Albistea entzun

EKOGRAFIAK

Netflix?

Amaia Garcia -

2022ko azaroak 10

Telesailak ikusteko dauden plataformekin harreman oso arraroa dut. Batzuetan, asteak eman ditzaket plataforma bereko telesailak ikusten, eta, beste batzuetan, ordenagailua pizten dudanean plataforma desberdinetako webguneak irekitzen zaizkit. Horien artean, Netflix gutxi irekitzen dut azken boladan. Aste honetan Netflixek arreta eskatu zidan sakelako telefonoaren bitartez. Plataforma horren aplikazioak bere azken berritasuna erakutsi nahi zidan, baina abisua alde batera utzi nuen.

Aspertuta gaudenean, Netflixek asko laguntzen digu, baina zer gertatzen da aplikazio horrekin aspertuak bagaude? Bertan aurkitzen ditudan edukiek ez didate interes handirik piztu azken boladan. Horrez gain, azken asteetan berri dezente eman dizkigu plataformak. Gaurtik aurrera, harpidetza merkeagoak egongo dira Hego Euskal Herriko erabiltzaileentzat. Trukean, harpidetza horiek iragarkiak izango dituzte. Iparraldean, azaroaren 3an hasi ziren harpidetza mota horrekin. Plataformak martxan jarri zituztenean, iragarkirik gabeko guneak izango zirela saldu ziguten. Madrilgo Pedro Zerolo plazan Atresmediak kartel erraldoi bat jarri du egoera horretaz barre eginez. Hartan, Netflix, Amazon Prime, Disney Plus eta HBO Maxen irudiarekin jolas egin dute. Izan ere, plataforma horiek iragarkiak jartzeko modu desberdinak proposatzen ari dira azken hilabeteetan.

Hori gutxi balitz bezala, Netflixek banatutako kontuen aurka joan nahi du. Gaur egun plataforma dezente ditut eskuragai, baina, ia denak izateko aukera posible egiteko, lagunekin banatu behar ditut. Laguntasuna ez da errentagarria Netflixentzat. Horregatik, etxebizitza berean bizi ez direnen kontuen aurka joango da Kaliforniako konpainia. Beren helburua lortzeko zer egiten duten jakin nahi dut, eta erabiltzaileen artean zer-nolako erantzuna ekarriko duen ikusteko dago.

Dena ez da txarra izango, pixkanaka euskarara bikoiztutako eduki berriak aurkitzen ditugu plataforman eta euskarazko azpititulu gehiago daude. Horrez gain, hilaren amaieran Lucio Urtubiaren bizitza oinarri duen fikzioa estreinatuko dute. Beldur pixka batekin ikusiko dut lana. Filma desengainu bat ez izatea espero dut, baina, hala gertatzen baldin bada, plataformari errua botatzeko aukera daukat.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Altsasun Momotxorroak aterako dira otsailaren 21ean. ©RAUL BOGAJO / FOKU

Baina noiz dira aurten inauteriak?

Edu Lartzanguren

Goiztiarrenak hasita daude, eta azken Maskarada saioa apirilaren 22an egingo dute, Maulen. 'Dantzan.eus' webguneak 2023ko inauterien egutegia paratu du.

Joel Diaz aurkezle eta umorista ©Vilaweb

TV3eko ‘Zona Franca’ kolokan da, aurkezleak saioa utzi eta gero

Urtzi Urkizu

Joel Diaz aurkezleak ez ezik, Magi Garcia umoristak ere laga du saioa. Egunotan ez dira saioa ematen ari. CUPek TV3eko zuzendariaren dimisioa eskatu du.

 ©JAGOBA MANTEROLA / FOKU

«Donostian inauteriak San Sebastian egunean hasten ziren»

Amaia Jimenez Larrea

XIX. mendean Donostiako inauteriak nolakoak ziren azaltzen duen liburu bat atera du Juan Antonio Anterok. 16 urte zituenean izan zuen lehen harremana inauteriekin, eta geroztik ez ditu alde batera utzi.
Inauterietako eguna ospatu dute Iturenen

Udaberriak ekarri duen soinua

Itsaso Jauregi

Inauterietako eguna ospatu dute Iturenen, eta joaldunek eta mozorroek hartu dituzte herriko kaleak. Tradizioari jarraituz, zubietarren eta aurtiztarren joareak elkartu ziren atzo; gaur, iturendarrek bisita itzuliko diete.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...