Albistea entzun

'Brexit'-a. Eztabaida Erresuma Batuan

Mayk akordioarentzako «berme gehigarriak» eskatuko dizkio EBri

Lehen ministroak gibelatu egin du Komunen Ganberak itunari buruz gaur egitekoa zuen bozketa. Irlandako mugari buruzko xehetasunak berriz negoziatu nahi ditu Mayk datozen egunetan
<em>Brexit</em>-aren aldeko manifestari bat <em>Joateak joatea esan nahi du</em> idatzia duen afixari eusten, atzo, Erresuma Batuko Parlamentuaren parean.
Brexit-aren aldeko manifestari bat Joateak joatea esan nahi du idatzia duen afixari eusten, atzo, Erresuma Batuko Parlamentuaren parean. WILL OLIVER / EFE Tamaina handiagoan ikusi

Mikel Rodriguez -

2018ko abenduak 11

Espero bezala, Theresa Mayk oposizio osoa sutu zuen atzo. Erresuma Batuko lehen ministroak bazkalondoan berretsi zuen hedabideek ordu batzuk lehenago argitaratutakoa: Komunen Ganberak gaur ez duela bozketarik eginen EB Europako Batasunak eta Mayren gobernuak brexit-erako egin duten akordioari buruz. «Patetikoa», «koldarra», «joan zaitez», «dimisioa eman»... halako erreakzioak sortu zituen lehen ministroaren erabakiak. Mayk parlamentuan bertan aitortu zuen bozketa gibelatu zuela ordezkari gehienek «alde handiz» baztertuko luketelako akordioa, baina ez zen izan jarrera defentsibo soil bat bakarrik, eta erran zuen gainerako alternatibek ere ez dutela «gehiengoa» Westminsterren. Bozketa gibelatuta, bide orri are ziurgabeagoa ezarri du Mayk. Emanen duen lehenbiziko pausoa: EBri «premiazko elkarrizketak» eskatzea, Irlandako mugari buruz hitzartutakoarekin «berme gehigarriak» lortzeko, hori baita Westminsterren gehiengoa lortzeko duen traba nagusia.

EBko 28 estatuetako agintari gorenak elkartzen dituen Europar Kontseiluak etzi eta etzidamu eginen du ohiko goi bilera, Bruselan. Donald Tusk kontseiluko presidenteak atzo arratsaldean adierazi zuen etzi mintzatuko direla auziari buruz, eta prest daudela eztabaidatzeko «nola erraztu Erresuma Batuaren [akordioaren] berrespena». Baina marra gorria argi ezarri zuen: «Ez dugu akordioa berriz negoziatuko».

Joan den astean, bai lehen ministroak bai haren gobernuko kideek behin baino gehiagotan adierazi zuten gaur egitekoa zuten bozketa ez zutela gibelatuko, baita Bruselarekin joan den hilabetean lortu zuten akordioa behin betikoa zela ere. Oposizioko lider nagusiak, Jeremy Corbyn Alderdi Laboristako buruak, Mayri galdetu zion zerk justifikatzen duen halako iritzi aldaketa, kontuan hartuta EBko ordezkariek jada adierazia zutela ez zutela ituna berriz negoziatuko.

Mayk erran zuen joan den asteburuan «EBko hainbat liderrekin» mintzatu dela auzi horri buruz, eta haiekin eztabaidatuko dituela Erresuma Batuko Parlamentuak adierazi dituen «kezka argiak».

Datarik ez bozketarako

Irlandako mugarekin backstop erran dioten protokolo berezia hitzartua dute EBk eta Erresuma Batuak. Horren arabera, brexit-aren ondoko trantsizio epea —2021era arte— etorkizuneko harremanerako akordiorik gabe bukatuko balute ere, Irlandan ez litzateke muga gogorrik ezarriko. Mayren kudeaketarekin gustura ez dauden alderdikide kontserbadoreentzat Ipar Irlanda Erresuma Batutik bereiziko luke horrek, eta zer erranik ez Mayren gobernuaren bazkide den Irlandako DUP Alderdi Demokratiko Unionistarentzat. Arlene Foster DUPeko burua inoiz baino argiago mintzatu zen atzo, Twitter bidez: «Backstop-a kendu egin behar da».

Nahitaezkoa da Erresuma Batuko Parlamentuak akordioaren inguruan bozkatzea, baina Mayk atzo ez zuen bertze datarik zehaztu nahi izan. Heldu den urtarrilaren 21a da horretarako gehienezko epea. Martxoaren 29an, berriz, Erresuma Batuak EB utziko du.

«Aldaketa txikiak egiteak agian erraztu lezake ituna onartzea»

Erresuma Batuak 'brexit'-a bere kabuz ezeztatu ahalko du

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Harmaila erori den unea, bideo batetik ateratako irudian. ©BERRIA

Gutxienez lau pertsona hil dira zezen plaza bateko harmailak erorita

Edu Lartzanguren

Haur bat dago hildakoen artean. Beste 300 pertsona zauritu dira. Halako ikuskizunak debekatzeko eskatu du Petro hautaturiko presidenteak

"2022an oheratu nintzen eta 1950an esnatu naiz"

Tristura eta haserrea kalean

Urtzi Urrutikoetxea

Milaka lagun irten dira AEBetako hirietan abortu eskubidearen aldeko protestetan. Elkar babestearen eta kalean mobilizatzearen garrantzia nabarmendu dute.

Donostiako elkarretaratzea, gaur, Alderdi Ederren. ©Mikel Arreseigor

SOS Arrazakeriak elkarretaratzeak egin ditu Melillan gertatutakoa salatzeko

Gorka Berasategi Otamendi - Jon Ordoñez Garmendia

Espainia eta Maroko arteko muga zeharkatzen ahalegindu ziren 2.000 lagun herenegun, eta gutxienez 37 hil dira.

Migratzaile talde bat pilatuta, atzo, Marokoko Nador hirian. ©AMDH

SOS Arrazakeriak elkarretaratzeak egin ditu Melillan gertatutakoa salatzeko

Gorka Berasategi Otamendi - Jon Ordoñez Garmendia

Espainia eta Maroko arteko muga zeharkatzen ahalegindu ziren 2.000 lagun, herenegun, eta gutxienez 37 hil dira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...