Albistea entzun

IRLEN SAREA

Wattpad eredua

Gorka Julio -

2021eko martxoak 6

Wattpadek sare sozial gehienen egitura oso antzekoa jarraitzen du. Erregistratu ondoren, profil propioa sortu eta informazio orokorra, zure lanak eta irakurketa zerrenda ikusiko dituzu. Irakurle eta idazle (hasiberriak normalean) harremanetan jartzea da bere helburua.

Eredu enpresarial moduan, start-up eredua badu ere, interesgarria iruditzen zait proposatzen duena. Produkzio gero eta gehiago dagoen arren, eta autoedizioa gero eta errazagoa izanik ere, pertsona interesgarri berriei aukerak irekitzeko aukeragatik. Etengabe errepikatzen dira idazle berdinak, haien lanak interesgarriak izan edo ez, noizbait zerbait interesgarria idatzi izanagatik. Aldiz, egile berri asko dago, lan berriak egiten, eta horiek aurkitzea ez da erraza.

Wattpad-en bereizgarritasun nagusietako bat berehalako feedbacka izateko aukera da. Publikatutako lan osoan zehar irakurleek iruzkinak egiteko aukera dute: komentario orokor moduan, atal zehatz batean edota esaldi bat azpimarratuz. Gainera, irakurketa dinamikoagoa egiteko idazleek bideoa, musika eta irudiak ere txerta ditzake kapituluen hasieran.

Noski, horrek idazteko eran ere eragin dezake. Egile batek, bere lana atalka publikatzen ari den heinean, jendearen iritziak jasotzeko aukera badu, kontuan hartzea ekar dezake, eta, beraz, istorioan bertan eragin. Arrakasta dutenek editore baten deia jasotzen edota film baten gidoia izaten amai dezakete; kasuak egon dira dagoeneko.

Ez da ohikoa idaztera ohituta dagoenarentzat, baina irakurlearentzat ere ez da esperientzia bera. Interesgarria izan behar du egileak irakurriko duen jakitun iruzkinak egitea edota erantzuteko aukera izango duela jakitea ere. Beldurra ere sor dezake zenbaitengan, ohituagoak gaude-eta irakurle pasiboak izatera. Bi rolek beren rolen berrikuste bat dakar ereduak.

Hainbat hizkuntza hartzen dira kontuan; horien artean, adibidez, katalana. Euskara, aldiz, ez. 2006an sortu zuten, nire radarretik at egon da. Egileen eta hartzaileen arteko harreman eta elkarrekintza bide berriak lantzea ezinbestekoa iruditzen zait. Wattpad-ek horretarako bere xarma baduela iruditu zait, baina ez egin niri kasu handirik, zutabeak idaztetik harago, ez baitut egile sen handirik eta.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ARITZ LOIOLA / FOKU

«Consonni kreatura mutante bat da»

Amaia Igartua Aristondo

Consonnik 25 urte bete berri ditu. 2012tik argitaletxea ere bada, eta Murrek dio horrek «autonomia» eman diela. Andrazko idazle euskaldunak eta zientzia fikzio feminista itzuli dituzte, besteak beste.
 ©BERRIA / HISTOLABET

Gizakiak, txerri organoak amets

Jakes Goikoetxea

David Bennettek astebete baino gehiago darama bizirik txerri baten bihotzarekin. Transplante hori mugarria izan da, baina ikerketa asko falta da prozedura orokortzeko.
Jokin Unamuno eta Adur Ramirez de Alda dira <em>Pressumptes culpables. Els altres Altsasu</em> dokumentaleko gidariak. ©TV3

Errepresioari pultsua TV3en

Urtzi Urkizu

'Pressumtes culpables. Els altres Altsasu' dokumentala 345.000 herritarrek ikusi dute TV3en. 'Altsasu auziko' bi gaztek Kataluniako errepresio kasuak ezagutzen dituzte hartan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.