Albistea entzun

21. Korrika

Bihar hasiko da Korrika, Garesen

Euskararen aldeko lasterketak 17:00etan emango ditu lehen pausoak, Gasteiz jomuga duela. 2.560 kilometro egin ostean iritsiko da Arabako hiriburura, apirilaren 14an. Euskararen alde «klika egitea» du helburu Korrikak
20. Korrika Garestik pasatu zen unea.
20. Korrika Garestik pasatu zen unea. IÑIGO URIZ / FOKU Tamaina handiagoan ikusi

Berria -

2019ko apirilak 3

Bihar, 17:00etan, Asier Amondok begi guztiak adi-adi begira izango ditu, Korrikako koordinatzailea arduratuko baita 21. Korrikako mezu ezkutua lekukoan sartzeaz, urtero legez. Ondoren, lekukoa eskuz aldatuko da, eta, kilometroz kilometro, berdin ibiliko da: eskuz esku, gau eta egun, ezertarako gelditu gabe. 2.560 kilometroko bidea egingo du aurten lekukoak; herriz herri, auzoz auzo eta mendiz mendi, Gasteizera iritsi arte.

Bidean milaka eta milaka euskaldun eta euskaltzale izango ditu itxaroten Korrikak, pasatu ahala haren atzetik metro batzuk edo kilometro batzuk egiteko zain, bakoitzaren gaitasunaren arabera. Garestik hegoaldera joko du, eta Erriberan igaroko du ostiraleko zatirik handiena; larunbatean, Iruñera iritsiko da, 14:20an, eta hainbat sartu-irten egingo ditu hiriburuan. Hamabi ordu geroago, Donibane Garazira helduko da, eta, igandean, Mauletik igaroko da, 07:00etan. Igandean bertan, Baionara helduko da, 17:50 inguruan. Korrikak ez du beste hiribururik zapalduko hurrengo ostegun arte; egun horretan, Bilbora helduko da, 11:50 inguruan, eta 16:15 aldean utziko du Bizkaiko hiriburua. Donostiara, berriz, apirilaren 12an iritsiko da, 16:30 inguruan.

Gasteiz izango da azken hiriburua eta 21. Korrikaren jomuga. Arabako hiriburura 08:20 aldean helduko da, eta bueltaka ibiliko da 12:30era arte. Orduan geldituko da lekukoaren eskuz eskuko bidaia. Lekukoan sartutako mezu sekretua milaka lagunen aurrean irakurri ostean amaituko da 21. Korrika, eta beste bi urte itxaron beharko da 22.a Arabako zer herritatik aterako den jakiteko.

Aldaketaren 'klika'

Klika da aurtengo euskararen aldeko lasterketaren leloa; aukera bat egitea esan nahi du, eta, horren bidez, antolatzaileek jarrerak aldatzeko deia egin nahi dute: klika eginez jokamoldeak aldatzea, ohiturak aldatzea, euskara aukeratzea... «Hautua da euskara ikastea, euskara erabiltzea, inplikatzea, jauzia egitea. Klika egitea da euskaraz ahalduntzea, euskaltegietan matrikulatzea. Klika da herritar guztien hizkuntza eskubideak bermatzeko neurriak hartzea». Azken finean, aktibatzeko deia da Klika, eta pertsona bakoitzari dagokio klika hori egitea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Iñigo Urkullu lehendakaria, atzo, Eusko Legebiltzarrera sartzen. ©RAUL BOGAJO / FOKU

Jaurlaritzak 200 euro emango ditu hilero haur bakoitzeko, umeek 3 urte bete arte

Jone Arruabarrena

Demografiari buruzko bilkura monografikoa egin dute Eusko Legebiltzarrean. Arlo pribatuan ere amatasun eta aitatasun baimenak hemezortzi astekoak izatea eskatu dute

Uemak arnasguneetako barne garapena sustatzeko neurriak eskatu ditu

Olatz Enzunza Mallona

Hizkuntza politikaren ikuspegitik estrategia demografikoa «giltzarria» dela dio Uemak, eta euskara horietan txertatzeko ekarpenak egin ditu
 ©IÑIGO URIZ / FOKU

«Erru gutxiago behar dugu, eta oxigeno gehiago»

Julen Aperribai

Euskararen patuaz kezka duen orok, hots, mundu justuago baten ikuskera duten guztiek etziko mobilizazioa bere egitea nahi dute Agirrek eta Garaikoetxeak.
 ©IDOIA ZABALETA / @FOKU

Feministak sanferminetako sexu erasoen aurkako mahaitik altxatu dira

Ion Orzaiz

Indarkeria Sexistaren Aurkako Emakumeen Plataformak salatu du Maia alkateak «edukiz hustu» duela sexu indarkeriaren aurkako kanpaina

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...