Noiz sortua: 2019-12-04 00:30:00

Hizkuntza politikak garatzeko tresnak bozetako hautagaientzat

Kontseiluak eta Euskal Konfederazioak bultzada bat eman nahi diete herrietako hauteskundeetan aurkeztuko diren zerrendei euskararen aldeko neurri zehatzak har ditzaten
Euskal Konfederazioko eta Kontseiluko ordezkariak, atzo, Baionan.
Euskal Konfederazioko eta Kontseiluko ordezkariak, atzo, Baionan. GUILLAUME FAUVEAU Tamaina handiagoan ikusi

Ekhi Erremundegi Beloki -

2019ko abenduak 4

Euskararen Gizarte Erakundeen Kontseiluak eta Euskal Konfederazioak dokumentu bat aurkeztuko dute laster Hizkuntza Eskubideak Bermatzeko Protokoloa Lapurdi, Nafarroa Behere eta Zuberoako herriko etxeetan garatzeko. Euskararen nazioarteko eguna kari egin duten prentsaurrekoan eman dute egitasmoaren berri; herri hauteskundeetara aurkeztuko diren hautagaiei helaraziko diete, eta «harreman dinamika bat» aitzina eramanen dute dokumentua partekatzeko.

1996an hasi zen Euskal Konfederazioa herriko etxeen lan ildoa garatzen. Ordutik, 50 bat herriko etxe «ofizialki» engaiatu dira euskararen aldeko neurriak hartzera, izan konfederazioarekin hitzarmenak izenpetuz, edo, 2006tik goiti, EEP Euskararen Erakunde Publikoarekin hobekuntza kontratuak eginez.

Egun, Euskal Elkargoak du herrietan garatzen diren hizkuntza politikak harmonizatzeko betebeharra, eta horretarako laguntza ekartzen duela nabarmendu du Sebastien Castet konfederazioko kideak. Kontseiluarekin batera landu duten dokumentua horren osagarri izateko borondatearekin prestatu dutela esplikatu du. «Lagungarri izan nahi du euskararen aldeko politika abiatua duen herriko etxea urrunago joan dadin edo arlo honetan deus berezirik pentsatua ez duen herriko etxea euskararen aldeko dinamika garatzen has dadin».

Akuilu lana

Mikel Esclamadon AEK-ko Ipar Euskal Herriko koordinatzaileak adierazi du datu soziolinguistikoek «alerta» sortu dietela. Geroari begira, irakaskuntzaren eremutik atera, eta lan esparru berri batzuk irekitzeko borondatea dutela azaldu du: lan mundua eta administrazioa. «Instituzioekin eta instituzioetan lan egin beharko dugu hemendik aitzina, eta, horretarako, haizea alde dugu». Oroitarazi du Euskal Elkargoak hizkuntzaren konpetentzia hartu duela, eta horren bidez tresnak eta baliabideak eskaintzen dizkietela herriko etxeei. «Hori baliatu nahi dugu, kontuan hartuta herriko etxeak direla herritarrengandik hurbilen diren instituzioak. Erabili nahi ditugu euskara garatzeko Ipar Euskal Herrian». Azken hogei urteetan euskalgintzak ildo horretan lan egin duela nabarmendu du, eta orain, elkargoak eskumena hartuta, akuilu lana egiten segituko dutela.

«Ondoko sei urteetan erabakiak hartzeko aukera edukiko dute hautetsiek», azaldu du Haizpea Abrisketa Kontseiluko kideak. «Herriko etxeetan euskararen aldeko politikak garatzeko tresnak ere eskura edukiko dituzte: euskarazko zerbitzua segurtatzeko, euskarari ikusgarritasun gehiago emaiteko, langileak euskalduntzeko... Uste dugu euskararen garapenean ezinbesteko katebegia dela herriko etxea».

Protokoloa

Paul Bilbao Kontseiluko idazkari nagusiak gogoratu du duela hiru urte aurkeztu zutela «inoiz Europa osoan hizkuntzen alorrean adostasun gehien lortu duen dokumentua», eta beste hizkuntza gutxituen aldeko eragileek ere bere egin zutela. Orain, galdera bati erantzun nahi diote: «Zer egin dezakete herriko etxeek gure hizkuntza eskubideen alde?». Hego Euskal Herriko udaletarako egin zuten lehen proposamena, eta Ipar Euskal Herriko amaraun instituzionalera egokitu dute orain. «Martxotik aitzina, herriko etxeek eta Euskal Elkargoak etxerako lanak izanen dituzte hurrengo sei urteei begira. Uste dugu dokumentu hau lagungarri izanen zaiela».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Berra adinekoen egoitza. ©JON URBE / FOKU

Ekainaren 8tik egin ahalko dira bisitak Gipuzkoako zahar etxeetan

Berria

Egoiliar bakoitzeko senide bakarra joan ahal izango da bisitan, eta segurtasun neurriak zorroztuko dituzte. Gipuzkoako zahar etxeetan 167 pertsona hil dira izurria hasi zenetik; gaur egun 22 eri daude, bi egoitzatan.

Maiatzaren 11an igaro zen lehen fasera Hegoaldea ©Marisol Ramirez, Foku

Hegoaldea lehen fasera igaro izanaren arrazoiak eman ditu Espainiako Gobernuak

Ainhoa Larretxea Agirre

Espainiako Osasun Ministerioak zehaztu du egoera epidemiologiko «ona» izan dela Nafarroa pasatzeko arrazoia; Osakidetzak pazienteak artatzeko duen «gaitasun handia», berriz, Araba, Bizkaia eta Gipuzkoa igarotzekoa. Maiatzaren 11n aldatu zen lehen fasera Hegoaldea.

Txagorritxu ospitaleko laborategiko irudi bat. ©Gorka Rubio / Foku

Datuen peskizan (eguneko laburpena)

Pello Urzelai

Beste zazpi pertsona gehitu behar dira koronabirusarekin hildakoen zerrendara. Bost EAEn, bi Nafarroan. PCR bidezko 11 positibo berri agertu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna