Albistea entzun

ELAk grebara deitu ditu Gipuzkoako eraikin eta lokalen 5.000 garbitzaile

Lanuztea egingo dute abenduaren 17an, sektorean dagoen %28ko soldata arrakalari aurre egiteko. Emakumeak sektoreko langileen %80 dira ia, eta hamarretik soilik bik dute lanaldi osoko kontratua

Xabier Martin -

2019ko azaroak 29

Gipuzkoako eraikin eta aretoen garbitzaileek planto egin dute, eta grebara doaz. Kale garbitzaileekin alderatuta, %28 apalagoa da haien soldata, «lan bera egin arren: garbitzea funtsean». Gizonak dira behargin gehienak kaleko garbiketan, %80 baino gehiago. Eraikinetakoen artean alderantziz gertatzen da: emakumeak %78 dira. Baina Aspel Espainiako patronalak ukatu egiten du soldata arrakala hori, besteak beste kalean aritzeagatik dauden gehigarriek egiten dutelako aldea. Ane Alberdi ELAko ordezkariak jarrera hori salatu zuen, atzo, eta jakinarazi zuen sektorean %54ko ordezkaritza duen sindikatuak grebara deitzea deliberatu duela, «desberdintasunak sutan erreko dituen akelarrea egiteko».

Gizon eta emakume garbitzaileen artean, edo zorrotzago esanda, kaleko eta eraikinetako garbitzaileen artean dagoen aldeari kopuru zehatzak jartzen hasita, zenbaki bat azpimarratu behar da lehen-lehenik: 5.175 euro. Kopuru hori da langile mota bien arteko arrakala dirutan. Horrek esan nahi du, Ane Alberdiren hitzetan, «hiru hilabete eta erdi doan» egiten dutela lan eraikinetako eta aretoko garbitzaileek.

Eta zer proposatzen ari da Aspel patronala Gipuzkoako hitzarmena berritzeko martxan dagoen mahaian? «%7ko soldata igoera proposatu du lau urtean: 2019rako %1,1; 2020rako %1,5; 2021erako %2; eta 2022rako %2,5. Kontuan hartu behar da erosteko ahalmen handia galdu dela sektorean azken urteetan, %10 ingurukoa». Alberdiren kalkuluen arabera, KPIaren igoera ere ez da segurua aurten patronalak eskaini duenarekin, eta proposamen horrek hogei euroko isla baizik ez luke izango langileentzat.

Balizko hogei euroko igoera hori, ordea, lanaldi osoan aritzen direnentzat litzateke soilik, sektore feminizatu horrek beste zama garrantzitsu bat baitu: partzialtasuna. Alegia, eraikinetako garbitzaileen %80 kontratu partzial batez aritzen dira, eta Espainiako patronalak ezarri nahiko lukeen soldataren igoera hamar euro ingurukoa litzateke haientzat.

Soldatari dagokion erreibindikazioarekin batera, ELA gaixotasun baimenekin lotutako beste bat mahairatzen ari da negoziazioan: absentismoarengatik langileak kaleratzeko debekua ezartzea. Alberdik esplikatu zuen sektoreko beharginek gaixo baimen ugari hartzen dituztela, eta, gehienak gaixotasun arrunt gisa sailkatzen diren arren, gaixotasun profesionalak direla asko, behin eta berriro egiten diren mugimenduekin lotutakoak direlako sarritan: tenislariaren ukondoa, diskoko hernia, karpoko kanalaren sindromea...

Horrekin batera, ELA patronalari proposatzen ari zaio ordu estren %50 kontratuetan kontsolidatzea; kontratu partzial horiek ordu gehiago jasotzea, alegia, praktikan lanaldi luzeagoak egiten badira. Ane Alberdik gogoratu zuen garbikuntzako sektorean egiten diren kontratu berrien %90 kontratu partzialak direla. «Eremu pribatuan garbitzen dugu, eremu ikusezinetan alegia; ez gara eremu publikoetan aritzen, kaleko garbitzaileak bezala».

ELA, besteak gabe

6.700 behargin aritzen dira Gipuzkoako sektorean, baina horietatik 1.500ek baino gehiagok enpresa ituna dute, eta ELAk egindako greba deialdiak 5.000 baino gehiagori eragiten die. LAB, CCOO, UGT eta ESK sindikatuak ELAren bidaide izan dira lan hitzarmena berritzeko erreibindikazioan, baina greba deialdiaren urratsa ELAk baino ez du egin. «Justizia sozialeko gai bati buruz ari gara, eta gizarte osoari dagokio, soldata arrakala bidegabea delako. Gizarteak ezin du ez ikusiarena egin», erantsi zuen ELAko ordezkari Ane Alberdik.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Metaleko langileak, goizean goiz, mobilizazioetan bilduta. / ©Marisol Ramirez, Foku

Bizkaiko metalgintzako grebak %85eko erantzuna izan du goizean, antolatzaileen arabera

Imanol Magro - Iker Aranburu

Piketeen goiza Trapagaranen hasi da, Productos Tubularesen, eta ez da langilerik sartu lantegira. Ondoren, bat egin dute Amazoneko logistika zentroko langileen grebarekin

Bilboko gasolindegi bat, artxiboko irudian. ©Aritz Loiola / FOKU

Bertan behera utzi dute Bizkaiko gasolindegietako greba, aurreakordioa lortu ostean

Iñaut Matauko Rada

2022ko soldatak %6,1 igotzea adostu du patronalak CCOO, LAB eta UGT sindikatuekin. Bertan behera utzi dute igandean hasi behar zuten greba.

Protesta, gaur goizean Amazonek Trapagaranen duen banaketa zentroen atarian. ©BERRIA

20.000 pakete baino gehiago banatu gabe Trapagarango Amazonen

Olatz Silva Rodrigo

Langileek salatu dute enpresak edozein negoziazio motari uko egiten diola. Langile talde osoak egin du greba cyber monday egunean

ELAk Bilbon egin duen manifestazioa. / ©ELA

Langileak pobretzen ari dela leporatu dio ELAk patronalari

Irune Lasa

Grebaren lehen egunean, Bilbon manifestazioa egin dute metalgintzako langileek ELA sindikatuak deituta

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.