Noiz sortua: 2020-03-24 00:30:00

Alex Salmond absolbitu egin dute sexu-eraso delitu guztietatik

Eskoziako Auzitegi Gorenak errugabetzat jo du lehen ministro ohia hamabi akusaziotan, eta bestea ez dute egiaztatu ahal izan. Salmondek dio indartu egin dela hango sistema judizialean zuen fedea
Alex Salmond Eskoziako lehen ministro ohia.
Alex Salmond Eskoziako lehen ministro ohia. ROBERT PERRY/ EFE Tamaina handiagoan ikusi

Jone Bastida Alzuru -

2020ko martxoak 24

Alex Salmond Eskoziako lehen ministro ohiaren aurkako epaiketak lau aste inguru irautea espero zen, baina, horren erdia pasatuta, atzo eman zuen argitara erabakia Auzitegi Nagusiak, eta Salmonden aldekoa izan zen. Izan ere, absolbitu egin zuten leporatzen zizkioten hamahiru sexu erasoetatik.

Egotzitako eraso horiek 2008ko ekain eta 2014ko azaro artean gertatu ziren, hura Eskoziako lehen ministro zen garaian. Hasieran, hamar emakumeren kontrako hamalau sexu eraso egitea egozten zioten. Epaiketaren erdian, baina, fiskaltzak atzera bota zuen akusazioetako bat, eta atzo, beste hamahiruetatik absolbitu zuen Gorenak. Haren arabera, errugabea da horietako hamabitan, eta bestea ez dute egiaztatu ahal izan.

Hain zuzen, Eskoziako sistema juridikoak hiru deliberazio jasotzen ditu: erruduna, errugabea eta frogatu gabea. Praktikan, ordea, azken horrek errugabetzat ebaztearen ezaugarri berdintsuak ditu.

Eskoziako Auzitegi Gorenak frogatu gabetzat jo duen akusazioa 2013ko abenduan emakume bat bortxatzeko ahalegina egitearena izan da. Leporatzen ziotenaren arabera, emakumea ohean etzatera behartu eta soinekoa altxatu zion, Bute House Eskoziako lehen ministroaren egoitza ofizialean. Epaiak, berez, ez du ondorioztatu kasu horretan errugabea denik Salmond.

Horrez gain, beste emakume bat bortxatzen ahalegintzea ere leporatzen zion akusazioak. Gainerako salaketak, berriz, hainbat emakumeri ukituak egiteagatik ziren. Zenbait kasutan, emakume berari hainbat egunez jazartzea ere leporatzen zioten.

Leeona Dorrian magistratuak gidatu du martxoaren 9an hasi zen epaiketa, eta hamabost kidek osatutako epaimahaiarekin ekin zioten. Alabaina, horietako bi kaleratu egin zituen epaileak, eta, ondorioz, hamahiru kidek hartu dute epaiaren inguruko azken erabakia.

Ikusmin mediatiko handia sortu du auziak, eta erreakzio eta eztabaida ugari eragin ditu. Dena den, lehen ministro ohiak akusazio guztiak ukatu ditu aldiro, eta horiek asmo politikoekin «propio sortutakoak» izan direla salatu izan du. Horiek horrela, epaiaren ostean Eskoziako sistema judizialean zuen fedea «indartuta» geratu dela nabarmendu zuen. Eskerrak eman zizkion bere «defentsa talde bikainari», eta aurrerago kasuaren inguruko informazio gehiago zabalduko zuela jakinarazi zuen.

Epaiketan, akusazio gogorrak egin dituzte Salmonden aurka. Hain zuzen, Alex Prentice fiskalak hura «harrapakari sexual» bat zela salatu zuen, eta zuen boterea erabili zuela emakumeez aprobetxatzeko. «Hau ez da konplot edo konspirazio politiko bat. Gizon honek boterea baliatu zuen bere sexu gosea inpunitate osoz asetzeko». Gordon Jackson lehen ministro ohiaren abokatuak, aldiz, adierazi zuen ez zegoela ustezko sexu horiek frogatzeko lekuko zuzenik, eta probetan kontraesan ugari zeudela.

Alderdiaren zatiketa

2018ko abenduan atera zen auzia argitara, Eskoziako Gobernuak Salmonden aurkako salaketa jarri ostean. Nicola Sturgeon egungo lehen ministroa arduratu zen horretaz, SNP Eskoziako Alderdi Nazionaleko beste politikari batekin batera. Horrek, ordea, zatiketa eragin zuen Eskoziako alderdi independentistan, hangoa baitzen Salmond bera ere.

«Argitara atera diren froga batzuek zalantza ugari sortzen dituzte gobernuak Salmonden aurkako salaketak ikertzeko emandako prozesuaren inguruan», salatu zuen Joanna Cherry parlamentariak. Sturgeonek, berriz, epaia «errespetatu» behar zela esan zuen, baina koronabirusak eragindako krisian zuela jarria arreta osoa.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Koronabirusaren azken datuak

Koronabirusaren azken datuak

Berria

Euskal Herrian 13.406 gaixok eman dute positibo koronabirusaren proba eginda. 905 hil dira. COVID-19 gaitza izandako 4.972 pertsonari eman diete alta. Grafikoak, albiste barruan.

Diputatuak saioren hasieran, minutu bateko isilunean. / ©Mariscal, EFE

Alarma egoera luzatzea onartu du Espainiako Kongresuak

Berria

EAJk iragarri du bilera horretan egongo dela. EH Bildu, berriz, ez da joango. Konfinamenduan apirilaren 26ra arte luzatu dute Hegoaldean.

Gasteizko farmazia bat. / ©Endika Portillo, Foku

Egun beltzenetan bigarrena izan da atzokoa, hildako kopuruari dagokionez

Ekhi Erremundegi Beloki - Ane Eslava

Gutxienez 59 pertsona hil dira Euskal Herrian azken 24 orduetan koronabirusak jota. 900 hildakoen langa gainditu da. 462 positibo gehiago atzeman dituzte Hegoaldean.

350 diputatutik 43 joan dira Espainiako Kogresura ©mariscal / EFE

EAJk atea ireki dio Sanchezek proposatutako itunean parte hartzeari; EH Bildu ez da joango

Irati Urdalleta Lete

Apirilaren 26ra arte luzatu dute alarma egoera, eta Sanchezek aurreratu du uste duela hamabost egun barru berriro alarma dekretua luzatu beharko duela

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna