearen Nazioarteko Eguna

Transfobiaren aurka irten dira kalera, harrotasuna aldarrikatuz

LGTBI Komunitatearen Nazioarteko Egunean, mobilizazio jendetsuak izan dira hainbat lekutan. LGTBIfobiaren aurkako eta sexu eta genero askatasunaren aldeko aldarriek hartu dituzte karrikak

Askotariko ostadarrekin egin zuten manifestazioa atzo Bilbon.
Askotariko ostadarrekin egin zuten manifestazioa atzo Bilbon. MARISOL RAMIREZ / FOKU Tamaina handiagoan ikusi

Uxue Rey Gorraiz - Javi West Larrañaga -

2022ko ekainak 29 - Bilbo

Harrotasuna izan zen atzo garaile karrikan; horren erantzule eta lekuko izan dira Euskal Herriko hainbat herri eta hiritan deituriko manifestazioetan izandako milaka herritarrak. LGBTI Komunitatearen Nazioarteko Eguna izan zen, sexu eta genero askatasunaren aldeko borrokaren egun seinalatua: jendeak ez zuen huts egin, eta ozen aditu ziren komunitatearen aldarrikapenak. Bilbon, esaterako, transfobiaren kontrako mezuetan jarri dute indarra aurten.

Ikusi gehiago: Mer Gomez: «Pertsona asko ez dira intersexual gisa identifikatzen»

Transfobiaren aurrean, tinko. Konplizitaterik ez, hartu posizioa izan zen lelo nagusi Bizkaiko hiriburuan izandako mobilizazioan. 19:30ean abiatu zuten martxa, Jesusen Bihotza plazatik, E28 Koordinakundeak deituta. Banderak, afixak eta pankartak harturik, «harro» egin zuten bidea ehunka pertsonak, aurpegian ortzadarrak pintaturik askok. «Harrotasuna ez dago salgai», ohartarazi zuten.

Mugimendu feministari, ezkertiarrei eta gizarteari eskatu zieten transfobiaren eta transmisoginiaren aurkako jarrera hartzeko, eta ez tratatzeko «bazterreko kontu gisara». Manifestazioaren akabuan, aldarrikatu zuten transexualak «beti» izan direla borroka feministaren parte, eta gaur egun mugimendu feministaren barrenean «feminismo zuri, burges, debekatzaile, zigortzaile eta kapitalista» bat sortu nahi dela transexualak eta prostitutak isilarazteko. «Ezabaketa historikoa eginez, gorroto diskurtso hori bat-batean gatazka gisa planteatu da, trans pertsonen aurkako indarkeria eta adierazpen askatasuna parekatu nahi dituena».

Feminismoaren barruko «korronte transfobo» hori «goraka doan mugimendu kriptofaxista» bat dela esplikatu zuten, eta patriarkatuak historikoki erabili duen determinismo biologiko bera erabiltzen dutela transexualen aurka egiteko. Koordinakundeak gizarte askapenaren alde egiteko garaia dela aldarrikatu zuen, «bortizkeria patriarkal eta bioesentzialista» alde batera uzteko, «gizabanako atzerakoiek oztopatu eta trabatu» arren. Esan zutenez, «ez dute onartuko» erakundeek, feminismoak eta mugimendu ezkertiarrek «zuzenean edo zeharka babestutako gorrotoz beteriko diskurtsoek» hazten jarraitzea.

«Bortizkeria olatua»

Gorroto diskurtso horiekin lotu zuten LGTB pertsonen aurkako erasoen «bortizkeria olatua». Eraso horiek «izozmendiaren tontorra» bakarrik direla uste dute, eta sistemari berari egotzi diote erantzukizuna: «Argi dugu gizarteak inposatu nahi duen moralitatetik aldendu eta normalitatea zalantzan jartzeagatik jasaten dugun zapalkuntza sistema aldatuz soilik bukatu daitekeela; sisteman integratzeko edozein saiakerak ezingo baitu sistemak berak sortutako indarkeria desagerrarazi». Esan zutenez, «sistemaren suntsipenean» eta «transmaribibollo autodefentsa sareen sorreran» sakondu beharra daukate.

LGTBI harrotasunaren «merkantilizazioari» heldu zion, berriz, E28 Koordinakundeak. Haien arabera, Bilboko Udalak, Bizkaiko Foru Aldundiak, EAJk eta enpresariek «harrotasuna instrumentalizatu eta merkantzia bihurtu dute» egunotan egindako Bilbo Bizkaia Harro egitasmoaren bidez. Adierazi zutenez, «gozamen burgeserako» sortutako festa «despolitizatuak» eta «desklasatuak» dira, eta, aldiz, baliabiderik ez da jartzen LGTBI komunitatearen «benetako» beharrak asetzeko.

Prostituzioa ere izan zuten aipagai. Espainiako Kongresuan onartutako lege proiektuagatik ardura adierazi zuen koordinakundeak, eta arloan martxan ipinitako «debeku politiken aurka» agertzeko deia egin zuten. «Egungo testuinguruan, sexu lanari trabak jartzeak arrisku handiagoko praktikak egitea baino ez dakar, gehienetan migratzaileak diren trans pertsona prekarioak kriminalizatuz». Esan zutenez, prostituzioa amaitzeko, prostituten bizi baldintza materialak hobetu behar dira. «Abolizioa ez da soluzioa» oihukatu zuten protestan. Espainiako Atzerritarren Lege «arrazistak» prekaritatea eragiten duela gehitu zuten, eta emakume transen langabezia tasa handiak «egiturazko transmisoginiaren» ondorio direla.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Emakume bat maskararekin paseatzen, Donostian. ©GORKA RUBIO/FOKU

COVID-19arekin hildakoak eta positibo eman dutenak gutxituz doaz etengabe

Jone Arruabarrena

Astetik astera, nabarmen jaisten ari dira kopuruak; oraingoan, 31 hildako izan dira, eta 1.881 positibo.

Aragoiko kanala. ©Javier Cebollada / EFE

Hilik aurkitu dute atzotik desagertuta zegoen Ribaforadako bizilaguna

Berria

Zaragozako Novallas (Aragoi) herrian aurkitu dute 82 urteko gizonaren gorpua.

Tuterako Santanak, artxiboko argazkian. ©TUTERAKO UDALA

Hil egin da Tuterako entzierro batean larri zauritutako gizona

Berria

74 urte zituen, eta uztailaren 26ko entzierroan zauritu zen.

BU-520 errepideko 2. kilometroa, Burgos ©Google Maps

Hiru gazte hil dira asteburuan trafiko istripuz

Lide Egizala Urteaga

Barakaldoko 20 urteko bi gazte hil ziren larunbat gauean. Igandean, berriz, Astigarragako gazte bat hil zen Pirinioetan, moto istripu batean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...