Albistea entzun

ERREZETA

Udaberriko kutixiak arrautza galdarraztatuarekin

GORKA RUBIO / FOKU Tamaina handiagoan ikusi

Iker Markinez - Kuko Jatetxea, Ormaiztegi

2021eko maiatzak 22

OSAGAIAK 4 LAGUNENTZAT

400 g udaberriko ilar aletu.
200 g baba fresko aletu.
2 tipulin.
3 baratxuri ale.
Urdaiazpiko xafla 1.
Baserriko 4 arrautza.
Oliba olioa.
Gatza
Koilarakada bat irin.
Ozpina.

1. Lehenik, tipulina pusketa oso txikietan moztu, baita baratxuriak ere, eta lapiko zabal batean ipini, oliba-olio txorrota batekin; gatz pixka bat gehitu. Su ertainean erregosi, hamabost bat minutuz. Eta gorde.

2. Bitartean, udaberriko ilarrak (jada aletuak) egosiko ditugu. Horretarako, lapiko bat urez bete, eta, irakiten hastean, gatz pittin bat gehitu; bertan egosi bost bat minutuz, tamainaren arabera.

3. Jarraian, ur hotzetatik pasatu, egosketa moztu dadin. Ongi iragazi, eta gorde. Babarekin ere pauso berberak emango ditugu. Horiek ere gorde. Adi! Egosketa saldaren basokada bat gordeko dugu.

4. Tipulina eta baratxuria ditugun lapikoan, urdaiazpikoa xehe-xehe egina gehitu. Oliba olioaren beste txorrota bat gehitu, eta hiru bat minutuz berotzen ipini. Koilarakada bat irin gehitu, nahastu, eta aurreko barazki egosketaren saldaren basokada osoa gehitu. Berotu irakin arte, eta, irakiten hastean, ilarrak eta babak gehitu. Guztia ongi nahastu, eta irakiten utzi, poliki-poliki.

5. Bitartean, lapiko txiki batean ura jarri; gatza eta ozpin tanta batzuk ere bai. Berotzen jarri, eta, irakiten hastear dagoenean, arrautza zabaldu bertan, eta minutu batez eduki hozten, kontu handiz, plater batera atera. Gauza berbera egin gainerako arrautzekin.

6. Ondoren, zerbitzatzeko, plater bakoitzean ilar eta baba saldatsua ongi zabaldu, eta gainean arrautza bana jarri. Labana baten laguntzaz, gorringoa pixka bat bat zulatu, eta, jarraian, mahairatu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAIZKI FONTANEDA / FOKU

«Guztiok gatoz leku beretik: guztiok gara afrikarrak»

Unai Etxenausia

'Geu, afrikarrok' aurkeztu du Arrosagaraik, zenbait gazteren istorioak biltzen dituen erakusketa bat, Gasteizko Montehermoso kulturunean. Otsailaren 26ra arte egongo da ikusgai.
Madrilgo komentu batean

'Marten' hegaldia

Enekoitz Telleria Sarriegi

Francoren erregimenak, Eliza katolikoarekin batera eta Australiako Gobernuarekin tratua eginda, ehunka euskal emakumezko bidali zituen Australiara, 1960ko hamarkadan. Han lana eginaraztea eta aurretik hara bidalitako gizonezkoekin ezkonaraztea zen bidaia haien benetako helburua. 'Marta plana' deitu zioten, eta 'El avión de las novias' dokumentalean jaso dute.

«Misiolari gisa bidali nahi gaituzte»

«Misiolari gisa bidali nahi gaituzte»

Enekoitz Telleria Sarriegi

Natalia Ortiz ikerlariak, besteak beste, Josefina Erezuma bizkaitarraren istorioa jaso du bere ikerketan, Jaime Aberasturi senargaiarekin izan zuen eskutitz trukearen bidez.

 ©OIER ARANZABAL

«Audio plataforma bat sortuko dugu datozen hilabeteetan»

Urtzi Urkizu

Ikus-entzunezkoetarako Primeran iritsiko den moduan, irrati eta audioetarako beste plataforma bat sortuko dute, Goñik iragarri duenez. «Kolaborazioak sustatuko ditugu euskalgintzarekin».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...