Renzi lehen ministro ohiak batasun gobernu bat sortu nahi du Italian

Senatua gaur da bozkatzekoa noiz egin Conte lehen ministroaren aurkako zentsura mozioa. Alderdi Demokratan barne desadostasun handia dago. Di Maio batasun gobernuaren aurka agertu da
Luigi Di Maio M5Sren burua Diputatuen Ganberara iristen, atzo, Erroman.
Luigi Di Maio M5Sren burua Diputatuen Ganberara iristen, atzo, Erroman. CLAUDIO PERI / EFE Tamaina handiagoan ikusi

Ane Hurtado Uranga -

2019ko abuztuak 13

«Ez da sinesgarria batasun gobernu bat sortu nahi izatea aurrekontuak egiteko eta gero hauteskundeetara deitzea. Eskuinarentzat opari bat izango litzateke, eta denok geldiarazi nahi dugu hori», azaldu zuen Nicola Zingaretti Italiako PD Alderdi Demokrataren idazkari nagusiak, atzo, Matteo Renzi lehen ministro ohiak eta PDren burua izandakoak batasun gobernu bat eratzea proposatu eta gero. Renziren arabera, «orain bozkatzea erokeria bat izango litzateke».

Urtebeteren ostean, Matteo Salvini Lega eskuin muturreko alderdiko buruak apurtutzat eman zuen gobernu koalizioa, pasa den ostegunean, baina Giuseppe Conte lehen ministroak ez zuen dimisioa aurkeztu, eta Parlamentura joko zuela iragarri zuen, oraindik ere babesa ba ote zuen jakiteko. Talde parlamentarioen kideak atzo arratsaldean bildu ziren Senatuan, eta gaur Diputatuen Ganberako kideak dira elkartzekoak, Salvinik bultzatutako Conteren aurkako zentsura mozioa noiz izango den erabakitzeko.

Alderdiek bi bloke eratu dituzte, eta horietako bakoitzak egun bat proposatu du zentsura mozioa egiteko: M5S Bost Izar Mugimenduak eta PDk abuztuaren 20a, eta Lega eta Forza Italiak, berriz, 14a. Horregatik, Elisabetta Casellati Senatuaren presidenteak azaldu zuenez, «Senatua ez bada ados jartzen, Diputatuen Ganberaren esku geldituko da eztabaida». Azkenean, gaur bilduko da Senatua, arratsaldeko seietan, bilkurari eguna jartzeko.

Hori erabakitzen duten bitartean, PD zatituta azaldu da. Barne desadostasun handia dago, zenbait alderdikide M5S eta Conte babestearen alde baitaude, baina beste batzuek hauteskundeetara lehenbailehen deitzea nahi dute. Zingaretti M5Srekin edozein akordio egitearen kontra agertu da, haren ustez horrek «hegoak emango lizkiokeelako Salviniri».

Renzik eta Beppe Grillo M5Sren sortzaileak batasun gobernu bat sortzea proposatu dute. Izan ere, haien ustetan, «premiazkoenak diren gaiak kudeatu behar dira». Renzik azaldu zuenez, trantsizio gobernu horrek 2020. urteko aurrekontu orokorrak prestatuko lituzke, balio erantsiaren gaineko zerga (BEZ) igo gabe. Gainera, parlamentarien kopurua murriztuko luke, M5S alderdiak proposatu bezala, eta hauteskundeak atzeratuko lituzke, hurrengo udaberrira arte, gutxienez.

PDren zuzendaritza nazionalak pasa den astean erabaki zuen ez zuela sostengatuko M5S barne hartzen zuen gobernurik. Hori dela eta, PD Renzik egindako proposamenaren aurka agertu da. Luigi Di Maio M5Sren liderrak ateak itxi zizkion Renziri, talde parlamentarioek atzo egindako bileran, eta honako hau azaldu zuen: «Ez du inork mahaian eseri nahi Renzirekin». Carlo Calenda alderdi horretan ministro izandakoa ere hauteskundeak deitzearen aldekoa da: «Salvini geldiarazi behar dugu; herrialdea mobilizatu behar dugu».

Lehen ministro ohiak adierazi zuenez, ez dio M5Sri lagundu nahi, eta azaldu zuen haren asmoa zela indar guztiei zuzendutako dei bat egitea, «Legatik hasita Bost Izar Mugimendura, eta Forza Italiatik ezker erradikalera».

«Izan gaitezen serioak»

«Grillok eta Renzik osatutako gobernu bat? Izan gaitezen serioak. Galdutako egun bakoitzak Italiari egiten dio kalte», adierazi zuen Salvinik, eta honako hau gehitu zuen: «Renzirengandik espero nuen, baina Grillorengandik ez». Italiako Corriere della Sera hedabidearen arabera, Salvini Forza Italia eta Italiako Anaiak alderdiekin elkartzekoa da gaur, aliantza bat egiteko. Izan ere, bozak deituko balira eta haiekin elkartuko balitz, botoen %50,6 lortuko lituzke, inkestek diotenez.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Sindikatuen agerraldia, gaur. ©BERRIA

Hezkuntza Sailak «planifikazio integralik» ez duela salatu dute sindikatuek

Gotzon Hermosilla

Ohartarazi dute «transmisio kasuak ugarituko» direla neurriak hartzen ez badira. Greba egunetik astebetera, adierazi dute ez dutela baztertzen beste mobilizaziorik egitea.

Osasungintzako sindikatuen protestak. ©Gorka Rubio/FOKU

«Hitzetatik ekintzetara pasatzeko» eskatu diote sindikatuek Osakidetzari

Maria Ortega Zubiate

SATSE, ELA, LAB, SME, CCOO, UGT eta ESK sindikatuek osasun sistemaren egoera hobetzeko neurriak hartu ditzala eskatu diete Osakidetzari. Adierazi dute neurriak hartu ezean mobilizazioekin jarraituko dutela.

Hainbat ikasle, ikasgeletara sartzeko zain, Bilbon. ©Luis Jauregialtzo / Foku

32 ikasgela itxi dituzte egun bakarrean Hego Euskal Herrian

Mikel O. Iribar

Ikasturtea hasi zenetik, 364 ikasgela daude itxita Hegoaldean. Guztira 231 ikastetxetan izan dira itxiera horiek.

PCR proba bat, Gurutzetako ospitalean. ©Luis Jauregialtzo, FOKU

Lehen aldiz, laurehun kasuren langa gainditu du Nafarroak

Uxue Rey Gorraiz

Beste 826 kasu atzeman dituzte Hego Euskal Herrian. Horietatik 421 Nafarroan detektatu dituzte. Positiboek goia jo dute lurralde horretan, eta hildako bat izan da. 497 lagun daude erietxean Hegoaldean: horietatik 81, ZIUetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna