Albistea entzun

Sinbolikoa, eta ez mamitsua

Protesten artean bildu dira Trump AEBetako presidentea eta May Erresuma Batuko lehen ministroa Londresen. 'Brexit'-aren ostean egin lezaketen itun komertziala izan da bileraren ardatz nagusia
Milaka herritarrek hartu dute parte Trump presidentearen aurkako manifestazioan.
Milaka herritarrek hartu dute parte Trump presidentearen aurkako manifestazioan. ANDY RAIN / EFE Tamaina handiagoan ikusi

Ane Ubegun Goikoetxea -

2019ko ekainak 5

«Donald Trump ez da ongi etorria»; hala oihukatzen zuten atzo Londresko erdigunean Donald Trump AEBetako presidentearen aurka protesta egiteko batu ziren milaka lagunek. Trumpek begirada guztiak erakarri ditu Erresuma Batura egindako bidaian, eta oraingo honetan ere bazter guztiak aztoratu ditu. Diplomaziaren kortesiazko arauei muzin egin, eta zenbait politikari iraindu eta kritikatu ditu —Londresko alkatea, esaterako—, eta beste batzuk, aldiz, goraipatu, Boris Johnson eta Nigel Farage euroeszeptikoak, adibidez. Bigarren eguna zuen atzo, eta Theresa May Erresuma Batuko lehen ministroarekin batzartu zen Downing Street-en. Haatik, bisita mamitsua baino, bisita sinbolikoa izan da Trumpena, Mayren egoera politikoa kontuan hartuta. Izan ere, Mayk etzi utziko dio Alderdi Kontserbadorearen buru izateari, eta, haren ordezkoak kargua hartu arte lehen ministro lanetan jarraituko duen arren, Trumpek ondorengoarekin itxi beharko ditu akordioak. Gaur du AEBetako presidenteak azken bisita eguna Erresuma Batuan.

Goizean goizetik nagusitu zen protesta giroa Erresuma Batuko hiriburuan. Aktibistek 09:00etarako puztu zuten parlamentuko plazan Baby Trump (Trump umetxoa) izeneko globo erraldoia, Trafalgar plazan antolatutako manifestazioa hasi baino ordubete lehenago. Jeremy Corbyn buruzagi laborista ere batu zen protestetara, eta babesa adierazi zion Londresko alkate Sadiq Khani, Trumpek herenegun hari egindako irainen harira. Khanek erantzun zion Trumpi, esanez «eskuin muturreko posterretako mutikoa» dela Trump.

May eta Trump AEBetako eta Erresuma Batuko hamar enpresari eta politikarirekin bildu ziren. «Lotura komertzialak estutzea» zen bilera horren xede nagusia, eta brexit-aren osteko merkataritza akordioa izan zuten hizpide. Trumpek merkataritza libreko aldebiko akordio bat defendatu zuen. Gainera, aurreko astelehenean, AEBetako presidenteak Twitterren argitaratu zuen akordio komertzial handi bat posible izango dela Erresuma Batua «Europako Batasunaren kateetatik askatzen denean». Erresuma Batuari esan zion akordiorik egin gabe uzteko Europako Batasuna, eta AEBen alde jartzeko.

Gai horretaz gain, Huawei eta AEBen eta Txinaren arteko gerra komertzialaren inguruan hitz egin zuten. Bestalde, Mayk esan zuen Erresuma Batuak Irango akordio nuklearrarekin jarraituko duela, baita klima aldaketaren aurkako borrokan ere —bi akordio horietatik atera da Trump bere agintaldian—.

Datarik gabeko akordioa

Trumpek eta Mayk agerraldia egin zuten bileraren ostean, Downing Street-eko atarian. Mayk bi herrialdeen arteko lotura nabarmendu zuen : «Elkarlanean jarraituko dugu ekonomia globala moldatzeko, eta arauetan eta instituzioetan eragiteko, merkatuak libreak, justuak eta irekiak izan daitezen». Trumpek esan zuen uste duela «funtsezkoa» izango dela egingo duten akordio komertziala: «Ez dakit zehazki noiz egingo dugun, baina egin dezagun akordio hori».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Abortuaren aldeo manifestazio bat, New Yorken, atzo. ©SARAH YENESEL / EFE

Oklahomak ia guztiz debekatuko du abortua

Berria

Estatuko Ordezkarien Ganberak AEBetako abortu legerik murriztaileena onartu du: amaren bizitza arriskuan badago edo bortxaketa ala intzestua izan bada baimenduko du soilik. Gobernadorearen sinadura falta da indarrean sartzeko.

Gizon indigena bat, Napalpiko Sarraskia azaltzen duen kartel baten paretik pasatzen, Argentinako Napalpi herrian. ©BERRIA

Napalpiko sarraskian estatuak erantzukizuna izan zuela ebatzi du auzitegi batek

Igor Susaeta

Epaiaren arabera, frogatuta gelditu da «gizateriaren kontrako krimenak» egin zituztela. Qom eta moqoit komunitateetako 200-300 indigena hil zituzten 1924an. Erreparazioa egiteko neurri batzuk agindu ditu epaileak.

 ©BERRIA

«Planak frogatzen du bi estatuen irtenbidea posible dela oraindik»

Gorka Berasategi Otamendi

Palestina eta Israel konfederazio batean biltzeko proposamenaren xedea da «hogei urteko blokeoaren ostean» erantzun «berriak» ematea bakea eragotzi duten auziei, «horren kostu handikoak» izan ez daitezen.
Niinisto Finlandiako presidentea, Biden AEBetakoa eta Andersson Suediako lehen ministroa, atzo. ©OLIVER CONTRERAS / EFE

NATOko idazkari nagusiak esan du Turkiaren kezkak aztertuko dituela

Mikel O. Iribar

Stoltenberg ziur da arazoari konponbidea emango diotela. Ukrainak adierazi du ez duela nahi su etenik, Errusia erretiratzea baizik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...