Koronabirusa munduan

New York zabaltzen hasi da

AEBetako New York hirian 22.000 hildako eta 205.000 kutsatu utzi ditu koronabirusak. Hiru hilabeteko itxialdiaren ostean, aste honetan hasi dira normaltasunera itzultzen
Herritarrak koronabirus probak egiteko zain, New Yorken.
Herritarrak koronabirus probak egiteko zain, New Yorken. JUSTIN LANE / EFE Tamaina handiagoan ikusi

Arantxa Elizegi Egilegor -

2020ko ekainak 10

Martxoaren 1ean baieztatu zuten lehen COVID-19 kasua New York hirian. Astelehenean ehun egun bete ziren ordutik, hain zuzen ere murrizketa neurriak arintzen hasi ziren egun berean. Inoiz lorik egiten ez duen hiriak hiru hilabete egin ditu ateak itxita eta neurri zorrotzen pean, eta, hala ere, hura izan da AEBetan birusak gogorren jo duen hiria: 22.000 hildako eta 205.000 kutsatu.

AEBetako presidente Donald Trumpen politikei jarraituz, hala ere, normaltasunerako bidea hartu du zortzi milioi biztanleko hiriak. Aste hasieran hasi ziren lanean eraikuntzako eta ekoizpen zentroetako langileak, eta denda txikiak. Lehen fasea soilik da hau, baina duela aste batzuk ezinezkoa zirudien horrek ere, egunean 800 hildako egonda eta erietxeak gainezka egiteko zorian. Tarte honetan, ordea, asko aldatu da egoera. Egunean 33.000 proba egiten dituzte osasun langileek, eta kutsatuen batezbestekoa 500era jaistea lortu dute.

New York hiria izan da izen bereko estatuan lehen fasera igaro den azkena. Gainontzekoak bigarrenean daude dagoeneko, eta, beraz, zabalik dituzte denda nahiz bulegoak. Bestetik, dendari txiki askok ezin izan diote aurre egin pandemiak eragindako krisi ekonomikoari, eta itxi egin behar izan dituzte euren negozioak. 885.000 lanpostu galdu dira itxialdiak iraun duen bitartean, eta, adituen arabera, hiria ez da bere onera itzuliko 2022ra arte.

Osasun arloko adituek, berriz, «baikorregi» iritzi diete Andrew Cuomo gobernadorearen eta Bill de Blasio alkatearen aurreikuspenei. Ohartarazi dute kasuak ugaritu egingo direla jendea lanera itzultzen denean, batez ere garraio publikoan izaten diren pilaketen ondorioz. Halakorik gerta ez dadin, garraio publikoari %70ean eusteko eskatu dute.

Eskolarik ez

Eskolak aurrerantzean ere itxita egongo dira hirian, laugarren fasera heldu arte —uztail amaieran izango da hori, ziurrenik—. Tabernak eta jatetxeak, berriz, apur bat lehenago zabalduko dituzte, hirugarren fasean, hilabete honen bukaeran. «Garaipen unea da hau gaitzaren aurka borrokatu diren herritar guztientzat», adierazi du Andrew Cuomo gobernadoreak. Izan ere, ehun eguneko ilunaldiaren ostean, argiak piztu ditu hiriak, baina erabateko normaltasuna urrun da oraindik. Maskara eta segurtasun tarteak derrigorrezkoak izango dira oraindik ere.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Marcelo de Rebelo de Sousa Portugalgo presidentea hauteskundeetara aurkeztuko zela iragartzeko egindako agerraldian, abenduaren hasieran, Lisboan. ©MANUEL DE ALMEIDA / EFE

Abstentzioa izango da Rebelio de Sousarem mehatxu nagusia bozetan

Julen Aperribai

Presidentetzarako hauteskundeak egingo dituzte Portugalen gaur, eta egungo presidente Marcelo Rebelo de Sousa da faborito argia. Itxialdian izan arren, bozkatzera joateko deia egin diete herritarrei

Varanda koroa, 2017an, Xuxako katedralean; bi aldiz bonbardatu dute. ©J. C. V.

Gutunik ez Xuxatik

Joan Cabases Vega

Libanon, milaka armeniar negarrez ari dira Azerbaijanen kontra porrot egin dutela-eta Karabakh Garaiko gerran, eta atzerapausotzat daukate beren existentziaren aldeko borrokan.

Bidaiari gutxi batzuk Londresko Heathrow aireportuko korridore batean, iragan astelehenean. ©NEIL HALL / EFE

Birus mugagabea nola mugatu

Julen Aperribai

Erresuma Batuak eta Europako Batasuneko zenbait herrialdek bidaiarien mugimenduak murrizteko eta kontrolatzeko neurriak zorroztu dituzte, koronabirusaren aldaera berrien hedapena galarazteko. Txertoa jaso izana herritarren joan-etorriak baimentzeko irizpidetzat hartzea proposatu du Greziak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.