Noiz sortua: 2019-05-14 00:30:00

Ostiralean hasiko da 47. Musikaste, haren sortzaile Ansorenari eskainita

Maiatzaren 17tik 25era, hamar emanaldi eskainiko ditu Errenteriako musika jaialdiak. Klasikoak berreskuratu eta konpositore garaikideak bultzatuko dituen programa prestatu du Eresbilek
Instituzio politikoetako eta Eresbileko ordezkariak, atzo, 47. Musikasteren aurkezpenean, Jose Luis Ansorenaren oroigarria aurrean dutela.
Instituzio politikoetako eta Eresbileko ordezkariak, atzo, 47. Musikasteren aurkezpenean, Jose Luis Ansorenaren oroigarria aurrean dutela. JON URBE / FOKU Tamaina handiagoan ikusi

Itziar Ugarte Irizar -

2019ko maiatzak 14

1973. urtean egin zen aurrenekoz Musikaste jaialdia, Errenterian (Gipuzkoa), eta urte bat geroago sortu zen Eresbil, Musikaren Euskal Artxiboa. Biak ala biak euskal musikaren eremuan erreferente bihurtu dira, eta lehena bigarrenaren «erakusleiho handientzat» har daiteke egun, Bingen Zupiria Eusko Jaurlaritzako Kultura eta Hizkuntza Politika sailburuaren arabera. Irudi hori baliatu zuen, atzo, jaialdiaren 47. edizioa aurkeztean. Harekin izan ziren Julen Mendoza Errenteriako alkatea, Mikel Diez Gipuzkoako Foru Aldundiko kultura zuzendaria, Jon Bagues Eresbileko zuzendaria eta Andoni Sierra Andre Mari abesbatzako zuzendaria. Eta haien artean, beste izen bat ere izan zen presente agerraldian: Jose Luis Ansorenarena. Musikasteren zein Eresbilen sortzailea, hilabete ere ez da zendu zela, eta hari eskaini nahi izan diote aurtengo jaialdia.

Ansorenari «ikasitako» irizpideekin prestatu dute, hain zuzen, jaialdiaren edizio berriaren programa. Konpositore garaikideen lana bultzatzea izan da irizpide horietan lehena, Baguesek nabarmendu duenez: «Musikaste euskal konpositoreak babesteko sortu zen; bereziki, bizirik diren konpositoreak, eta, horien artean, batik bat, aukera gutxien dituztenak». Denera, hamar emanaldi izango dira aurten, eta horietatik sei izango dira egun lanean ari diren musikagileenak. Horrekin batera, ordea, klasikoen berreskurapenak ere ezaugarritzen du jaialdia. Eta zeregin horretan, asmo zehatzago bati ere heldu dio Eresbilek iaztik: emakume konpositoreen lanak ezagutarazteari. Hartara, aurten ere, andrazkoek idatzitako obra bat emango da, gutxienez, kontzertu ia guztietan. Ignacia Olaizolaren kasuari jarri dio azpimarra Baguesek; duela gutxi zendu da konpositorea, eta haren obraren zati bat interpretatuko du Andre Mari abesbatzak, larunbat arratsaldeko mezan, Jose Luis Etxetxipia organistarekin batera.

Iraganaren eta orainaren arteko zubi horretan, bost estreinaldi izango dira, emanaldien erdiak. Eta, oro har, Euskal Herri osoko musikariak bilduko badira ere, jaialdiak «bizkaitar kolorea» hartuko duela aipatu du Baguesek, bi arrazoi tarteko: Joaquin Ojinaga bilbotarra ekarriko dutelako gogora, haren jaiotzaren hirugarren mendeurrenean —maiatzaren 19an, antzinako musika interpretatzen duen Khantoria taldearen eskutik—; eta BOS Bilboko Orkestra Sinfonikoak eskainiko duelako amaierako kontzertua. Egile bizkaitarren obrekin osatu dute programa: Rodrigo A. de Santiago eta Gotzon Aulestiaren zenbait pieza berreskuratu —Eresbilen dago bien obra guztia—, eta Fernando Velazquez eta Isabel Urrutia garaikideen lanak joko dituzte. Andra Mari abesbatza ere haiekin ariko da.

Koruak, azken larunbatean

Musika garaikidearekin abiatuko da jaialdia ostiralean, Ensemble Kuraia taldearekin. Eta asteburuko hitzorduen ondoren, kontzertu didaktikoak izango dira hiru egunez, maiatzaren 20tik 22ra. Baguesen hitzetan, egitarauko «saiorik atseginenetako bat» izango da hurrengo egunean; Garikoitz Mendizabal txistulariak, Elene Arandia kantariak eta German Ormazabal pianistak herri kantuak —Lertxundi, Lete, Perez—, garaikideak — Hakim, Ansorena— eta klasikoak —Garbizu, Gorosarri— uztartuko dituzte.

Koruen eguna izango da biharamunean, eta «fusio musika» eskainiko duten lau abesbatzek hartuko dute parte; haiekin ariko da Kalakan taldea ere. BOSek itxiko du jaialdia, hilaren 25ean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 6an eguneratua. ©BERRIA

Koronabirusaren azken datuak

Berria

Azkeneko 24 orduetan zazpi lagun hil dira COVID-19 gaitzaren eraginez. Hamalau positibo atzeman dituzte PCR probekin, eta gaixo bat ospitaleratu dute. Euskal Herrian 29.843 gaixok eman dute positibo guztira, koronabirusa atzemateko probaren bat eginda. Horietatik 2.096 hil dira. Grafikoak, albiste barruan.

Haur bat, konfinamenduan, etxean jolasten. / ©Iñigo Uriz, Foku

Astelehenetik ireki ahal izango dituzte haur eskolak Araban, Bizkaian eta Gipuzkoan

Irati Urdalleta Lete

Hiru herrialde horietako herritarrek hiruretan mugitzeko aukera izango dute. Ostalaritzan ez da gehienezko edukierarik egongo, eta barran zerbitzatzeko aukera ere izango dute. Diskotekek eta gaueko tabernek itxita jarraitu beharko dute. Hogei pertsona arte elkartu ahal izango da, bai etxean eta bai kalean.

Atzo Villabonan egin zuten bertso saiora sartzeko segurtasun neurriak. / ©Gorka Rubio, Foku

Alarma egoera amaitu ondoren ere maskarak erabiltzea beharrezkoa izango da Hego Euskal Herrian

Jon Ordoñez Garmendia

Ehun euro arteko isunak aurreikusten ditu Espainiako Gobernuak prestatu duen dekretuak, maskara erabiltzen ez dutenentzat. Urgentziazko kasuetan Osasun Ministerioak eskuduntzak bereganatzeko aukera izango du berriro.

Herritar batzuk Debako (Gipuzkoa) parke batean, elkarren arteko distanziak zainduz. ©GORKA RUBIO / FOKU

Araba, Bizkai eta Gipuzkoa artean ibili ahalko da astelehenetik aurrera

Jakes Goikoetxea

Espainiako Gobernuak jakinarazi du Hego Euskal Herria hirugarren fasera pasatzea onartu duela. Jaurlaritzak eta Nafarroako Gobernuak izurritearen kudeaketaren kontrol osoa berreskuratuko dute

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Itziar Ugarte Irizar

Informazio osagarria

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna