Albistea entzun

EKOGRAFIAK

Ausartu pentsatzen

Juan Luis Zabala -

2021eko ekainak 17

Hilketaz, poliziaz, polizia-ikerketaz, distopiaz, epopeia historikoz, mundu fantastikoz, aberats okituen dramaz eta horien gisako ihesbidez enpo eginda, Merlí: Sapere aude telesailaren bi denboraldiak ikusteari ekiten dionak ez du seguru askorik dezepziorik jasoko, aurrekaria, Merlí, gustuko izan baldin bazuen behintzat. Ez du hark bezain ezustean harrapatuko, jakina, baina behin ikusten hasita normalena berandu baino lehen bi denboraldietako atal guztiak ikustea izango da.

Euskaraz mintzatzen ezagutu genuen askok Merlí. ETB1ek bikoiztuta eskaini baitzituen telesailaren hiru denboraldiak osorik, 40 atal guztira, Hector Lozanok sortuak eta Eduard Cortesek TV3erako zuzenduak 2015 eta 2018 artean. Azken atalean, protagonista, Merlí Bergeron filosofia irakaslea (Francesc Orella) hil egin zen, baina telesail hartako gainerako pertsonaietako askok eman diote bizia gero Merlí: Sapere aude deritzon sekuela-ri, denen ardatz nagusi Merlí zenaren ikasle kutuna dela, Pol Rubio (Carlos Cuevas), Maria Bolaño irakaslearekin batera (Maria Pujalte). Hector Lozanok sortua da Merlí: Sapere aude ere, Merlí bezala, Alfonso Diazen laguntzaz, eta Menna Fitek zuzendu du Movistar Plus eta TV3entzat. Bi denboraldi izan ditu, 2019an lehena eta aurten bigarrena, eta orotara 16 atal. Horiek, ordea, ez daude euskarara bikoiztuta eta, tamalez, ez dirudi asmorik dagoenik.

Merlí-n bezala, Merlí: Sapere aude-n ere era askotako gaiak agertzen dira, denak edozein ikusleren bizitzarekin zuzenean ez bada zeharka lotuak, denak gure eguneroko bizimoduan noiznahi planteatu daitezkeenak, eta horien tratamendua irekia eta gatazkatsua da, irtenbide magikorik eta ikasbide ziurrik gabekoa. Horretarako, era askotako pertsonaiak darabiltza, bakoitza bere akats eta bertuteekin, baina pertsonaia gisa aberatsak denak, edo gehienak behintzat, bakoitzak bere ekarpena egiteko indarrez ondo hornituak.

Sapere aude «latinezko esaera bat da», Wikipediak dioenez, «Ausartu jakiten» esan nahi omen du. «Zeure arrazoi propioa erabiltzeko ausardia izan ezazu» gisa ere interpretatzen omen da. Jakiten laguntzen duen ez dakit, baina, Merlí-k bezala, pentsatzen behintzat bai, laguntzen du Merlí: Sapere aude-k. Izenburu egokia izango zukeen Merlí: Cogitare aude ere.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©GEJA KUIKEN

«Bildtsez idatzitako lehen nobela ez dadila azkena izan»

Olatz Silva Rodrigo

Bildts dialektoan idatzitako lehenengo eleberria argitaratu du Gerard de Jongek. Nortasunari eta kidego batekoa izateko sentimenduari buruzko liburua da. Tradizio baten lehenengo urratsa egin duela adierazi du.
Haur bat eta haren mentorea, iazko agur festan. ©SOS ARRAZAKERIA

Urretxindorra, bidean lagun

Amaia Jimenez Larrea

Gipuzkoako SOS Arrazakeria elkarteak duela bederatzi urte abiarazi zuen Urretxindorra, gazte migratzaileak eta goi mailako ikasketak egiten ari diren ikasleak elkartzen dituen programa. Zortzi bat bikoterekin hasi ziren proiektu pilotuan, eta ia berrogei dira aurten.

Jorge Ribera Eguzki irratiko esataria, artxiboko irudi batean. ©JAIZKI FONTANEDA / FOKU

Eguzkik dio lege berriak ez diela lizentziarik bermatzen irrati libreei

Urtzi Urkizu

Hala ere, Iruñeko Eguzki irratiak lizentzia eskaera egingo du. Uste du lege berriaz ezin dela fidatu

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...