Noiz sortua: 2019-09-28 00:30:00

Bosgarren heriotza Zaballan

Joan den asteburuan hilotz agertu zen 50 bat urteko preso bat; zer gertatu zitzaion ikertzen ari da kartzela, baina droga gaindosi batekin hil zela hedatu da. Salhaketak protesta egingo du asteartean
Zaballako heriotzak gaitzesteko elkarretaratzea, artxiboko irudi batean.
Zaballako heriotzak gaitzesteko elkarretaratzea, artxiboko irudi batean. JAIZKI FONTANEDA / FOKU Tamaina handiagoan ikusi

Arantxa Iraola -

2019ko irailak 28

Zaballako (Araba) espetxeko hildakoen zerrendan beste maila bat egin behar izan da gora: bost preso hil dira urtea hasi zenetik. Espetxeko Langraizko eraikinean izan da azken kasua: joan den larunbatean gizon bat aurkitu zuten hilotz. 50 urte inguruko preso bat zen, eta hirugarren graduan zegoen. Espetxeko zuzendaritzak jakinarazi du barne ikerketa bat abian dela hari jazotakoa argitze aldera. Zabaldu diren lehen informazioen arabera, droga gaindosi baten ondorioz hil zen. Atzo heriotzaren berri lehenik eman zuen espetxeetan diharduen funtzionario talde batek, sare sozial baten bitartez. Aurki heldu zen kartzelan laguntzen aritzen diren elkarteen baieztapena: astelehenetik albistearen berri bazuten. Kezkaz hartu dute. Kalera irteteko deia ere egin dute. Salhaketak, esaterako, elkarretaratze bat egingo du astearte eguerdian Gasteizen, Espainiako Gobernu Ordezkaritzaren parean.

Soka luzeegi bateko korapiloa da heriotza hau, eta horrek sortu du, bereziki, kezka. Urtarrilaren 17an gertatu zen kartzelan lehen heriotza, otsailean bigarrena, apirilaren 1ean hirugarrena eta apirilaren 25ean laugarrena. Hildakoen artean, gizon gazteak dira gehienak. Urtarrilean hil zenak 28 urte zituen, eta Bizkaian bizi zen. Funtzionarioek familiari jakinarazi ziotenez, droga gaindosi baten ondorioz zendu zen. Salhaketak gogor kritikatu zuen hori, eta nabarmendu zuen espetxeko arduradunek aukera izan zutela heriotza hori eragozteko. Hain zuzen ere, hil zen gaztearen ziegan beste preso bat zegoen, eta kartzelan susmoa zegoen kideak droga jaso zuela. Gau horretan bi presoek gaindosia izan zuten, eta 28 urteko gaztea zendu zen.

Otsailean hil zen presoari buruzko informaziorik ez dago. Are, nahasketa baten ondorioz eman zuten Espainiako Espetxe Erakundeek heriotza horren berri: elkarte batek apirilaren 1eko heriotzari buruz galdetu zuen, eta otsaileko ezbeharraren datuak eman zizkioten. Salhaketak urte hasieratik kritikatu du espetxe barruko heriotzak isilarazteko «politika sistematiko bat» abiarazi izana. Elkarteak azaldu du orain zenbait urte Espetxe Erakundeen Zuzendaritzak ematen zuela kartzelako heriotzen berri, hildako presoaren «oinarrizko datuekin», baina orain urte batzuk utzi ziola horri. Adierazi du espetxean gertatzen diren hamar heriotzatik bakar baten berri soilik ematen duela administrazioak. Otsaileko kasuan, presoak bere buruaz beste egin zuela esan zuten espetxeko iturriek. Argudio bera baliatu zuten apirilaren 1ean zendu zen gaztearekin: Jonathan Costillas Rituerto, 24 urtekoa, Gasteizkoa. Senideek administrazioaren partetik jasotako tratua salatu zuten. Hori zela eta, auzitara jo zuten, erantzukizunak argitzeko. Azaroaren 25ean hilotz agertu zen gizona ere gaztea zen: 28 urte zituen. Goizeko zenbaketan aurkitu zuten hilik. Hala Bedi irratiak jakinarazi zuen, eta gero baieztatu zuen administrazioak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 5ean eguneratua. ©BERRIA

Koronabirusaren azken datuak

Berria

Azkeneko 24 orduetan zazpi lagun hil dira COVID-19 gaitzaren eraginez. Hamalau positibo atzeman dituzte PCR probekin, eta gaixo bat ospitaleratu dute. Euskal Herrian 29.723 gaixok eman dute positibo guztira, koronabirusa atzemateko probaren bat eginda. Horietatik 2.089 hil dira. Grafikoak, albiste barruan.

Haur bat, konfinamenduan, etxean jolasten. / ©Iñigo Uriz, Foku

Astelehenetik ireki ahal izango dituzte haur eskolak Araban, Bizkaian eta Gipuzkoan

Irati Urdalleta Lete

Hiru herrialde horietako herritarrek hiruretan mugitzeko aukera izango dute. Ostalaritzan ez da gehienezko edukierarik egongo, eta barran zerbitzatzeko aukera ere izango dute. Diskotekek eta gaueko tabernek itxita jarraitu beharko dute. Hogei pertsona arte elkartu ahal izango da, bai etxean eta bai kalean.

Atzo Villabonan egin zuten bertso saiora sartzeko segurtasun neurriak. / ©Gorka Rubio, Foku

Alarma egoera amaitu ondoren ere maskarak erabiltzea beharrezkoa izango da Hego Euskal Herrian

Jon Ordoñez Garmendia

Ehun euro arteko isunak aurreikusten ditu Espainiako Gobernuak prestatu duen dekretuak, maskara erabiltzen ez dutenentzat. Urgentziazko kasuetan Osasun Ministerioak eskuduntzak bereganatzeko aukera izango du berriro.

Herritar batzuk Debako (Gipuzkoa) parke batean, elkarren arteko distanziak zainduz. ©GORKA RUBIO / FOKU

Araba, Bizkai eta Gipuzkoa artean ibili ahalko da astelehenetik aurrera

Jakes Goikoetxea

Espainiako Gobernuak jakinarazi du Hego Euskal Herria hirugarren fasera pasatzea onartu duela. Jaurlaritzak eta Nafarroako Gobernuak izurritearen kudeaketaren kontrol osoa berreskuratuko dute

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna