Albistea entzun

ERREZETA

Otarrainxkak leka freskoekin

JUAN CARLOS RUIZ / FOKU Tamaina handiagoan ikusi

Iker Markinez - Kuko Jatetxea, Ormaiztegi

2019ko irailak 14

osagaiak

4 LAGUNENTZAT

12 bat ale otarrainxka.

4 baratxuri ale.

Baserriko lekak: kilo erdia.

Oliba olioa.

Gatza.

Basokada bat esne gain.

1

Lapiko bat urez bete, eta gatz pittin batekin irakiten ipini.

2

Bitartean, lekak juliana moduan moztu. Ur irakinetan sartu, eta 10-15 minutuz egosi. Jarraian, ur hotzetik pasatu, egosketa prozesua mozteko.

3

Otarrainxkak zuritu. Buruak eta azalak saldarako erabiliko ditugu. Horretarako, lapiko batean ipini, eta urez estali. Irakiten eduki hamar bat minutuz, eta, ondoren, salda beste ontzi batera pasatu.

4

Lapiko txiki batean, basokada bat esne gain jarri irakiten, gatz pittin batekin. Aurrez prestaturiko otarrainxka saldaren kazokada bat gehitu, eta irakiten jarri; mantendu irakiten krema antzeko saltsa lodia lortu arte.

5

Baratxuriak aletu, eta puxka txikietan moztu. Zartagin handi batean, oliba olio txorrotada bat bota, eta bertan baratxuriak berotzen jarri. Baratxuriak dantzan hastean, otarrainxkak gehitu, gatz pittin bat ere bai, eta, minutu bat pasatu ondoren, lekak ere gehitu zartagin horretara. Guztia ongi berotu, eta nahasi pare bat minutuz.

6

Platereratzeko garaian, lekak plater erdian jarri, eta otarrainxkak gainean, sakabanaturik. Azkenik, gainetik bustiko ditugu otarrainxka zaporeko kremarekin.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

«Gezurra esango nuke izozkigile bokazioa nuela esango banu»

«Gezurra esango nuke izozkigile bokazioa nuela esango banu»

Aitziber Arzallus - Gipuzkoako Hitza

Afizioz surflaria, ofizioz ostalaria eta garraiolaria izandakoa, eta orain, izozkigilea da Alberdi. Ez daramatza urte asko sektore horretan, baina bere lekutxoa egiten asmatu du. Hainbat lehiaketa irabazi ditu jada, eta Espainiako final bat jokatuko du aurki.

Donostiako kaian dago ibilaldiko bigarren geldialdia, arrain saltzaileen inprobisazioak gogoratzeko. ©GORKA RUBIO / FOKU

Bidaia bat bertsolaritzara

Ane Insausti

'Bertsolaritza Donostian barrena' izeneko ibilbidea sortu du Bagera elkarteak. Parte Zaharrean zortzi geldialdi egitea proposatzen dute, bertsolaritzari buruzko istorioak entzuteko.

Joseba Aurkenerena eta Xerar Urrutia idazleek sortu dute Urruñako aldizkari berria. ©URTZI URKIZU

Kultur aldizkari bat Urruñan

Urtzi Urkizu

Artikuluen %90 baino gehiago euskaraz dira, eta urtean bi zenbaki argitaratuko dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna