Albistea entzun

Phoenix eta The Black Madonnak estreinatuko dute Biarritz en Ete

Jaialdiak lehen edizioa izanen du asteburu honetakoa. Miarritzeko Milady hondartza du bilgune. Euskal Herritik, Lumi, Belako eta Kepa daude, baina, nagusiki, Frantziako taldeak ariko dira
Chicagoko The Black Madonna mundu mailan ezagutua da bere House estiloko musika elektronikoarentzat.
Chicagoko The Black Madonna mundu mailan ezagutua da bere House estiloko musika elektronikoarentzat. BERRIA Tamaina handiagoan ikusi

Nora Arbelbide Lete -

2018ko uztailak 19 - Miarritze

Big jaialdiaren huts egiteak ez berritzea. Hori du Biarritz en Ete jaialdiak helburuetako bat. Baina, helburua hori badu, da, preseski, antza ere baduela Big jaialdiarekin. Baina Big ez bezala, iraun nahi baitu Biarritz en Etek. Horra, beraz, hasteko, berdintasunak. Tokia bera, hasteko. Miarritze. Garaia. Uda betea. Eta gero funtsa bera, dela musika zuzenean eskaintzen duen jaialdi bat izatea. Eta, azkenik, abiapuntua ere. Hau ere Herriko Etxearen babesarekin baita. Udalak egin eskaintza deialdia irabazirik datoz Biarritz en Eteko antolatzaileak.

Antolatzaileak, Bigen bezala, kanpotik datozenak dira. Izan ere, jaialdi berriaren eramaile Super artista agentzia da. Artista agentzia izateaz gain, gertakariak antolatzen ere esperientzia badu: funtsean, Normandiako Cabourg herriko Cabourg Mon Amour jaialdia, adibidez. Hondartza bazterrean hori ere. Miarritzen ere Milady hondartza ukanen dute hurbil. Baina, Bigekoek ez bezala, jaialdi honek asmo irmoa dauka ez «jaialdi paristarra izatea», Julien Catala, Super egiturako buruak laburbildua. «Ez izateko bling-bling. Jaialdia izan dadila Miarritzeko jaialdia, eta ez dadila izan jaialdi bat beste norbaitek egina Miarritzerentzat. Eta espero dut lortuko dugula». Big jaialdiari leporatu kritika nagusietako bat hori izan baitzen. Itxurakeria gehiegizko jaialdia izatea eta paristarrek bakantzan diren paristarrentzat egina.

Guztientzat eskuragarria den jaialdia izan nahi du «familiarra», «pop izpirituan». Zenbait afixa buru bai, baina ez hainbeste ere. Estilo orotakoa ere izan nahi du jaialdiak. Pop estiloaz gain, rocka eta elektroa aldizkatuko dira. Aurrekontua 1,6 milioi eurokoa du jaialdiak.

Tokikotasunaren bila

Tokikoekin lan egiteko hautua egin dute Biarritz en Etekoek. Sustrai nagusia Miarritzeko Atabal kontzertu gela dute. Bere zuzendaria den François Maton bereziki. Badira beste toki batzuetako elkarte eta pertsona batzuk alde teknikoaren ardura hartu dutenak. 200 laguntzaile ere ariko dira hiru egunetan. Adibide bat emateko, ostatuetako bat Angeluko ikastolak du kudeatuko. Tokiko janariarekin ere egitekoa dutela baloratu du Catalak.

Tokikoen presentzia musika taldeetan ere segurtatu nahi izan dutela gaineratu du Catalak. «Big jaialdian ez zegoela tokiko artistarik entzun izan dugu. Eta ohartu gara badirela tokiko artista bikainak. Lee Ann, Clement Froissart eta TH da Freak». Gero, zer den tokikoa. TH da Freak bordelesa da, eta Clement Seignossen bizi da. Euskal Herritik, berriz, Lumi, Belako eta Kepa daude. Musika aldetik, halere, nagusiki Frantziako taldeak dira aurkitzen.

Agentzia bera Parisko agentzia da. Jaialdiaren antolakuntzarako Les Nouvelles Editions Independantes egiturari dei egin die, gainera. Horrek, besteak beste, Les Inrockuptibles aldizkaria editatzen du, eta Nova irratia ekoizten. Catalak esplikatu duenez, «artista frantsesen uhin berri bat dago, eta zinez interesgarria da baloratzea. Eta pentsatzen dugu artista horietako anitzen entzuteko gogoa dagoela lokalki».

Euskararen aldetik, Bigen baino presentzia handiagoa du euskarak. Baina, halere, izenburua frantsesez du bakarrik: «Saiatu gara, baina biziki konplikatua da. Zer emanen luke?». Galdetu eta Miarritze udan izan daitekeela ohartzean, hots, ez dela hain konplikatua, «bai, egia» erantzun du Catalak.

Jaialdiaren eskuragarritasuna prezio aldetik ere zaindu nahi izan dutela azaldu du baita Catalak. Aitzinetik lekuak erosiz gaua 39 eurotan zela; lekuan berean, 47 eurotan. Hiru egunak, aitzinetik, 80 eurotan; lekuan berean, 98. Hori bai, garagarnoa 4 eurotan finkatua dute. Beste jaialdietan ere prezio horretan dela argudiatu du Catalak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Denis Martinez eta Olaia Valle dantzariak, Barakaldo antzokian, <em>Esna</em> obraren entsegu batean. ©OSKAR MATXIN EDESA / FOKU

'Esna' ikuskizuna ondu dute Marie de Jongh eta Doos konpainiek

Olatz Enzunza Mallona

Dantza eta antzerkia uztartuko dituen ikuskizun bat ondu dute elkarlanean Marie de Jongh eta Doos konpainiek: 'Esna'. Joko esperimentu gisa definitu dute. Bihar izango da estreinaldia.

 ©Mailo Oiarzabal

Pasio baten fruituak

Mailo Oiarzabal - Gipuzkoako Hitza

Urteetan jasotako eta gordetako bertso grabazioak transkribatzea erabaki zuen Xabier Unanuek duela ia hogei urte. 42.000 bertso baino gehiagoko bilduma osatu, eta Zestoako liburutegiari utzi dio.

Soledad Sevilla erakusketaren aurkezpenean, atzo, <em>Gatza</em> oihalaren aurrean. ©MAIALEN ANDRES / FOKU

Soledad Sevillaren 'Nire paisaia propioa' ikusgai dago Kubo Kutxan

Naroa Torralba Rodriguez

Soledad Sevilla artistaren 'Nire paisaia propioa' ikusgai dago Kubo Kutxan. Ibilbide baten proposamena da. Berak aukeratu ditu obrak eta kokapena

<em>Ketariatik mundura</em> pastoralaren bost partaideak. ©BERRIA

Elkanoren bidaia, pastoral «ttipi» batean, bihar, Iruñean

Uxue Rey Gorraiz

'Ketariatik mundura' «nanopastorala» eginen dute bihar iluntzean Iruñean. Hiru aktore eta bi musikari ariko dira, ordu eta erdiz. Mixel Etxekoparrek idatzi du obra

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...