Albistea entzun

EKOGRAFIAK

Aspergarriak gara

Lander Arretxea -

2022ko urriak 28

Irudikatu late night esaten zaion iluntzeko saio bat. Demagun, ETB1en. Irudikatu aurkezle publikoki ezkertiar bat, bere hautu politikoez eta aldarriez lotsarik —eta zentsurarik— gabe hitz egiten duena. Musika talde bat, generoak eskatzen duenez, zuzeneko emanaldiarekin janzten duena saioa, baina emakumeek osatua soilik. Publikoa, platoan bertan, lata-ko barreak ordezkatuz. Funtsean, La Resistencia eta Late Motiv programen erdibideko zerbait: Broncanoren saioen kaosetik baduena, baina Buenafuenteren programaren egitura klasikoagotik abiatua. Demagun aurkezleak Puta España esaldiaren bariazioekin jolastuz hasten duela emankizuna.

Irudikatu kolaboratzaile bat, saioan sartu orduko zapatak erantzi eta sofan etzaten dena. Bere aluaren nondik norakoz hasten dena hitz egiten, eta aitortzen duena behinola fatxa batekin jo zuela larrua; errudun sentitzen dela oraindik. Bere ondoan, alu erraldoiz mozorrotutako gidoilari bat, dialogoa errazteko. Irudikatu botatzen duela masturbatu izan dela Iñigo Urkullu gogoan; baina zuzendu egiten duela gero: Carlos Garaikoetxea guapoagoa iruditzen zaio, egiazki. Aurkezlea behartzen duela bere sexu harreman traketsenez hitz egitera.

Irudikatu elkarrizketarako gonbidatu duten euskal idazle gazte bat, emakumea. Hala ateratzen zaiolako euskaratik gaztelaniara saltoka ari dela etengabe. Gidoiari izkin egin eta alderdi abertzaleen gorabeherez aritzea erabakitzen duela: egurra ematen diela EAJ, EH Bildu eta baita hortik kanpo kokatzen diren mugimendu batzuei ere. Baliatzen duela aukera euskal artisten zati handi bat bere soldatatxo publikoaren zain —eta horrek baldintzatuta— ari dela salatzeko. Euskal idazle sexiena dela aldarrikatzen duela. Aurkezleak, inprobisatuz, jolasa jarraitzen diola, hala ere.

Irudikatu azken kolaboratzaile bat, gizonezkoa oraingoan, txandaleroa. Euskal Herriko banketxe handiek finantziatutako musika jaialdien kontura egiten duela barre, bere droga kontsumoa hartzen duela hizpide. Saioa hark agurtzen duela aurkezlea ordezkatuz, Puta España esaldiaren bariazioekin, beste behin. Ez irudikatu gehiago. Saioa —lizentzia geografiko batzuk hartuta— existitzen baita: TV3en Zona Franca saio berriaren bosgarren atala da. Bai: seko aspergarriak gara.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / @FOKU

«Askotan, baimena eskatzea baino hobe da barkamena eskatzea»

Naroa Torralba Rodriguez

Munduko muralik onenetan hirugarrena Ondarroan dago, Kamiñazpin. Lian Monserrate da egilea, eta gaztetatik ari da gizarte gaiak hormetara eramaten. Memoria ariketa bat egin nahi izan du obra horrekin.
1 ©LABAYRU FUNDAZIOA / EZEZAGUNA

Itsasoko ezkutuko lana

Amaia Jimenez Larrea

Emakumeek itsasoan egindako lanaren balioa aldarrikatzeko, Labayru fundazioak 'Geu be bagara itsasoa' liburua argitaratu du. Zenbait belaunalditako hogei emakumeren testigantzak bildu dituzte.

 ©ENDIKA PORTILLO / FOKU

«Garbitzailea ezinbestekoa da ospitale batek ondo funtzionatu dezan»

Unai Etxenausia

Urte luzeak eman zituen Lorenzok Gasteizko Santiago ospitaleko gela guztiak garbitzen. «Lan gogorra» izan arren, goxo oroitzen ditu korridore horietan bere lankideekin batera pasatutako orduak eta haiengandik jasotako tratua.

<em>Te falta un Teleberri</em> saio berria. ©ETB

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...