Noiz sortua: 2019-01-08 00:30:00

Petronor ziur dago aurrerantzean ere Kutxabank akziodun izango dela

Muskizko findegiko presidentearen esanetan, finantza erakundeak «inoiz ez du asmorik izan konpainiatik ateratzeko». 30 milioi inbertituko ditu findegian, egoitza berria prest egoteko 2020rako
Emiliano Lopez Atxurra Petronorreko presidentea —ezkerretik bigarrena—, atzo, Petronorren egoitzan, eraikin berriaren irudiari begira.
Emiliano Lopez Atxurra Petronorreko presidentea —ezkerretik bigarrena—, atzo, Petronorren egoitzan, eraikin berriaren irudiari begira. PETRONOR Tamaina handiagoan ikusi

Jon Fernandez -

2019ko urtarrilak 8
Kutxabankek enpresa esanguratsuetan dauzkan akzioak saltzeko daukan estrategiaz galdetuta, beldurrik ez daukala azaldu du Petronorreko presidenteak, Emiliano Lopez Atxurrak. «Kutxabankek ez du inoiz borondaterik eta asmorik izan konpainiatik ateratzeko», adierazi zuen atzo Lopez Atxurrak Muskizen (Bizkaia), Petronorren egoitza nagusirako eraikin berriaren proiektua aurkezteko ekitaldian. Esplikatu zuenez, iturri zuzenekoak ziurtatu dio finantza erakundea Petronorreko akziodun izango dela aurrerantzean ere, Gregorio Billalabeitiak berak, Kutxabankeko presidenteak —%14,02ren jabe da gaur egun, eta gainontzeko %85,98 Repsolenak dira—. Lopez Atxurrari esan dionez, «borondate irmoa» dauka Petronorren jarraitzeko, «harreman erraza eta erosoa» daukatelako.

Enpresen arriskuek bankuari ez eragiteko asmoz, bankuak akzioak saldu eta parte hartzeak txikiagotu ditu jabetzaren zati bat zeukan hainbat talde industrialetan: besteak beste, Enagasen, Deolon, Iberdrolan, Informatica de Euskadin, Ingeteamen, Itineren, NH Hotelesen, Talden eta Zeltian. Oraindik ere, Kutxabankek parte hartze handiak ditu Euskaltelen (%21), CAFen (%14,05), eta Repsolen (%14,02).

Azken hiru konpainia horietan ere finantza erakundeak desinbertsioak egin ote ditzakeen galdetuta eman zuen Petronorreko buruak Billalabeitiaren asmoen berri. Berretsi zuen Kutxabankek eta haren kontseilariek «posizio indartsua eta aktiboa» daukatela konpainiaren barruan, eta «babes handia» ematen diotela Petronorren proiektuari, «bai oraingoari, bai etorkizunekoari».

Akziodunak, burujabeak

Edonola ere, Lopez Atxurrak argi utzi zuen finantza erakundea, beste edozein akziodunen moduan, «burujabea» dela bere akzioekin egoki deritzona egiteko. «Kasualitatez eta bere arrazoiengatik» Kutxabankek etorkizunean bere akzioekin beste zer edo zer egitea erabakiko balu, «ni ez naiz inor inori ezer esateko». Hori bai, Petronorreko presidenteak nabarmendu zuen Repsol dela Petronorren «akziodun nagusia eta nabarmenena», eta hark «apustu sendoa» egina duela Petronorren alde, eta haren babesa «ondo lotuta» dagoela.

Adierazpenok Petronorren proiektu berriaren aurkezpenean egin zituen Lopez Atxurrak atzo. Petrolio findegiak 30 milioi euro inbertituko ditu egoitza berria eta prestakuntza zentro berria eraikitzeko Muskizko lantegian. Zuzendaritzak espero du instalazio berriak prest egotea 2020ko udazkenerako.

Azaldu zuenez, egoitza berria hiru eraikinek osatuko dute: bulego nagusiek, 1.000tik gora pertsonarentzako jantokiak eta aldagelek. Halaber, Muñatoizko jauregia, bulego nagusien orain arteko egoitza, findegiko langileen prestakuntza zentro berria izango da. Urtero 80.000 prestakuntza ordu baino gehiago antolatzen dituzte, nagusiki segurtasunari eta ingurumenari buruzkoak.

«Emaitza txukunak»

Bulegoen eraikin berriak 3.563 metro koadro izango ditu, eta 178 enplegurentzako tokia izango da bertan. Aldagelen eraikinak, bestalde, 3.300 metro koadroko azalera izango du, bi solairutan, eta 700dik gora beharginek erabiliko dituzte egunero.

Eraikin berrien proiektua azaltzearekin batera, Lopez Atxurrak iragarri zuen 2018ko emaitzak «txukunak» izango direla, «petrolioaren prezioak gorabeherak izan arren findegiak jarduera ona izan duelako». Edonola ere, administrazio kontseiluak urtarrileko bileran aztertuko ditu iazko emaitzak, eta Petronorrek otsailean emango du haien berri.

Albiste gehiago

Martxoaren 30ean eguneratua, 14:00etan. ©BERRIA

Koronabirusaren azken datuak

Berria

Euskal Herrian 8.225 gaixok eman dute positibo koronabirusaren proba eginda, administrazioen arabera. 402 hil dira. COVID-19 gaitza izandako 1.807 pertsonari eman diete alta. Grafikoak, albiste barruan.

Lantegiak itxita, Basaurin. ©Marisol Ramirez / Foku

Kutsatzeko kezka dute Arabako, Bizkaiko eta Gipuzkoako biztanleen bi herenek

Berria

Espainiako Gobernuak atzo onartutako dekretua indarrean da, eta funtsezkoak ez diren jardueretan aritzen diren langileek etxean geratu beharko dute gaurtik aurrera. Urkullu ez dator bat neurri horrekin, ezta patronala ere. Txibitek Sanchez babestu du, baina uste du hobe litzatekeela jarduera ekonomikoa ez geratzea eta erabaki hori malgutzea.

Sidenor enpresako langileak jarduera eteteko eskatzen, aurreko astean. ©MARISOL RAMIREZ / FOKU

Jaurlaritzak letra txikiari heldu nahi dio gutxieneko jarduera bati eusteko

Xabier Martin

Madrilen azalpen gehiagoren zain dago, baimena nahi duelako enpresei isunik jar ez diezaieten

Ospitale bateko larrialdietako sarrera ©Jon Urbe / Foku

Koronabirusa zuten 402 pertsona hil dira Euskal Herrian; horietatik bi, Lapurdin

Irati Urdalleta Lete

Lapurdiko aurreneko bi hildakoen berri eman du Vicent Bru diputatuak, prefetarekin elkartu ondoren. Azkeneko 24 orduetan 52 pertsona hil dira guztira, eta 452 pertsona gehiagori atzeman diete birusa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna