Noiz sortua: 2019-11-05 00:30:00

Espainiako Gorteetarako hauteskundeak. Eztabaida

Zigor Kodea aldatzea proposatu du Sanchezek, galdeketak debekatzeko

Bozen kanpainan egindako eztabaida bakarrean, hautagaiek arreta jarri dute U-1aren sententziaren ostean Katalunian sortu den testuinguruan. Riverak 155.a bigarrenez aplikatzeko eskatu du
Bost hautagaiek atzo izan zuten hauteskunde kanpainako eztabaida bakarra. Irudian, hitzordua hasi aurreko unea.
Bost hautagaiek atzo izan zuten hauteskunde kanpainako eztabaida bakarra. Irudian, hitzordua hasi aurreko unea. JUAN CARLOS HIDALGO / EFE Tamaina handiagoan ikusi

Ander Perez Zala -

2019ko azaroak 5

Pedro Sanchez Espainiako jarduneko presidenteak aurreikusia zuen gainontzekoen estrategia telebistako eztabaidarako. Hitzordua gai polemikoenarekin hasi zen, Kataluniarekin, eta denak haren kontra aritu ziren hasiera-hasieratik. Horregatik, aurrea hartzea erabakia zuen: Kataluniako gatazka konpontzeko proposamenak egiten lehen hautagaia izan zen, baina horien artean gatazkaren sakontzea eragin dezakeen neurri bat jakinarazi zuen. Zigor Kodearen erreforma egitea, erreferendumak legez kanpokoak izan daitezen, hori izan zen ia ezerezean pasatu zen neurria. Eskuinari begirako keinu batekin hasi zen Sanchez, baina gutxi iraun zion.

Haren PSOE izan zen, hain justu, Jose Luis Rodriguez Zapateroren garaian galdeketak despenalizatu zituen alderdia; horregatik, PPko Pablo Casado eta Ciudadanoseko (C's) Albert Rivera erasokor agertu ziren Espainiako jarduneko presidentearekin, proposamena mahaigaineratzeagatik. Ordea, gutxi iraun zuten neurriarekiko kritikek, eta berehala eraman zuten eztabaida igandeko hitzordura: boto emaileei begira, biek ohartarazi zioten Sanchezi herritarrek botoa emateko aukera eta «askatasuna» izan behar luketela, bortizkeriarik gabe.

Finean, denak Sanchezen kontra aritzea eraginkorra den arren, errazagoa da botoak bloke beretik erakartzea, bestetik erakartzea baino. Horretan aritu ziren Rivera eta Casado, nahiz eta PPkoak «etsaiez ez nahasteko» ohartarazi zion: «Denok gaude ezkerra eta nazionalistak egiten ari direnaren aurka».

Horren ondorioz, PSOEren hautagaiaren proposamenak berehala galdu ziren, desagertu egin ziren platoan, inoiz esan ez balitu bezala. Ez ziren neurri soilak: Sanchezek TV3 kateari begirako neurri bat ere aipatu zuen, Kataluniako Parlamentuaren bi herenak behar izateko administrazio kontseilua aukeratzeko. «Alderdikoikeriarekin» amaitzeko erabakitzat aurkeztu zuen: «Kataluniako egoera bideratzeko, batasuna, proportzionaltasuna eta irmotasun demokratikoa dira beharrezkoak». Riverak, ordea, erasokor jarraitu zuen, eta 155. artikulua berriz aplikatzeko eskatu zion Sanchezi: «Moderatuena Konstituzioa aplikatzea da. Egiazko 155.a adostu behar da».

Inkesten paisaia politikoa

Hautagaientzat, atzoko eztabaida kanpainako hitzordu erabakigarriena izan zen boto emaileak erakartze aldera. Inkestek baldintzatuta aritu ziren platoan —atzotik horiek kaleratzeko debekua indarrean sartu zen—.

Bozketa egunerako bost egun falta direla, honako paisaia politikoa irudikatu dute inkestek: PSOEk irabaziko lituzke hauteskundeak, 116 diputatu jasota batezbeste (iragan apirilean baino zazpi gutxiago); PP izango luke atzetik, 94rekin (+28), eta Vox ultraeskuindarra izango litzateke hirugarrena, 42 ordezkarirekin (+18). UPk zazpi diputatu galduko lituzke, 37rekin geratzeko, eta C's-ek izango luke beherakada handiena, 57 diputatutik 19ra jaitsita. Iñigo Errejonen Mas Paisek, aldiz, sei ordezkari izango lituzke.

Katalunian, Esquerra Republicanak (ERC) apirileko hamabost diputatuei eutsiko lieke, eta Junts Per Catalunyak (JxC) sei ordezkari eskuratuko lituzke, duela zazpi hilabete baino bat gutxiago. CUPi dagokionez, estreinakoz sartuko litzateke Espainiako Kongresuan, hiru diputaturekin.

Hego Euskal Herrian, EAJk eta EH Bilduk ordezkari kopuru berari eutsiko liokete: jeltzaleek sei ordezkari izango lituzkete, eta koalizioak, lau.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Koronabirusaren azken datuak

Koronabirusaren azken datuak

Berria

Euskal Herrian 13.406 gaixok eman dute positibo koronabirusaren proba eginda. 905 hil dira. COVID-19 gaitza izandako 4.972 pertsonari eman diete alta. Grafikoak, albiste barruan.

Elkarrizketa digitala: Felix Zubia

«Ez du abisatzen: ez dakigu arin hasi denak gaizki bukatuko duen»

Arantxa Iraola

COVID-19 gaitzaren izurriari aurre egiteko aparteko zeregina dute, oro har, osasun arloko profesionalek, eta bereziki zainketa intentsiboetakoek, pazienterik larrienak artatzen baitituzte. Felix Zubia medikua zurrunbilo horretan ari da; ZIUko medikua da.

Frantziako Polziaren kontrola Biriatuko mugan, artxiboko irudia ©Guillaume Fauveau

Kontrolak azkartuko dituzte Ipar Euskal Herrian

Oihana Teyseyre Koskarat

Hego Euskal Herritik Ipar Euskal Herrira sartzeko baldintzak indartu ditu Frantziako Estatuak. 500 jendarme eta polizia arituko dira lanean pazko asteburuan.

 ©ADRIAN RUIZ DE HIERRO / EFE

«Politika publikoek funtzio berezia dute ongizate komunerako»

Enekoitz Esnaola

Koronabirusari premiaz aurre egiteaz gain, Iriartek ezinbestekotzat jo du sistema publikoa berriz aztertzea eta «inor atzean ez geratzeko» plangintza bat osatzea. Bere taldeak lankidetzarako jarrera daukala esan du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna