Noiz sortua: 2019-07-25 00:30:00

Airez ere fumigatuko da

Neiker hasia da gaitzak jotako intsinis pinuetan tratamendu esperimentala lurretik probatzen. Datozen egunetan, airetik ere arituko dira: helikopteroz eta dronez
Drone bat pinudi baten gainetik hegan.
Drone bat pinudi baten gainetik hegan. NIKER Tamaina handiagoan ikusi

Ibai Maruri Bilbao -

2019ko uztailak 25
Neiker hasi da intsinis pinuaren gaitzari aurre egiteko tratamendu esperimentala probatzen. Azken egunetan, Murga inguruan (Araban) lurretik fumigatu dituzte, eta, datozen egunetan, airetik fumigatzen hasiko dira. Laborategi eta berotegietan ere egingo dituzte in vitro probak: 70 gai aktibo eta produktu probatuko dituzte, eraginkortasuna aztertu eta gero pinuetan erabiltzeko. Aireko eta lurreko fumigazioetan, besteak beste, kitosano klorhidratoa, soja lezitina ez-transgenikoa, eztainu belarra eta garagar legamia erabiliko dituzte, produktu horien eraginkortasuna zein den probatzeko; fumigatzeko bi moduen eraginkortasuna ere neurtuko dute.

Iaz, gaitzak jotako pinudiak airez fumigatzeko baimena eskatu zioten Espainiako Gobernuari Eusko Jaurlaritzak eta diputazioek, baina ukatu egin zien. Talde ekologistek gogor salatu zuten euskal erakundeen asmoa. Ekologisten arabera, oxido kuprosoarekin airetik fumigatzea baso eta ibaietan «erabateko sarraskia» egitea da. Baldintza jakin batzuk betetzen dituzten pinudietan tratamendu esperimentala probatzeko baimena eman zuen Espainiako Ingurumen Ministerioak. Orain arte, ez Neikerrek, ez euskal erakundeek ez dute argitu tratamendu hori airez ere probatuko den. Atzo baieztatu zuen Neikerrek berak, ohar baten bitartez.

Airetik, hektarea gehiago

Guztira, 150 hektarea fumigatuko dituzte airez: 90, Amoroton (Bizkaia), helikopteroz; eta 60, Luiaondon, Aramaion (Araba) eta Idiazabalen (Gipuzkoa), drone batekin. Aire bidezko fumigazioa noiz hasi eguraldiak baldintzatuko du: euririk ezin du egin, eta, dronea gidatzeko, haizeak ere lagundu behar du. Lurretik, lainoztapen motxilak erabilita hasi dira lanean. 24 hektarea tratatuko dituzte lurretik: zortzina Murgan (Araba), Artzentalesen (Bizkaia) eta Beasainen (Gipuzkoa).

Neikerren arabera, «tratamendua segurtasunik handieneko eta ingurumenarekiko errespetuzko irizpideei jarraituz diseinatu da, eta monitorizazio eta ebaluazio kontrolen anbizio handiko plan batekin osatuko da». Saioak urtero egingo dituzte, eta kanpaina bakoitzean tratamendu bat baino gehiago egingo dute. Datozen urteetan, hainbat substantzia probatuko dira. Neikerrekin batera, EHU Euskal Herriko Unibertsitatea, Hazi fundazioa, Uraren Euskal Agentzia, Espainiako Gobernua, Eusko Jaurlaritza eta Zeelanda Berriko baso ikerketarako Scion Research zentroa ibili dira tratamendua osatzen.

Albiste gehiago

Martxoaren 29an eguneratua, 14:00etan. ©BERRIA

Koronabirusaren azken datuak

Berria

Euskal Herrian 7.773 gaixok eman dute positibo koronabirusaren proba eginda, administrazioen arabera. 350 hil dira. COVID-19 gaitza izandako 1.528 pertsonari eman diete alta. Grafikoak, albiste barruan.

Jolas parkeak duela bi aste itxi zituzten. Irudian, horietako bat Donostian. / ©Gorka Rubio, Foku

Madrilek entzungor egin dio Urkulluren eskaerari

Berria

Eusko Jaurlaritzako lehendakariak gutun bat bidali zion atzo Pedro Sanchez Espainiako presidenteari, eta eskatu zion autonomia erkidego bakoitzak erabaki ahal izatea zeintzuk diren jarduera kritikorako lagungarriak eta beharrezkoak diren jarduerak eta enpresak. Maria Jesus Montero eledunak erantzun dio Madrilek ezin dituela "desberdintasunik egin" erkidego autonomoen arabera.

Mapa: koronabirusaren zabalpena herriz herri

Mapa interaktiboak: koronabirusaren zabalpena herriz herri

Berria

Koronabirusak Hego Euskal Herrian zer nolako zabalpena duen ikus liteke administrazioek emandako datuekin BERRIAk sortu duen mapa honetan. COVID-19aren bilakaera grafikoetan.

Arnaldo Oregi, artxiboko irudi batean. ©Jon Urbe / Foku

Madrilen neurriak "berandu" heldu direla esan du Arnaldo Otegik

Edu Lartzanguren

Alderdi, sindikatu eta enpresaburuen mahai bat eskatu du, krisitik ateratzeko estrategia bat eratzeko, eta langileek ez ditzaten kalteak ordaindu

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna